Конференсияи илмӣ-амалӣ ба нақши ҳизбҳои сиёсӣ дар баланд бардоштани ҳувияти миллӣ ва амнияти давлат бахшида шуд
ДУШАНБЕ, 02.12.2025 /АМИТ «Ховар»/. Бо ташаббуси Кумитаи иҷроияи марказии Ҳизби Халқии Демократии Тоҷикистон дар Донишкадаи исломии Тоҷикистон бо мақсади баланд бардоштани ҳисси худогоҳию меҳанпарастӣ, ҳувияти миллӣ, ҳифзу нигаҳдошти арзишҳои миллӣ, истиқлолият ва ваҳдати миллӣ ва ҳушёрию зиракии сиёсӣ дар вазъияти сиёсии ҷаҳон таҳти унвони «Нақши ҳизбҳои сиёсӣ дар баланд бардоштани ҳувияти миллӣ ва амнияти давлат» конференсияи илмӣ-амалӣ баргузор гардид. Дар ин хусус ба АМИТ «Ховар» аз ин ҳизб хабар доданд.
Зимни конференсия муовини якуми Раиси Ҳизби Халқии Демократии Тоҷикистон Маликшо Неъматзода иброз дошт, ки ҳувияти миллӣ танҳо воҳиди ном ва забони як мардум нест, балки маҷмуаи арзишҳои фарҳангӣ, анъанавӣ, таърихӣ ва маънавие мебошад, ки ба миллат ҳастӣ мебахшанд. Яке аз вазифаҳои асосии ҳизбҳои сиёсӣ, бахусус дар кишварҳои дар ҳоли рушд, чун Тоҷикистон ҳифз ва тарғиби ҳамин арзишҳо аст.
Ҳизби Халқии Демократии Тоҷикистон ҳамчун бузургтарин ҳизби сиёсӣ дар мамлакат дар тамоми давраи истиқлолият васеътарин фаъолиятро барои бозгашт ба решаҳои таърихӣ, эҳёи фарҳанги миллӣ ва тақвияти унсурҳои ҳувияти миллии тоҷикӣ анҷом додааст.
Мушовири бахши Ёрдамчии Президенти Ҷумҳурии Тоҷикистон оид ба масъалаҳои рушди иҷтимоӣ ва робита бо ҷомеа Орзу Ҳамидиён изҳор дошт, ки ҳизбҳои сиёсӣ дар намунаи Ҳизби Халқии Демократии Тоҷикистон на танҳо ташкилоти тараннумгари манфиатҳои гурӯҳҳои гуногуни ҷамъиятӣ, балки муҳофизи арзишҳои миллӣ ва таҳкимдиҳандаи амнияти давлатӣ мебошанд. Фаъолияти онҳо дар ин замина ба таври мустақим ба устуворӣ, пешрафт ва ободии мамлакат мусоидат менамояд. То он даме ки ин ҳизбҳо бо мардум зич пайванд буда, дар самти ҳифзи манфиатҳои миллию тақвияти давлатдории Тоҷикистон кор мекунанд, мамлакати мо дар роҳи рушду тараққӣ бо амният ва боварӣ ба оянда қадам мегузорад.
АКС: Кумитаи иҷроияи марказии Ҳизби Халқии Демократии Тоҷикистон
Посух ба муроҷиати шаҳрванди Афғонистон Муҳаммад Ҳаким Турсун
«БЕҲТАРИН УСТО ВА ШОГИРД». Дар Душанбе даври ҷамъбастии фестивал-озмуни ҳунармандону косибон баргузор мегардад
КАСБУ ҲУНАР МЕОМӮЗЕМ! Маркази касбомӯзӣ ва хизматрасонӣ дар ноҳияи Восеъ ба хоҳишмандон касбу ҳунарҳои дар бозори меҳнат талабгорро меомӯзад
«ЯК МАТОВУ САД РАНГ». Шаҳри Душанбе бо намоиши либосҳои муосири миллӣ ба гирифтани ҷойи якум сазовор гардид
Дар Ню-Йорк ҳамкории Тоҷикистон бо шарикони байналмилалӣ дар самти муҳоҷират баррасӣ гардид
ОГОҲӢ! 10-12 май дар бештари қаламрави Тоҷикистон бориши бошиддати борони пешгӯӣ мешавад
Намояндагони Тоҷикистон дар дуюмин Форуми байналмилалии баррасии муҳоҷират иштирок намуданд
Муовини Сарвазири Тоҷикистон ба хонадони иштирокчии ҷанг аз шаҳри Ҳисор кумакпулии Пешвои миллатро супорид
Шаҳноза Ахмедова: «Рушди ҳунарҳои мардумӣ омили муҳими муаррифии давлат, миллат ва фарҳанг аст»
ПУРСИДЕД, ҶАВОБ МЕДИҲЕМ. Кадом хатарҳо ҳангоми истифодаи хизматрасониҳои молиявӣ дар Федератсияи Русия вуҷуд доранд?
Шаҳноза Ахмедова соҳиби Шоҳҷоизаи Фестивал-озмуни ҷумҳуриявии «Як матову сад ранг» гардид
Дар Дастгоҳи иҷроияи Президенти Ҷумҳурии Тоҷикистон бахшида ба ҷашни 35-солагии Истиқлоли давлатӣ нишасти илмию назариявӣ баргузор гардид
