Меъёрҳои муқарраргардидаи ҳарорати гармӣ дар баъзе биноҳои баландошёнаи шаҳри Душанбе риоя намегардад
ДУШАНБЕ, 18.11.2025 /АМИТ «Ховар»/. Дар баъзе пойгоҳҳо ва дохили биноҳои баландошёнаи ноҳияҳои Исмоили Сомонӣ ва Шоҳмансури шаҳри Душанбе меъёрҳои муқарраргардидаи ҳарорати гармӣ риоя намегарданд. Дар ин хусус АМИТ «Ховар» бо истинод ба Агентии назорати давлатии энергетикии назди Президенти Ҷумҳурии Тоҷикистон иттилоъ медиҳад.
Зимни санҷиши гурӯҳҳои кории Агентии назорати давлатии энергетикӣ дар самти назорати таъмини гармӣ муайян гардид, ки ҳарорати гармӣ дар шабакаҳо, аз ҷумла дар пойгоҳҳо ва дохили биноҳои баландошёна ба 55 дараҷа баробар мебошад. Ҳол он ки мувофиқи талаботи меъёрҳои амалкунанда ҳарорати таъминоти гармӣ бояд 75 дараҷаро ташкил диҳад.
Ба иттилои мутахассисон, бинобар паст будани ҳарорати таъминоти гармӣ сокинон маҷбур мешаванд барои гарм нигоҳ доштани манзилҳо аз таҷҳизоти барқӣ истифода баранд. Истифодаи таҷҳизоти барқӣ агар аз як тараф ба низоми энергетикии мамлакат сарбории иловагӣ эҷод кунад, аз ҷониби дигар, хароҷоти иловагии молиявии шаҳрвандонро ба вуҷуд меорад.
Аз ин рӯ гурӯҳҳои кории Агентӣ ба сохторҳои дахлдори мамлакат барои бартараф намудани камбудиҳо ва ба меъёрҳои техникӣ мутобиқ гардонидани маъёри гармӣ тавсия доданд, ки чораҳои заруриро амалӣ намоянд.
Бояд гуфт, ки ҳамасола дар фасли зимистон истифодаи барқ дар шаҳри Душанбе зиёда аз ду баробар афзоиш ёфта, пойтахт ба истеъмолкунандаи азими неру табдил меёбад. Дар ин замина ҳангоми истифодаи гармӣ, ки дар марказҳои барқу гармидиҳӣ истеҳсол мешавад, дар пойтахт неруи барқ сарфа мегардад. Ин барои бо барқ таъмин намудани аҳолии ҷумҳурӣ манфиатбахш мебошад.
Тавре қаблан иттилоъ додем, Маркази барқу гармидиҳии № 1 ва №2-и шаҳри Душанбе шуруъ аз даҳаи дуюми моҳи октябр ба кор оғоз намуданд.
АКС: Агентии назорати давлатии энергетикии назди Президенти Ҷумҳурии Тоҷикистон
Дар Тоҷикистон ҳавои моҳи якуми фасли тирамоҳ то 1 дараҷа гарм пешгӯӣ мешавад
Бо иштироки Сарвазири Тоҷикистон маросими супоридани мукофот ва ҷоизаҳои давлатӣ ба намояндагони касбу кори гуногун баргузор шуд
ПУРСИДЕД, ҶАВОБ МЕДИҲЕМ. Аз соли 2027 шаҳрвандони хориҷӣ дар Федератсияи Русия кадом талаботи навро бояд риоя намоянд?
Оид ба нақши Пешвои миллат дар таҳкими истиқлолият ва рушди Тоҷикистони соҳибистиқлол ҳамоиш доир шуд
Муассисаҳои таҳсилоти ибтидоӣ ва миёнаи касбӣ ба соли нави таҳсил омода мебошанд
ОГОҲӢ! Аз 29 то 31 август дар баъзе минтақаҳои Тоҷикистон омадани селҳои маҳаллӣ пешгӯӣ мешавад
Самаранокии идоракунии молиявӣ бо намояндагони лоиҳаи Иттиҳоди Аврупо дар Тоҷикистон баррасӣ шуд
ИСТИҚЛОЛИЯТ, ҶАВОНӢ ВА СОЗАНДАГӢ. Дар Душанбе Форуми ҷумҳуриявии ҷавонон баргузор гардид
Байни муассисаҳои соҳаи тандурустии Тоҷикистону Қазоқистон се Ёддошти тафоҳум ба имзо расид
Дар шаҳри Левакант муассисаи давлатии таҳсилоти томактабӣ ба истифода дода шуд
ДАР ПАЙРАВӢ БА ИҚДОМИ ПЕШВОИ МИЛЛАТ. Ба 40 нафар ятими кулли шаҳри Ҳисор либоси мактабӣ тақдим гардид
Дар доираи сафари кории Президенти Тоҷикистон дар ноҳияи Хуросон иншооти гуногун ба истифода дода шуданд
