СОЛҲОИ РУШДИ САНОАТ. Дар шаҳри Турсунзода зиёда аз 100 корхонаи хурду бузурги саноатӣ фаъолият менамояд
ДУШАНБЕ, 18.12.2025 /АМИТ «Ховар»/. Дар айни замон дар шаҳри Турсунзода зиёда аз 100 корхонаи хурду бузурги саноатӣ фаъолият менамояд. Ҳаҷми маҳсулоти ин корхонаҳо дар 10 моҳи соли 2025 ба зиёда аз якуним миллиард сомонӣ расонида шуд. Ин нишондиҳанда нисбат ба ҳамин давраи соли 2024 185 миллион сомонӣ зиёд мебошад.
Ёдовар мешавем, ки 9 декабри соли равон Президенти Ҷумҳурии Тоҷикистон, Пешвои миллат муҳтарам Эмомалӣ Раҳмон бо мақсади шиносоӣ бо вазъи зиндагии мардум, раванди корҳои ободонию созандагӣ ва ифтитоҳи якчанд иншооти таъйиноти гуногун ба шаҳри Турсунзода сафар намуданд. Зимни сафар Сарвари давлат муҳтарам Эмомалӣ Раҳмон ба фаъолияти марҳилаи дуюми Ҷамъияти дорои масъулияти маҳдуди «Алюмин Проф» бо иқтидори 8760 тонна маҳсулоти пластикӣ дар як сол расман оғоз бахшиданд.
Бояд гуфт, ки Пешвои миллат муҳтарам Эмомалӣ Раҳмон 26 августи соли 2021 зимни ифтитоҳи марҳилаи якуми Ҷамъияти дорои масъулияти маҳдуди «Алюмин Проф» ба бунёди марҳилаи дуюми корхона санги асос гузошта буданд.
Аснои боздид ба Пешвои миллат муҳтарам Эмомалӣ Раҳмон иттилоъ дода шуд, ки дар корхона зиёда аз 5 навъи маҳсулоти гуногуни пластикӣ ҷавобгӯ ба стандартҳои байналмилалӣ истеҳсол ва маҳсулоти корхона 100 фоиз содирот карда мешавад.
Корхона аз ҷумлаи иншооти саноатӣ ба ифтихори ҷашни бошукуҳи миллӣ- 35-солагии Истиқлоли давлатии Ҷумҳурии Тоҷикистон маҳсуб шуда, ба амалишавии босамари Солҳои рушди саноат (2022-2026) мусоидат мекунад.
Фаъолияти мунтазами марҳилаи дуюми корхона талаботи бозори дохилиро бо 5 намуд маҳсулоти босифати ватании ивазкунандаи воридот, аз ҷумла профилҳои пластикӣ, лӯлаҳои пластикӣ, резин, бутил ва ғайра таъмин намуда, ба паст шудани нархи он мусоидат мекунад. Ҳоло барои фаъолияти самарабахш ва коркарди босифати маҳсулоти корхона зиёда аз 80 мутахассиси маҳаллӣ бо кори доимӣ таъмин гардида, 35 фоизашонро занҳо ташкил медиҳанд.
Дар корхона намудҳои гуногуни профилҳои пластикӣ ва резин барои васли қисмҳои алоҳидаи дару тиреза, насби қисмҳои гуногуни мебел, лӯлаҳои пластикӣ барои интиқоли об дар биноҳои баландошёна ва боз чанд номгӯй маҳсулоти дигар истеҳсол карда мешавад.
АКС: АМИТ «Ховар»
35-СОЛАГИИ ИСТИҚЛОЛИ ДАВЛАТӢ. Беш аз 700 метр роҳи кӯчаҳои шаҳраки Адрасмони шаҳри Гулистон мумфарш карда шуд
Дар Вазорати рушди иқтисод ва савдои Тоҷикистон рақамикунонии бизнес-равандҳо оғоз гардид
НИШАСТИ МАТБУОТӢ. Дар иншооти ҷашнии шаҳри Ҳисор 1034 ҷойи кор таъсис дода шудааст
ЭНЕРГИЯИ «САБЗ». Дар корхонаҳои саноатӣ ва дигар иншооти вилояти Хатлон панелҳои офтобӣ насб карда мешаванд
Оид ба таҳкими истиқлоли илмӣ ва рушди он дар замони муосир ҳамоиши ҷумҳуриявӣ доир шуд
ИСТИҚБОЛ АЗ ИСТИҚЛОЛ. Дар ноҳияи Фирдавсии пойтахт ҳамоиши бошукуҳи идона баргузор гардид
НИШАСТИ МАТБУОТӢ. Дар Бадахшон дар шаш моҳ 25 корхонаю коргоҳи истеҳсолӣ ба истифода дода шуд
Таҳти унвони «Эмомалӣ Раҳмон: абармарди сиёсат, ҳақиқатнигори таърих, ҳувиятофари миллат» конференсияи байналмилалӣ доир шуд
«НАҚЛИЁТИ «ҲУШМАНД»». Дар Душанбе ҷаласаи гурӯҳи кории татбиқи лоиҳаи рушди ин намуди нақлиёт баргузор гардид
35-СОЛАГИИ ИСТИҚЛОЛИ ДАВЛАТӢ. Дар Бӯстон озмуни шаҳрӣ ҷамъбаст гардид
Сохтмони зеристгоҳи барқии 110/10 кВ-и Варзишгоҳи миллӣ босуръат идома дорад
35-СОЛАГИИ ИСТИҚЛОЛИ ДАВЛАТӢ. Дар ноҳияи Темурмалик 43 иншоот ба истифода дода шуд
