ИСТИФОДАИ САМАРАНОКИ ЗАМИН. Сокинони ноҳияи Ёвон заминҳои наздиҳавлигиро оқилона истифода мебаранд
ДУШАНБЕ, 13.12.2025 /АМИТ «Ховар»/. Сокини ноҳияи Ёвон Ҳасан Абдукаримов дар замини наздиҳавлигии худ асосан пиёзи барвақтӣ, сирпиёз ва карам парвариш менамояд. Ӯ инчунин бо ташкил намудани гармхона ба парвариши лимӯ ва дигар сабзавот низ машғул мебошад. Истифодаи усулҳои муосири агротехникӣ, нигоҳубини хуб ва меҳнати софдилона боис гардидааст, ки ин хонавода пурра бо маҳсулоти тару тозаи худӣ таъмин гардад.
Тавре ба АМИТ «Ховар» аз Мақомоти иҷроияи ҳокимияти давлатии ноҳияи Ёвон иброз доштанд, оилаи Ҳасан Абдукаримов аз зумраи он хонаводаҳоест, ки ҷиҳати амалӣ намудани дастуру ҳидоятҳои Президенти Ҷумҳурии Тоҷикистон муҳтарам Эмомалӣ Раҳмон оид ба ҳарчи бештар истеҳсол кардани маҳсулоти кишоварзӣ ва барои ду сол захира намудани маводи зарурии ғизоӣ заминҳои наздиҳавлигии худро самараноку оқилона истифода мебаранд.
Бештари маҳсулоти истеҳсолкардаи ин хонавода ба бозор бароварда шуда, на танҳо барои даромад мусоидат мекунад, балки саҳми худро дар ғанӣ гардондани бозори маҳаллӣ бо маҳсулоти ватанӣ низ мегузорад.
Раиси ноҳияи Ёвон Икромиддин Вализода зимни шиносоӣ бо истифодаи самараноки замини наздиҳавлигии Ҳасан Абдукаримов иброз дошт, ки заҳмати сокинон намунае аз татбиқи босамари сиёсати давлат ва Ҳукумати мамлакат дар самти истифодаи оқилонаи замин мебошад.
Ҳамчунин таъкид шуд, ки таҷрибаи чунин сокинони фаъолу ташаббускор бояд байни аҳолӣ васеъ тарғиб гардад, зеро ҳар як қитъаи замини наздиҳавлигӣ имконияти воқеӣ барои таъмини ризқи ҳалол, беҳтар намудани зиндагӣ ва саҳмгузорӣ дар рушди иқтисодиёти маҳаллӣ мебошад.
АКС: Мақомоти иҷроияи ҳокимияти давлатии ноҳияи Ёвон
«IT HUB DUSHANBE». Бо бунёди ин маҷмаа Душанбе ба шаҳри интелектуалӣ, рақамӣ ва инноватсионии Осиёи Марказӣ табдил меёбад
НИШАСТИ МАТБУОТӢ. Хадамоти зиддиинҳисорӣ ба маблағи 1,7 миллион сомонӣ вайронкунии қонунгузории зиддиинҳисориро ошкор намуд
Аз Тоҷикистон дар ҳаҷми беш аз 4298 тонна ангур содирот шудааст
Дар назди Агентии инноватсия ва технологияҳои рақамӣ Маркази ҳифзи маълумот таъсис дода шуд
Дар Форуми сиёсии сатҳи баланд оид ба рушди устувори СММ мавқеи Тоҷикистон оид ба рушди устувор муаррифӣ шуд
Дар Душанбе Машварати чоруми вазирони саноати давлатҳои аъзои Созмони ҳамкории иқтисодӣ доир мешавад
Дар шаҳри Сиани Чин ҳамоиши соҳибкорони вилояти Суғд ва музофоти Шэнсӣ баргузор гардид
НИШАСТИ МАТБУОТӢ. Дар нимсолаи якуми соли 2026 ба Тоҷикистон 889,4 ҳазор сайёҳи хориҷӣ омадааст
Аз Тоҷикистон ба маблағи беш аз 40 миллион доллар маҳсулоти кишоварзӣ содирот шудааст
Дар ноҳияи Шуғнон беш аз 720 оилаи занбӯри асал парвариш карда мешавад
35-СОЛАГИИ ИСТИҚЛОЛИ ДАВЛАТӢ. Дар Душанбе Озмоишгоҳи нави ҷумҳуриявии санҷиши сифати маҳсулоти кишоварзӣ ба истифода дода мешавад
Ҳамкории вилояти Суғд бо ширкатҳои чинӣ густариш меёбад
