Оид ба нақши муассисаҳои илмӣ ва олии таълимӣ дар фаъолияти ҳуқуқэҷодкунӣ конференсияи байналмилалӣ доир шуд
ДУШАНБЕ, 29.11.2025 /АМИТ «Ховар»/. 29 ноябр бо ташаббуси Маркази миллии қонунгузории назди Президенти Ҷумҳурии Тоҷикистон таҳти унвони «Нақши муассисаҳои илмӣ ва олии таълимӣ дар фаъолияти ҳуқуқэҷодкунӣ» конференсияи байналмилалии илмӣ-амалӣ доир шуд. Дар ин хусус ба АМИТ «Ховар» аз ин марказ хабар доданд.
Дар конференсия намояндаи Дастгоҳи иҷроияи Президенти Ҷумҳурии Тоҷикистон, олимону мутахассисон аз Ҷумҳурии Узбекистон ва Ҷумҳурии Қазоқистон, намояндагони вазорату идораҳо ва муассисаҳои илмии мамлакат иштирок намуданд.
Зимни конференсия иштирокчиён оид ба нақши муассисаҳои илмӣ, марказҳои таҳқиқотӣ ва донишгоҳҳо дар такмили раванди ҳуқуқэҷодӣ ва таҳияи санадҳои меъёрии ҳуқуқӣ мубодилаи афкор намуданд. Олимону мутахассисони Узбекистон ва Қазоқистон доир ба нақши институтҳои қонунгузорӣ дар татбиқи раванди ҳуқуқэҷодкунӣ маъруза намуданд.
Дар қисмати музокира таҷрибаи кишварҳои иштирокчӣ мавриди баррасӣ қарор гирифта, барои беҳтар намудани равандҳои ҳуқуқэҷодкунӣ дар Тоҷикистон таклифҳои судманд пешниҳод гардиданд.
Баргузории чунин ҳамоишҳо ба рушди ҳамкории илмӣ ва таҳкими заминаҳои илмӣ-назариявии ҳуқуқэҷодкунӣ мусоидат менамояд.
АКС: Маркази милии қонунгузории назди Президенти Ҷумҳурии Тоҷикистон
Мактаб, оила ва ҷомеа — се неруе, ки бояд иттиҳоди ҳамешагӣ дошта бошанд
20 СЕНТЯБР — РӮЗИ ҶАҲОНИИ ТОЗАГӢ. Маданияти шаҳрнишиниро риоя бояд кард!
Ҷавонони Тоҷикистон дар Фестивали байналмилалии ҷавонон-2026 дар Екатеринбург иштирок намуданд
Дар Душанбе «Стратегияи ҳифзи саломатии аҳолии Ҷумҳурии Тоҷикистон барои давраи то соли 2030» баррасӣ шуд
Дар Тоҷикистон Озмуни ҷумҳуриявии «Табиби сол – 2026» ҷамъбаст гардид
Байни Агентии хизмати давлатии Тоҷикистон ва Вазорати идоракунии ҳайати Ҷумҳурии Корея Ёддошти тафоҳум ба имзо расид
16 СЕНТЯБР — РӮЗИ БАЙНАЛМИЛАЛИИ КАРДИОЛОГИЯИ ИНТЕРВЕНСИОНӢ. Табобати бемориҳои дилу раг бо истифодаи ҷарроҳиҳои муосир ва бе буриши калон ба куллӣ тағйир ёфтааст
Тоҷикистон ва Британияи Кабир масъалаи таҳия ва имзои санади нави ҳамкориро дар самти пешгирии ҳолатҳои фавқулода баррасӣ карданд
Дар Душанбе роҳҳои нави ҳамкорӣ бо ҷамъиятҳои тоҷикон ва ҳамватанони бурунмарзӣ баррасӣ гардиданд
Тоҷикистон ва Чин робитаҳои илмӣ-таҳлилӣ ва ҳамкории минтақавиро густариш медиҳанд
«ХУШДОМАНИ БЕҲТАРИН». Ин озмуни ҷумҳуриявӣ бо мақсади таҳкими фарҳанги оиладорӣ баргузор мешавад
Дар фасли тирамоҳ бемориҳои сироятии мавсимӣ зиёд мешаванд
