Ҳайати Тоҷикистон дар Конфронси дуюми ҷаҳонӣ оид ба истифодаи маълумот барои таҳкими чораҳои зиддикоррупсионӣ иштирок намуд
ДУШАНБЕ, 05.12.2025 /АМИТ «Ховар»/. Аз 2 то 4 декабр дар шаҳри Ню-Йорки Иёлоти Муттаҳидаи Амрико Конфронси дуюми ҷаҳонӣ оид ба истифодаи маълумот барои таҳкими чораҳои зиддикоррупсионӣ доир шуд, ки дар кори он ҳайати расмии Агентии назорати давлатии молиявӣ ва мубориза бо коррупсияи Ҷумҳурии Тоҷикистон иштирок намуд. Дар ин хусус ба АМИТ «Ховар» аз ин агентӣ хабар доданд.
Иттилоъ дода шуд, ки конфронс аз ҷониби Раёсати Созмони милали Муттаҳид оид ба маводи мухаддир ва ҷинояткорӣ дар ҳамбастагӣ бо Барномаи рушди Созмони Милали Муттаҳид ва Академияи байналмилалии зиддикоррупсионӣ гузаронида шуд. Дар конфронс намояндагони беш аз 100 давлати дунё иштирок намуданд.
Ҳадафи ҳамоиш ба ҳам овардани коршиносон ва намояндагони давлатҳо, ташкилоти байналмилалӣ, муассисаҳои илмӣ ва ҷомеаи шаҳрвандӣ барои табодули донишу таҷрибаи пешрафтаи якдигар ва беҳтар намудани механизми ченаки дарки коррупсия арзёбӣ гардид.
Конфронс ба таҳким бахшидани муносибатҳои байналмилалӣ ва муайян намудани чораҳои муосири мубориза бар зидди коррупсия равона гардид. Зимин он ҳайати мамлакат дар мавриди натиҷаҳои дар самти муқовимат ба коррупсия ноилгаштаи Тоҷикистон маъруза намуд.
Натиҷаҳои чунин ҳамоишҳо барои мустаҳкам кардани робитаҳои байналмилалӣ ва беҳтар намудани фаъолияти мақомоти дахдор заминаи мусоид фароҳам меоранд.
АКС: Агентии назорати давлатии молиявӣ ва мубориза бо коррупсияи Ҷумҳурии Тоҷикистон
Покистон тасмим гирифтааст, ки ҳамкориро бо Тоҷикистон дар соҳаи сайёҳӣ густариш диҳад
Моҳи сентябр дар Тоҷикистон панҷумин Форуми Осиёи Марказӣ оид ба пиринг ва пайвастшавӣ доир мегардад
ИМРӮЗ — РӮЗИ АНГИШТКАНОН. Истихроҷи ангишт то ба 3 миллион тонна расонида мешавад
Дар хоҷагии деҳқонии «Боғи Сомон»-и шаҳри Турсунзода мавсими тайёр кардани мавиз оғоз гардид
Рақамикунонӣ — омили муҳими рушди бехатарии озуқаворӣ дар сарҳад ва нақлиёт
Ширкати «Жонгшан»-и Чин дар Тоҷикистон ҳавзҳои муосири моҳидорӣ бунёд менамояд
«РОҒУН» — РАМЗИ ҚУДРАТИ ЭНЕРГЕТИКИИ ТОҶИКИСТОН ДАР АРСАИ БАЙНАЛМИЛАЛӢ. Андешаҳо дар ин маврид
Ҷиҳати пешгирии таъсири хавфҳои эҳтимолӣ ба иқтисодиёти миллӣ ҷаласа баргузор гардид
«СИЁСАТИ НУРАФЗО». Таҳти ин унвон доир ба нақши Пешвои миллат дар рушди соҳаи энергетика китоби нав ба нашр расид
Татбиқи ташаббусҳои глобалии Тоҷикистон оид ба ҳифзи пиряхҳо ва криосфера дар Душанбе баррасӣ шуд
Имрӯз парвози мустақим дар хатсайри Душанбе–Минск оғоз гардид
Ташаккули сиёсати зиддикоррупсионии Ҳукумати Ҷумҳурии Тоҷикистон дар даврони истиқлоли давлатӣ баррасӣ гардид
