Корманди Донишгоҳи давлатии ҳуқуқ, бизнес ва сиёсати Тоҷикистон дар озмуни «Фурӯғи субҳи доноӣ китоб аст» ҷойи якумро соҳиб шуд
ДУШАНБЕ, 04.12.2025 /АМИТ «Ховар»/. Корманди Донишгоҳи давлатии ҳуқуқ, бизнес ва сиёсати Тоҷикистон Шамсия Мадалиева дар даври ҷумҳуриявии озмуни «Фурӯғи субҳи доноӣ китоб аст» дар номинатсияи «Адабиёти муосири тоҷик» сазовори ҷойи якум гардид. Дар ин хусус ба АМИТ «Ховар» аз ин донишгоҳ хабар доданд.
Бо қарори ҳайати ҳакамон Шамсия Мадалиева барои ишғоли ҷойи якум дар номинатсияи «Адабиёти муосири тоҷик» бо Дипломи ифтихорӣ ва мукофоти пулӣ ба маблағи 70 ҳазор сомонӣ қадрдонӣ гардид.
Ин дастовард на танҳо ифтихори шахсии ӯ, балки нишондиҳандаи сатҳи баланди омодагии кадрҳои ҷавони донишгоҳ ва таваҷҷуҳи бесобиқа ба тарғиби китобдорӣ ва рушди фарҳанги мутолиа дар мамлакат мебошад.
Раҳбарияти донишгоҳ таъкид намуданд, ки ин дастовард барои тамоми донишҷӯёни соҳибистеъдод намунаи ибрат буда, бозгӯйи он аст, ки меҳнат, сабру таҳаммул ва талошҳои пайгирона ҳамеша самари нек меоранд.
«Пирӯзии Шамсия Мадалиева натиҷаи заҳмати пайваста, ҷустуҷӯҳои илмӣ ва муҳаббати беандозаи ӯ нисбат ба китобу адабиёт мебошад», –мегӯянд масъулини донишгоҳ.
Донишҷӯи дигари донишгоҳ Азиза Ҷумаева соли равон дар Озмуни ҷумҳуриявии «Тоҷикистон-Ватани азизи ман» дар номинатсияи сарояндагӣ мақоми ифтихорӣ — Дипломи дараҷаи 1 ва ҷоизаи пулӣ ба маблағи 70 ҳазор сомонӣ ба даст овард.
Ёдовар мешавем, ки имрӯз дар Театри давлатии академии опера ва балети ба номи Садриддин Айнӣ маросими тантанавии ҷамъбасти Озмуни ҷумҳуриявии «Фурӯғи субҳи доноӣ китоб аст» баргузор гардид. Дар озмуни имсола 94 нафар ғолиб гардида, чор нафари онҳо соҳиби Шоҳҷоиза шуданд.
Озмуни ҷумҳуриявии «Фурӯғи субҳи доноӣ китоб аст» соли ҳафтум аст, ки таҳти сарпарастии Президенти Ҷумҳурии Тоҷикистон муҳтарам Эмомалӣ Раҳмон бо мақсади баланд бардоштани завқи китобхонӣ, тақвияти неруи зеҳнӣ, дарёфти чеҳраҳои нави суханвару сухандон, арҷ гузоштан ба арзишҳои миллию фарҳангӣ, инкишофи қобилияти эҷодӣ, таҳкими эҳсоси худогоҳию худшиносӣ, такмили захираи луғавӣ ва тақвияти ҷаҳони маънавӣ дар байни аҳолии мамлакат баргузор мегардад.
АКС: Донишгоҳи давлатии ҳуқуқ, бизнес ва сиёсати Тоҷикистон
Маркази миллии тестӣ: «Бақайдгирии довталабон барои иштирок дар даври сеюми имтиҳонҳои марказонидаи дохилшавӣ оғоз гардид»
Президенти Ҷумҳурии Тоҷикистон Эмомалӣ Раҳмон дар шаҳри Душанбе ҳафт иншооти соҳаи маорифро ба таври фосилавӣ ифтитоҳ намуданд
Сарвари давлат Эмомалӣ Раҳмон дар ноҳияи Шоҳмансури шаҳри Душанбе Муассисаи таҳсилоти миёнаи умумии рақами 20-ро ба истифода доданд
35-СОЛАГИИ ИСТИҚЛОЛИ ДАВЛАТӢ. Дар якчанд муассисаи таълимии шаҳри Истаравшан корҳои сохтмонӣ идома доранд
Дар шаҳри Левакант муассисаи давлатии таҳсилоти томактабӣ ба истифода дода шуд
Байни Академияи идоракунии давлатӣ ва Дафтари барномаҳои САҲА нақшаи чорабиниҳои муштарак ба имзо расид
Президенти Ҷумҳурии Тоҷикистон Эмомалӣ Раҳмон дар ноҳияи Данғара бинои муассисаи томактабии «Зирамоҳ»-ро ба истифода доданд
Пешвои миллат Эмомалӣ Раҳмон дар ноҳияи Данғара муассисаи таҳсилоти томактабии «Орзу»-ро мавриди истифода қарор доданд
«ИСТИҚЛОЛИ ДАВЛАТӢ: СУЛҲУ СУБОТ ВА АМНИЯТИ ҶОМЕА ДАР МЕҲВАРИ АРЗИШҲОИ МИЛЛӢ». Бо чунин унвон ҳамоиш доир гардид
Президенти Ҷумҳурии Тоҷикистон Эмомалӣ Раҳмон дар ноҳияи Данғара муассисаи таҳсилоти миёнаи умумии рақами 95-ро ба истифода доданд
Пешвои миллат Эмомалӣ Раҳмон дар ноҳияи Данғара муассисаи таҳсилоти томактабии хусусии Cокина ва китобхонаи деҳаи Хуррамзаминро ба истифода доданд
Пешвои миллат Эмомалӣ Раҳмон дар шаҳри Левакант бинои нозироти андоз ва бинои нави иловагии таълимӣ дар назди муассисаи таҳсилоти миёнаи умумии №10-ро ифтитоҳ намуданд
