Дар хоҷагии ҷангали ноҳияи Ховалинг тақрибан 10 ҳазор бех ниҳоли санавбар шинонида шуд
ДУШАНБЕ, 22.12.2025 /АМИТ «Ховар»/. Давоми моҳи декабр аз ҷониби Муассисаи давлатии хоҷагии ҷангали ноҳияи Ховалинг дар 12 садяк замин тақрибан 10 ҳазор бех ниҳоли санавбар шинонида шуд. Дар ин хусус АМИТ «Ховар» бо истинод ба Агентии хоҷагии ҷангали назди Ҳукумати Ҷумҳурии Тоҷикистон хабар медиҳад.
Ниҳолшинонӣ дар густариши масоҳати ҷангалзори ноҳия, таъмини нигоҳдории устувори экосистема ва рушди соҳаи ниҳолпарварӣ нақши муҳим мебозад. Шинонидани чунин теъдоди ниҳолҳо имкон медиҳад, ки заминаи устувори экологии минтақа барои солҳои оянда фароҳам оварда шавад.
Ҳамзамон ин иқдом бо мақсади татбиқи «Барномаи давлатии кабудизоркунии Ҷумҳурии Тоҷикистон барои давраи то соли 2040» амалӣ шуда, ба ҳифзи муҳити зист ва тозагии экология равона гардид.
Масъулон таъкид менамоянд, ки ин иқдоми назаррас дар заминаи сиёсати давлатии рушди ҷангал ва афзоиши масоҳати сабз дар ҷумҳурӣ аҳамияти стратегӣ дорад.
Маъракаи ниҳолшинонӣ дар асоси дастуру супоришҳои Пешвои миллат муҳтарам Эмомалӣ Раҳмон бо мақсади дар сатҳи муайян коҳиш додани оқибатҳои манфии тағйирёбии номусоиди иқлим ба ҳаёти одамон ва мавҷудоти дигари зиндаи табиат гузаронида шуд.
АКС: Агентии хоҷагии ҷангали назди Ҳукумати Ҷумҳурии Тоҷикистон
ДАРАХТ БИНШОН! Дар талу теппаҳои канори шоҳроҳи Душанбе-Рӯдакӣ-Ваҳдат садҳо бех ниҳолҳои ҳамешасабз шинонида шуданд
Дар ноҳияи Мастчоҳ зиёда аз 20 ҳазор бех ниҳол шинонида шуд
БАРНОМАИ КАБУДИРЗОРКУНӢ. Дар доираи ин барнома дар Тоҷикистон ҳудуди ду миллиард дарахт шинонида мешавад
Дар ҳудуди шаҳри Душанбе зиёда аз 214 ҳазор бех дарахтони ороишию сояафкан шинонида мешаванд
ИҚДОМИ САБЗ. Чоҳи амудии ноҳияи Мастчоҳ беш аз 5 гектар заминҳои ниҳолпарвариро бо оби доимӣ таъмин менамояд
Дар минтақаи Кӯлоб беш аз 45 ҳазор бех дарахти павловния парвариш карда мешавад
Боғдорони ноҳияи Ишкошим ба парвариши чормағз оғоз намуданд
ДАРАХТ БИНШОН! Дар ноҳияи Рашт беш аз 23 ҳазор бех ниҳоли ороишию ҳамешасабз шинонида шуд
Дар ноҳияҳои Шуғнон, Рӯшон, Дарвоз ва Ванҷ боғҳои чормағз бунёд карда мешаванд
ДАРАХТ БИНШОН! Дар ноҳияи Лахш беш аз 11 ҳазор бех ниҳоли мевадиҳанда ва ҳамешасабз шинонида шуд
ДАРАХТ БИНШОН! Дар боғи навбунёди Шуғнон 15 ҳазор бех ниҳоли дарахтони мевадиҳанда шинонида шуд
ДАРАХТ БИНШОН! Дар боғи навбунёди ноҳияи Мурғоб беш аз 10 ҳазор бех ниҳол шинонида шуд
