Ҳамкории фарҳангии Тоҷикистон ва Амороти Муттаҳидаи Араб дар самти мусиқии симфонӣ густариш меёбад
ДУШАНБЕ, 25.12.2025 /АМИТ «Ховар»/. Дар шаҳри Абузабӣ Директори Муассисаи давлатии «Оркестри давлатии симфонӣ»-и Дастгоҳи иҷроияи Президенти Ҷумҳурии Тоҷикистон Олимҷон Солизода якчанд мулоқот баргузор намуд.
Тавре ба АМИТ «Ховар» аз Сафорати Ҷумҳурии Тоҷикистон дар Амороти Муттаҳидаи Араб хабар доданд, Олимҷон Солизода бо муовини Вазири фарҳанги Амороти Муттаҳидаи Араб Ҳуда Аҳмад Ал-Маршудӣ ва Ёвари директори Театри миллии Аморот Ҳотим Алӣ Ал-Нувайс мулоқот кард.
Дар ҷараёни вохӯрӣ ҷонибҳо рушди ҳамкорӣ байни ниҳодҳои фарҳангии Тоҷикистон ва Аморотро муҳим арзёбӣ намуда, ҷанбаҳои тадорукотӣ ва логистикии ташкили барномаҳои консертии симфонӣ ва эстрадиро ба муносибати 35- солагии Истиқлоли давлатии Ҷумҳурии Тоҷикистон ва дигар ҷашнҳои миллӣ дар Амороти Муттаҳидаи Араб баррасӣ намуданд.
Ҳамзамон мулоқоти Олимҷон Солизода бо Директори идории «Оркестри миллии Амороти Муттаҳидаи Араб» Шайха Алия бинти Холид Ал-Қосимӣ доир гардид.
Дар вохӯрӣ ҳамтоён барои ба роҳ мондани шарикӣ дар самти пешбурди мероси фарҳангию мусиқӣ изҳори омодагӣ намуда, зарурати имзои санади ҳамкориро ҷиҳати ташкили барномаҳои муштараки консертии симфонӣ ва эстрадӣ таъкид карданд.
Инчунин масъалаҳои ҷалби санъаткорон, мутрибон ва сарояндагон ба даврҳои бозомӯзӣ, иштирок дар чорабиниҳои миллӣ ва фестивалҳои байналмилалии мусиқӣ дар давлатҳои ҳамдигар мавриди муҳокима қарор гирифтанд.
АКС: Сафорати Ҷумҳурии Тоҷикистон дар Амороти Муттаҳидаи Араб
Ҳамкории дуҷонибаи Тоҷикистону Умон баррасӣ гардид
Сафири Тоҷикистон бо раиси Палатаи савдо ва саноати Салтанати Умон мулоқот намуд
Ҳамкории Тоҷикистон ва Эрон дар соҳаи илму фарҳанг баррасӣ шуд
Дар Берлин консерти ансамбли «Моҳирон» дар доираи фестивали байналмилалии Young Euro Classic баргузор гардид
Ҳамкории Тоҷикистону Кувайт дар соҳаи ҳуқуқи инсон баррасӣ шуд
Дар Кувайт ҳамкорӣ ва ҳамоҳангсозӣ дар самти консулӣ байни Тоҷикистон ва Давлати Кувайт баррасӣ гардид
Дар Вена масъалаҳои таҳкими ҳамкории илмӣ-фарҳангии Тоҷикистон ва Австрия баррасӣ гардиданд
Сироҷиддин Муҳриддин бо ҳамоҳангсози доимии СММ дар Тоҷикистон мулоқот намуд
Дар Анқара машваратҳои сиёсӣ байни вазоратҳои корҳои хориҷии Тоҷикистон ва Туркия баргузор шуданд
Масоили ҳамкорӣ дар соҳаи моликияти зеҳнӣ байни Тоҷикистон ва Корея баррасӣ гардид
Дар Теҳрон ҳамкории дуҷониба байни Тоҷикистон ва Эрон баррасӣ шуд
Сафири Тоҷикистон бо Вазири давлатии вазорати федералии корҳои хориҷии Олмон оид ба корҳои Аврупо мулоқот намуд
