«Саҳифаи интернетии мутамарказ барои муқоисаи нархҳо/пешниҳодҳо»-и хизматрасониҳои молиявӣ таҳия карда мешавад
ДУШАНБЕ, 27.12.2025 /АМИТ «Ховар»/. «Саҳифаи интернетии мутамарказ барои муқоисаи нархҳо/пешниҳодҳо»-и хизматрасониҳои молиявӣ таҳия мегардад. Ин масъала дар ҷаласае, ки таҳти роҳбарии муовини раиси Бонки миллии Тоҷикистон Далер Муродализода бо иштироки намояндагони ташкилотҳои қарзии молиявӣ ва суғуртавӣ баргузор гардид, мавриди баррасӣ қарор гирифт. Дар ин хусус ба АМИТ «Ховар» аз Бонки миллии Тоҷикистон иттилоъ доданд.
Дар ҷаласа таъкид шуд, ки бо мақсади тавсеаи фарогирии молиявӣ дар мамлакат ва беҳтар намудани сатҳу сифати хизматрасониҳои ташкилотҳои қарзии молиявӣ ва суғуртавӣ ба аҳолӣ, қарори Ҳукумати Ҷумҳурии Тоҷикистон аз 1 июли соли 2022 «Дар бораи Стратегияи миллии фарогирии молиявии Ҷумҳурии Тоҷикистон барои солҳои 2022-2026» қабул гардидааст.
Стратегияи мазкур чор самти асосиро дар бар гирифта, яке аз самтҳои муҳимми он таъмини ҳимояи ҳуқуқҳои истеъмолкунандагони хизматрасониҳои молиявӣ мебошад.
Гуфта шуд, ки дар асоси банди 55-и Нақшаи чорабиниҳои амалисозии Стратегияи миллии фарогирии молиявии Ҷумҳурии Тоҷикистон барои солҳои 2022-2026, ки ба самти «Ҳимояи ҳуқуқҳои истеъмолкунандагони хизматрасониҳои молиявӣ» марбут аст, дар асоси таклифу пешниҳодҳои воҳидҳои сохтории Бонки миллии Тоҷикистон лоиҳаи «Супориши техникӣ барои таҳияи саҳифаи интернетии мазкур» таҳия карда шуд.
Таҳия ва фаъол гардонидани «Саҳифаи интернетии мутамарказ барои муқоисаи нархҳо/пешниҳодҳо» дар баробари таъмини дастрасии осони маълумоти саҳеҳу боэътимод дар бораи хизматрасониҳои молиявӣ ба истеъмолкунандагон, ҳамчунин ба ташаккули рақобати солим байни ташкилотҳои қарзии молиявию суғуртавӣ, пешниҳоди хизматрасониҳои муфиди молиявӣ ба аҳолӣ, беҳтар гардидани сатҳу сифати хизматрасонӣ ва дар маҷмуъ рушди устувори низоми молиявии мамлакат мусоидат хоҳад намуд.
Инчунин оид ба таҳияи «Саҳифаи интернетии мутамарказ барои муқоисаи нархҳо/пешниҳодҳо»-и хизматрасониҳои молиявӣ байни иштирокдорони ҷаласа табодули афкор доир гардида, барои таъмини муназзами фаъолияти он пешниҳодҳои судманд иброз карда шуд.
Дар анҷоми ҷаласа аз намояндагони ташкилоти қарзии молиявӣ ва суғуртавӣ даъват гардид, ки барои таҳия ва татбиқи саҳифаи интернетии мазкур ва таъмин намудани ҳадафҳои пешбининамудаи Ҳукумати Ҷумҳурии Тоҷикистон ҳамкориро бо Бонки миллии Тоҷикистон дар сатҳи зарурӣ ба роҳ монанд.
АКС: Бонки миллии Тоҷикистон
«IT HUB DUSHANBE». Бо бунёди ин маҷмаа Душанбе ба шаҳри интелектуалӣ, рақамӣ ва инноватсионии Осиёи Марказӣ табдил меёбад
НИШАСТИ МАТБУОТӢ. Хадамоти зиддиинҳисорӣ ба маблағи 1,7 миллион сомонӣ вайронкунии қонунгузории зиддиинҳисориро ошкор намуд
Аз Тоҷикистон дар ҳаҷми беш аз 4298 тонна ангур содирот шудааст
Дар назди Агентии инноватсия ва технологияҳои рақамӣ Маркази ҳифзи маълумот таъсис дода шуд
ҚУРБИ АСЪОР: 1 доллари ИМА аз 9.1800 то 9.2700 сомонӣ муқаррар шудааст
Дар Форуми сиёсии сатҳи баланд оид ба рушди устувори СММ мавқеи Тоҷикистон оид ба рушди устувор муаррифӣ шуд
Дар Душанбе Машварати чоруми вазирони саноати давлатҳои аъзои Созмони ҳамкории иқтисодӣ доир мешавад
Дар шаҳри Сиани Чин ҳамоиши соҳибкорони вилояти Суғд ва музофоти Шэнсӣ баргузор гардид
НИШАСТИ МАТБУОТӢ. Дар нимсолаи якуми соли 2026 ба Тоҷикистон 889,4 ҳазор сайёҳи хориҷӣ омадааст
Аз Тоҷикистон ба маблағи беш аз 40 миллион доллар маҳсулоти кишоварзӣ содирот шудааст
Дар ноҳияи Шуғнон беш аз 720 оилаи занбӯри асал парвариш карда мешавад
35-СОЛАГИИ ИСТИҚЛОЛИ ДАВЛАТӢ. Дар Душанбе Озмоишгоҳи нави ҷумҳуриявии санҷиши сифати маҳсулоти кишоварзӣ ба истифода дода мешавад
