Кумитаи ҳолатҳои фавқулода ва мудофиаи гражданӣ аз ронандагон хоҳиш менамояд, ки пеш аз сафар вазъи роҳҳоро омӯзанд
ДУШАНБЕ, 23.12.2025 /АМИТ «Ховар»/. Тавре қаблан иттилоъ додем, аз 22 то 24 декабр дар ҷумҳурӣ софшавии ҳаво, фаромадани туман, яхбандӣ ва қирав пешгӯӣ карда мешавад.
Тавре аз Агентии обуҳавошиносии Тоҷикистон ба АМИТ «Ховар» хабар доданд, баъди қатъи бориши борону барф ва софшавии ҳаво дар ҳудуди шаҳри Душанбе, ноҳияҳои тобеи ҷумҳурӣ, вилоятҳои Суғду Хатлон яхбандӣ, фаромадани туман ва қирав боқӣ мемонад. Шабона ва саҳаргоҳон бадшавии дурии биниш то 100-300 метр дар назар буда, дар роҳҳои мошингард, пиёдагард ва хатҳои барқ ба амал омадани яхбандӣ пешгӯӣ карда мешавад. Ин ҳодисаҳои табиӣ метавонанд сабаби мураккабшавии вазъи роҳҳои мошингард ва афзоиши хатари садамаҳои нақлиётӣ шаванд.
Дар робита ба ин Кумитаи ҳолатҳои фавқулода ва мудофиаи граждании назди Ҳукумати Ҷумҳурии Тоҷикистон аз сокинон хоҳиш менамояд, ки дар чунин рӯзҳо аз сафарҳои бе зарурат бо роҳҳои кӯҳӣ худдорӣ намоянд, ба чарогоҳҳои кӯҳию шикор ва моҳидорӣ низ нараванд.
Ҳамчунин кумита аз ронандагон хоҳиш менамояд, ки пеш аз сафар вазъи роҳҳоро омӯзанд, мошинҳояшон пешакӣ барои сафар омода созанд, ҳамеша бо худ асбобу таҷҳизоти зидди яхбандӣ дошта бошанд. Дар чунин рӯзҳо риояи фосилаи байни мошинҳо низ хеле муҳим аст.
Инчунин мутахасисони кумита ба ронандагон тавсия медиҳанд, ки ҳангоми ҳаракат дар роҳҳо қоидаҳои бехатариро риоя намоянд, аз идораи воститаҳои нақлиёт дар роҳҳо бо суръати баланд худдорӣ намоянд, бо худ занҷирҳои зиддилағзиш дошта бошанд, дар ҳолати танбашавӣ ба хати муқобили ҳаракат набароянд, ба кори техникаи махсус, ки ба чош додани маводи зиддилағзиш машғул аст, монеа эҷод накунанд.
Масъулияти бештар ба ронандагони нақлиёти ҷамъиятӣ вогузор шудааст, зеро онҳо вазифадор ҳастанд, ки ҳатто дар шароити мураккаби обу ҳаво ҳамлу нақли саривақтӣ ва бехатари мусофиронро таъмин намоянд. Ронандагонро мебояд дар шароити номусоиди боду ҳаво бо мақсади бехатарӣ бе зарурат ба роҳ набароянд. Аз ронандагони мошинҳои боркаш ва сабукрав хоҳиш карда мешавад, ки пеш аз сафар тавассути ағбаҳо ва роҳҳои кӯҳӣ аз маълумот дар бораи обу ҳаво огоҳ шаванд.
Дар ҳолати рӯ ба рӯ шудан бо ҳолатҳои фавқулода бо телефонҳои 112 ё 93 880 28 19 занг зананд.
АКС: АМИТ «Ховар»
ПУРСИДЕД, ҶАВОБ МЕДИҲЕМ. Дар кадом ҳолатҳо муҳоҷирон ба рӯйхати шахсони назоратшаванда ворид мешаванд?
Ҳамкории Маркази тадқиқоти стратегии Тоҷикистон бо Раёсати нашр ва паҳнкунии адабиёт бо забонҳои хориҷии Чин густариш меёбад
Таъсиси маркази касбомӯзӣ ва омӯзиши забонҳои арабӣ ва англисӣ барои муҳоҷирони меҳнатӣ баррасӣ шуд
Истифодаи барномаи «Амина» барои шаҳрвандони хориҷие, ки ба Русия бе раводид ворид мешаванд, ҳатмӣ мегардад
ТАВСИЯҲОИ МУФИД. Доир ба тарзи нави захира кардани меваҷоту сабзавот барои фасли зимистон
«ЭЪЛОМИЯИ ҲУҚУҚИ БАШАР». Таҳти чунин унвон ҳамоиши ҷумҳуриявӣ доир гардид
Китоби Пешвои миллат Эмомалӣ Раҳмон таҳти унвони «Ҳизби Халқии Демократии Тоҷикистон ва марҳилаҳои рушди Тоҷикистони соҳибистиқлол» рӯнамоӣ гардид
Дар Хадамоти иҷро оид ба татбиқи хизматрасониҳои электронӣ машварати омӯзишӣ доир гардид
Тақвияти ҳамкории Тоҷикистон ва Британияи Кабир дар соҳаи муҳоҷирати меҳнатии бехатар баррасӣ шуд
Дар фурудгоҳҳои байналмилалии Тоҷикистон оид ба муҳоҷирати меҳнатии қонунӣ ва бехатар корҳои фаҳмондадиҳӣ гузаронида шуданд
Дар Тоҷикистон Даҳаи дастгирии шири модар оғоз гардидааст
«ҲУҚУҚ БА САЛОМАТӢ». Таҳти чунин унвон озмуни байналмилалӣ доир мегардад
