Дастаи миллии Тоҷикистон оид ба ҷиу-ҷитсу ба Бозиҳои Осиёӣ омодагӣ мебинад
ДУШАНБЕ, 23.12.2025 /АМИТ «Ховар»/. Бо мақсади таҳкими ҳамкории дуҷониба дар заминаи омодасозии дастаи миллии Тоҷикистон оид ба ҷиу-ҷитсу ба Бозиҳои Осиёӣ, ки охири соли 2026 дар Ҷопон баргузор мегарданд, Президенти Федератсияи ҷиу-ҷитсуи Тоҷикистон Манучеҳр Каримзода дар Ҷопон бо Президенти Федератсияи ҷиу-ҷитсуи Ҷопон Такамаса Ватанабе вохӯрӣ намуд. Дар ин хусус ба АМИТ «Ховар» аз Федератсияи ҷиу-ҷитсуи Тоҷикистон хабар доданд.
Ҷонибҳо масъалаҳо оид ба баланд бардоштани сатҳи омодагии варзишгарон, табодули таҷриба ва истифодаи инфрасохтори варзишии Ҷопонро барои омодагии дастаи тоҷик мавриди баррасӣ қарор доданд.
Зимни вохӯрӣ мувофиқа гардид, ки дар доираи ҳамкорӣ мураббиён ва варзишгарони тоҷик ба ҷамъомадҳои таълимӣ ва варзишӣ дар Ҷопон ҷалб карда мешаванд. Ин иқдом ба омодагии босифат ва рақобатпазири дастаи миллӣ мусоидат мекунад.
Ҳамчунин Такамаса Ватанабе барои сафар ба Ҷумҳурии Тоҷикистон дар моҳи майи соли 2026 изҳори омодагӣ намуд. Ин сафар метавонад марҳилаи нави ҳамкории амалӣ дар остонаи Бозиҳои Осиёӣ гардида, ба таҳкими робитаҳои варзишии ду давлат мусоидат намояд.
Федератсияи ҷиу-ҷитсуи Тоҷикистон ин вохӯриро қадами муҳим дар роҳи омодагии ҳамаҷонибаи дастаи миллӣ оид ба ҷиу-ҷитсу ба Бозиҳои Осиёии 2026, инчунин рушди устувори ҷиу-ҷитсу дар мамлакат арзёбӣ менамояд.
АКС: Федератсияи ҷиу-ҷитсуи Тоҷикистон
Дар ноҳияи Данғара фестивали бозиҳои миллӣ бо шукуҳи хосса баргузор шуд
Лигаи футболи Тоҷикистон дар остонаи мавсими нав барои комиссарон семинари омӯзишӣ баргузор кард
Дастаи мунтахаби Тоҷикистон оид ба футболи электронӣ нахустин маротиба дар мусобиқаи FIFAe Nations League иштирок мекунад
Дастаи миллии занонаи Тоҷикистон оид ба футбол бо тими Амороти Муттаҳидаи Арабӣ ду бозии дӯстона доир мекунад
Дастаи миллии занонаи Тоҷикистон оид ба футбол дар Душанбе ба машқҳои дастҷамъона фаро гирифта шуд
Дастаи мунтахаби наврасони Тоҷикистон (U-17) дар Ҷопон дар мусобиқаи байналмилалӣ иштирок кард
Дастаи мунтахаби наврасони Тоҷикистон (U-16) оид ба футбол дар «Ҷоми рушд-2026» ҷойи панҷумро соҳиб гардид
Дастаҳои футболи Тоҷикистон бо дастурҳои навшудаи доварон барои мавсими 2026 шинос шуданд
Дар Душанбе оид ба ҳуқуқҳои байналмилалии футбол ва идоракунии бошгоҳҳо машғулият баргузор гардид
Дастаи «Ҳулбук»-и Восеъ ғолиби Ҷоми Федератсияи футболи Тоҷикистон-2026 шуд
ҶОМИ ФФТ-2026. Имрӯз бозии финалии дастаҳои «Барқчӣ»-и Ҳисор ва «Ҳулбук»-и Восеъ доир мегардад
ФУТБОЛ. Дастаи мунтахаби наврасони Тоҷикистон дар мусобиқаи «Ҷоми рушд-2026» иштирок мекунад
