Дар Душанбе татбиқи «Барномаи таълим дар соҳаи ҳуқуқи инсон барои солҳои 2022-2026»-ро мавриди баррасӣ қарор доданд
ДУШАНБЕ, 27.12.2025. /АМИТ «Ховар»/. Дар мақомоти Ваколатдор оид ба ҳуқуқи инсон дар Ҷумҳурии Тоҷикистон ҷаласаи навбатии Шурои ҳамоҳангсози байниидоравӣ оид ба татбиқи «Барномаи таълим дар соҳаи ҳуқуқи инсон барои солҳои 2022-2026» баргузор шуд. Дар ин хусус ба АМИТ «Ховар» аз хадамоти матбуоти Ваколатдор оид ба ҳуқуқи инсон дар Ҷумҳурии Тоҷикистон иттилоъ доданд.
Дар ҷаласаи Шуро фаъолияти мақомоту идораҳои давлатӣ ҷиҳати татбиқи ин барнома дар соли 2025 натиҷагирӣ карда шуд. Дар ҷаласа Ваколатдор оид ба ҳуқуқ инсон дар Ҷумҳурии Тоҷикистон, раиси Шуро Умед Бобозода гуфт: «чор сол мешавад, ки мо дар ҳамоҳангӣ ҷиҳати татбиқи яке аз барномаҳои муҳимми давлатӣ – «Барномаи таълим дар соҳаи ҳуқуқи инсон барои солҳои 2022-2026» ҳамкорӣ намуда, ҷиҳати оммавӣ гардонидани таълими ҳуқуқи инсон, таҳкими ниҳодҳои миллӣ оид ба ҳифзи ҳуқуқи инсон, тарғиби ҳуқуқи инсон, таълифи адабиёти ҳуқуқӣ ва дар маҷмуъ баланд бардоштани маърифати ҳуқуқии аҳолӣ мусоидат менамоем».
Барномаи мазкур фарогири таълими соҳаи ҳуқуқи инсон дар низоми маориф, давраҳои омӯзишӣ ва бозомӯзии муаллимон, судяҳо, хизматчиёни давлатии шаҳрвандӣ, кормандони мақомоти ҳифзи ҳуқуқ, хизматчиёни ҳарбӣ буда, бо дарназардошти ҳадафҳои марҳилаи чоруми Барномаи ҷаҳонии таълим дар соҳаи ҳуқуқи инсон ҷавонон ва рӯзноманигорон илова карда шудаанд.
Таъкид гардид, ки аз ҷониби Маҷмааи Умумии Созмони Милали Муттаҳид эълон гардидани соли 2027 ҳамчун Соли байналмилалии маърифати ҳуқуқӣ бори дигар дурустии қабул ва татбиқи стратегияву барномаҳо ва иқдомҳои Ҳукумати Ҷумҳурии Тоҷикистонро дар самти ҳуқуқи инсон бозгӯ менамояд.
Гуфта шуд, ки татбиқи Барномаи мазкур далели он аст, ки дар Ҷумҳурии Тоҷикистон тамоми имкониятҳо барои таълими ҳуқуқи инсон муҳайё буда, дар ҳамкорӣ бо мақомоту муассисаҳои давлатӣ, ҷомеаи шаҳрвандӣ ва шарикони рушд чорабинҳои пешбинигардида муваффақона амалӣ карда мешаванд.
Бояд тазаккур дод, ки Шурои ҳамоҳангсози байниидоравӣ бо мақсади татбиқи «Барномаи таълим дар соҳаи ҳуқуқи инсон барои солҳои 2022-2026 бо қарори Ҳукумати Ҷумҳурии Тоҷикистон аз 30 декабри соли 2021 қабул гардидааст. Шуро аз ҳисоби намояндагони Суди Олӣ, Прокуратураи генералӣ, вазоратҳои мудофиа, адлия, корҳои дохилӣ, маориф ва илм, тандурустӣ ва ҳифзи иҷтимоии аҳолӣ, меҳнат, муҳоҷират ва шуғли аҳолӣ, Кумитаи давлатии амнияти миллӣ, кумитаҳои кор бо ҷавонон ва варзиш, таҳсилоти ибтидоӣ ва миёнаи касбӣ, Донишгоҳи миллии Тоҷикистон ва Академияи ВАО таъсис дода шудааст.
АКС: Хадамоти матбуоти Ваколатдор оид ба ҳуқуқи инсон дар Ҷумҳурии Тоҷикистон
Посух ба муроҷиати шаҳрванди Афғонистон Муҳаммад Ҳаким Турсун
«БЕҲТАРИН УСТО ВА ШОГИРД». Дар Душанбе даври ҷамъбастии фестивал-озмуни ҳунармандону косибон баргузор мегардад
КАСБУ ҲУНАР МЕОМӮЗЕМ! Маркази касбомӯзӣ ва хизматрасонӣ дар ноҳияи Восеъ ба хоҳишмандон касбу ҳунарҳои дар бозори меҳнат талабгорро меомӯзад
«ЯК МАТОВУ САД РАНГ». Шаҳри Душанбе бо намоиши либосҳои муосири миллӣ ба гирифтани ҷойи якум сазовор гардид
Дар Ню-Йорк ҳамкории Тоҷикистон бо шарикони байналмилалӣ дар самти муҳоҷират баррасӣ гардид
ОГОҲӢ! 10-12 май дар бештари қаламрави Тоҷикистон бориши бошиддати борони пешгӯӣ мешавад
Намояндагони Тоҷикистон дар дуюмин Форуми байналмилалии баррасии муҳоҷират иштирок намуданд
Муовини Сарвазири Тоҷикистон ба хонадони иштирокчии ҷанг аз шаҳри Ҳисор кумакпулии Пешвои миллатро супорид
Шаҳноза Ахмедова: «Рушди ҳунарҳои мардумӣ омили муҳими муаррифии давлат, миллат ва фарҳанг аст»
ПУРСИДЕД, ҶАВОБ МЕДИҲЕМ. Кадом хатарҳо ҳангоми истифодаи хизматрасониҳои молиявӣ дар Федератсияи Русия вуҷуд доранд?
Шаҳноза Ахмедова соҳиби Шоҳҷоизаи Фестивал-озмуни ҷумҳуриявии «Як матову сад ранг» гардид
Дар Дастгоҳи иҷроияи Президенти Ҷумҳурии Тоҷикистон бахшида ба ҷашни 35-солагии Истиқлоли давлатӣ нишасти илмию назариявӣ баргузор гардид
