Ғолибони озмуни «Ҷоизаи Ҳукумати Ҷумҳурии Тоҷикистон дар соҳаи сайёҳӣ» қадрдонӣ шуданд
ДУШАНБЕ, 25.12.2025 /АМИТ «Ховар»/. 24 декабр дар шаҳри Душанбе маросими ҷоизасупорӣ ба ғолибони озмуни «Ҷоизаи Ҳукумати Ҷумҳурии Тоҷикистон дар соҳаи сайёҳӣ» ва озмунҳои ҷумҳуриявӣ дар самти сайёҳӣ баргузор гардид. Дар ин хусус ба АМИТ «Ховар» аз Кумитаи рушди сайёҳии назди Ҳукумати Ҷумҳурии Тоҷикистон хабар доданд.
Муовини Сарвазири Ҷумҳурии Тоҷикистон Дилрабо Мансурӣ иброз намуд, ки рушди соҳаи сайёҳӣ яке аз самтҳои афзалиятноки сиёсати иҷтимоию иқтисодии мамлакат ба шумор меравад. Баргузории чунин озмунҳо ба ҳавасмандгардонии субъектҳои соҳа, ҷорӣ намудани навовариҳо ва муаррифии имконоти сайёҳии Тоҷикистон дар сатҳи миллӣ ва байналмилалӣ мусоидат менамояд.
«Ҳукумати Ҷумҳурии Тоҷикистон барои фароҳам овардани муҳити мусоид бобати ҷалби сармоягузорӣ, дастгирии ташаббусҳои навоварона ва рушди сайёҳии дохиливу байналмилалӣ тадбирҳои пайгиронаро амалӣ менамояд. Аз ин рӯ масъулинро зарур аст, ки барои пешрафт ва рушди соҳаи сайёҳӣ дар мамлакат тадбирҳои зарурӣ амалӣ намоянд», – баён дошт Дилрабо Мансурӣ.
«Ҷоизаи Ҳукумати Ҷумҳурии Тоҷикистон дар соҳаи сайёҳӣ» аз рӯйи номинатсияҳои беҳтарин дастовард дар рушди сайёҳии дохилӣ, беҳтарин дастовард дар рушди сайёҳии байналмилалӣ, беҳтарин сармоягузор дар соҳаи сайёҳӣ, беҳтарин навовар дар соҳаи сайёҳӣ, беҳтарин кори илмӣ (таҳқиқотӣ) дар соҳаи сайёҳӣ ва беҳтарин дастовард дар таблиғи маҳсулоти сайёҳии Ҷумҳурии Тоҷикистон ҷамъбаст гардид.
Ичунин озмун барои беҳтарин субъектҳои хизматрасон дар соҳаи сайёҳӣ аз рӯйи номинатсияи беҳтарин ширкати сайёҳӣ, беҳтарин меҳмонхона, беҳтарин тарабхона, беҳтарин роҳбалад, беҳтарин блогер ва тарғибгар тавассути сомонаҳо дар дохил ва хориҷи мамлакат ҷамъбаст шуд.
Ғолибони озмунҳо аз ҷониби Кумитаи рушди сайёҳии назди Ҳукумати Ҷумҳурии Тоҷикистон бо Диплом ва туҳфаҳои молӣ қадрдонӣ гардиданд.
Ҳамзамон дар доираи ин ҳамоиш барои дӯстдорони сайру саёҳати Тоҷикистон замимаи барномаи мобилӣ таҳти унвони «Tourism Map of Tajikistan» муаррифӣ карда шуд.
Ёдовар мешавем, ки «Ҷоизаи Ҳукумати Ҷумҳурии Тоҷикистон дар соҳаи сайёҳӣ» ҳамасола барои дастовардҳо дар соҳаи сайёҳӣ, татбиқи лоиҳаҳои муассиртарин, навоварӣ оид ба рушди соҳаи сайёҳӣ, таблиғи маҳсулоти сайёҳӣ ва ҷалби таваҷҷуҳи шаҳрвандон ба арзишҳои моддию маънавии Ҷумҳурии Тоҷикистон супорида мешавад.
АКС: Кумитаи рушди сайёҳии назди Ҳукумати Ҷумҳурии Тоҷикистон
Дар намоишгоҳи «Ҳафтаи байналмилалии сабз» гӯшаи Тоҷикистон ташкил гардид
Беш аз 22 фоиз сармоягузории ба рушди Шабакаи нақлиётии АвруОсиё равонашуда ба кишварҳои Осиёи Марказӣ рост меояд
«ТОҶИКИСТОН-2026». Дар Душанбе Намоишгоҳи байналмилалии универсалӣ доир мегардад
АЗ НАВОВАРӢ ТО РУШДИ УСТУВОР. Мавқеи Душанбе ҳамчун маркази сайёҳӣ дар минтақа тақвият меёбад
Ҳамкории Тоҷикистон бо Иттиҳоди Аврупо дар соҳаи энергетика ва захираҳои об густариш меёбад
Татбиқи лоиҳаҳои сармоягузорӣ дар самти энергияи барқароршаванда байни Тоҷикистон ва Ҳиндустон баррасӣ шуд
ИСЛОҲОТ ДАР НИЗОМИ ИҶОЗАТДИҲӢ. Тоҷикистон фазои маъмуриро барои соҳибкорону сармоягузорон мусоидтар намуд
Дар Тоҷикистон кадом бахши кишоварзӣ аз андоз аз арзиши иловашуда ва боҷи гумрукӣ пурра озод мебошад?
Лоиҳаи «Барномаи давлатии рушди инноватсионии соҳаи пахтакорӣ барои солҳои 2026-2030» таҳия мегардад
Роҳи мошингарди «Айнӣ – Кӯҳистони Мастчоҳ» навсозӣ мешавад
Лоиҳаи Барномаи нави саноатикунонии босуръати Тоҷикистон барои солҳои 2026-2030 таҳия мегардад
ЭНЕРГИЯИ «САБЗ». Дар Тоҷикистон нахустин лоиҳаи неругоҳи офтобӣ бо иқтидори 500 МВт татбиқ карда мешавад
