Ҳайати Тоҷикистон дар конгресси байналмилалӣ минералҳои фоиданоки мамлакатро муаррифӣ намуд
ДУШАНБЕ, 08.12.2025 /АМИТ «Ховар»/. Ҷумҳурии Тоҷикистон дорои захираҳои зиёди минералҳои муҳим ва ҳаётан зарурӣ мебошад, ки дар марҳилаҳои гуногуни омӯзиш қарор доранд. Ин матлабро намояндаи Ҷумҳурии Тоҷикистон дар Конгресси 4-ум ва намоиши байналмилалии «Саноати кӯҳии Узбекистон ва Осиёи Марказӣ», ки 3-4 декабр дар шаҳри Тошканди Ҷумҳурии Узбекистон баргузор гардид, иброз дошт.
Тавре аз Саридораи геологияи назди Ҳукумати Ҷумҳурии Тоҷикистон ба АМИТ «Ховар» хабар доданд, дар ҳамоиш беш аз 200 роҳбари корхонаҳои пешрафтаи саноати кӯҳии Узбекистон ва кишварҳои Осиёи Марказӣ, аз ҷумла Тоҷикистон иштирок намуд.
Конгресс барои муколама, табодули таҷриба ва ҷустуҷӯи роҳҳои ҳалли муттаҳидсозии бозори саноати маъдани кӯҳии давлатҳои Осиёи Марказӣ имконияти хуб фароҳам овард.
Зимни конгресс сардори шуъбаи геологияи саридора Мухтор Фозилзода дар мавзуи «Минералҳои муҳими Тоҷикистон» маъруза намуд.
Иброз шуд, ки бо сабаби афзоиши талаботи саноатӣ ба маъданҳои фоиданок Ҳукумати Ҷумҳурии Тоҷикистон барномаҳои таҳқиқу омӯзиши маъданҳо ва истихроҷи саноатиро таҳия мекунад.
Ёдовар мешавем, ки дар ин конгрес ва намоишгоҳ аз Тоҷикистон роҳбарони корхонаҳои «Экспедитсияи иктишофи геологии Моғиён» ва «Экспедитсияи комплексии геологии Қайроққум» низ иштирок намуданд.
АКС: Саридораи геологияи назди Ҳукумати Ҷумҳурии Тоҷикистон
Вазири молияи Тоҷикистон дар Бангкок бо роҳбарияти Фонди кувайтии рушди иқтисодиёти араб мулоқот намуд
Дар доираи Форуми соҳибкории «Тоҷикистон, ба пеш!» ду Ёддошти тафоҳум дар соҳаи энергетика ба имзо расид
Дар 25 соли охир аз ҷониби соҳибкорон зиёда аз 4 миллион ҷойи кор таъсис дода шудааст
Дар Душанбе татбиқи «Барномаи рушди таҳвилгарон ва содирот» бо ҳайати Гурӯҳи Бонки ҷаҳонӣ баррасӣ гардид
Дурнамои рушди ҳамкорӣ байни Тоҷикистон ва Чехия дар соҳаи нақлиёти роҳи оҳан баррасӣ гардид
Масъалаи истифодаи механизмҳои нави маблағгузорӣ барои татбиқи лоиҳаҳои афзалиятноки Тоҷикистон дар Бангкок баррасӣ шуд
РУШДИ ИҚТИСОДИ МИЛЛӢ. Дар нуҳ моҳи соли 2026 8,3 фоиз таъмин гардид
Олимони тоҷик парвариши гандуми тирамоҳӣ ва пахтаро дар шароити тағйирёбии иқлим баррасӣ намуданд
Ҷалби сармоя барои татбиқи лоиҳаҳои афзалиятноки Тоҷикистон дар Бангкок баррасӣ гардид
«СОҲИБКОРИИ ЗАНОН: ИМКОНИЯТҲО, НАВОВАРӢ ВА РУШДИ УСТУВОР».Таҳти ин унвон ҳамоиш баргузор шуд
Дар мавзуи дастгирии соҳибкорӣ дар 35 соли Истиқлоли давлатӣ ҳамоиш баргузор шуд
Дар Рим имкониятҳои содиротии маҳсулоти кишоварзии Тоҷикистон муаррифӣ гардиданд
