Лоиҳаи сохтмони роҳу пулҳо дар Бадахшон барандаи ҷоизаи байналмилалии FIDIC Contract Users’ Awards-2025 гардид
ДУШАНБЕ, 15.12.2025 /АМИТ «Ховар»/. Дар шаҳри Лондони Британияи Кабир дар доираи Конфронси байналмилалии FIDIC International Contract Users’ маросими ҷоизасупории «FIDIC Contract Users’ Awards-2025» доир гардид, ки дар он лоиҳаи сохтмони пулҳо ва роҳҳои автомобилӣ дар Вилояти Мухтори Кӯҳистони Бадахшон дар номинатсияи «Лоиҳаи сол» сазовори ҷоизаи байналмилалӣ гардид.
Тавре ба АМИТ «Ховар» аз Вазорати нақлиёти Ҷумҳурии Тоҷикистон хабар доданд, ғолибони «FIDIC Contract Users’ Awards-2025» дар панҷ номинатсия — «Лоиҳаи сол», «Фармоишгори сол», «Пудратчии сол», «Тренери сол» ва «Ширкати ҳуқуқии сол» муайян карда шуданд.
Иброз гардид, ки ин ҷоиза бо мақсади эътирофи дастовардҳои барҷаста дар истифодаи стандартҳои FIDIC дар татбиқи лоиҳаҳо дода мешавад. Он ба беҳбуди шароити иҷтимоӣ, иқтисодӣ ва экологӣ дар сатҳи ҷаҳонӣ таъсири назаррас мерасонад.
Сохтмони роҳ дар минтақаи Вилояти Мухтори Кӯҳистони Бадахшон аз ҷониби ҳайати доварон маҳз барои он баҳои баланд гирифт, ки пурра ба панҷ принсипи «тиллоӣ»-и FIDIC мувофиқат намуд. Инчунин меъёрҳои миллӣ бо кодексҳо ва принсипҳои байналмилалии FIDIC-ро барои сохтмони устувор, бехатар ва мутобиқ ба тағйирёбии иқлим таъмин намуданд.
Тоҷикистон аввалин давлати Осиёи Марказӣ мебошад, ки сазовори ҷоизаи «FIDIC International Contract Users’ Awards» гардид. Аз кишварҳои Иттиҳоди Давлатҳои Мустақил қаблан танҳо Федератсияи Русия (соли 2016) соҳиби ин мукофот шуда буд.
АКС: Вазорати нақлиёти Ҷумҳурии Тоҷикистон
РӮЗИ БАЙНАЛМИЛАЛИИ ЗАНОНИ ДЕҲОТ. Дар Тоҷикистон беш аз 3 миллион занон дар деҳот зиндагӣ менамоянд
ИМРӮЗ-РӮЗИ КИШОВАРЗОН. Ин соҳа зиёда аз 61 фоизи аҳолиро бо ҷойи кор фаро гирифтааст
Дар доираи Форуми тиҷоратии «New Silk Way» роҳбарони роҳи оҳани Тоҷикистон ва Қазоқистон вохӯрӣ намуданд
Мораторий ба санҷиши субъектҳои соҳибкории хурду миёна то 1 январи соли 2029 тамдид карда мешавад
Президенти Тоҷикистон: «Дар 25 соли охир ба рушди иқтисоди мамлакат 760 миллиард сомонӣ сармоя равона гардидааст»
Дар хиёбони Саъдии Шерозии шаҳри Душанбе сохтмони як гузаргоҳ ва як пули мошингард оғоз меёбад
Султон Раҳимзода: «Тоҷикистон ба марҳилаи нави рушди шарикии давлат ва бахши хусусӣ ворид мешавад»
Дар Душанбе ғолибони Озмуни ҷумҳуриявии «Соҳибкори сол – 2026» бо ҷоизаҳо қадрдонӣ карда шуданд
Густариши фаъолияти Корпоратсияи байналмилалии молиявӣ дар Тоҷикистон баррасӣ гардид
Дар Ҷумҳурии Тоҷикистон шумораи соҳибкорзанони фаъол ба 110 ҳазор нафар расид
«Саноатсодиротбонк» дар номинатсияи «Беҳтарин соҳибкор дар соҳаи бонкдорӣ» ғолиб гардид
Маҷмуи маҳсулоти дохилии Вилояти Мухтори Кӯҳистони Бадахшон дар нуҳ моҳ ба 1,5 миллиард сомонӣ расонида шуд
