«СУЛҲОФАРӢ-МАРОМИ СИЁСАТИ БАШАРДӮСТОНАИ ПЕШВОИ МИЛЛАТ». Таҳти ин унвон ҳамоиш доир шуд
ДУШАНБЕ, 25.12.2025 /АМИТ «Ховар»/. 24 декабр дар Маркази тадқиқоти стратегии назди Президенти Ҷумҳурии Тоҷикистон ба муносибати сарфароз гардидани Президенти Ҷумҳурии Тоҷикистон муҳтарам Эмомалӣ Раҳмон бо Ҷоизаи байналмилалии сулҳ ба номи нависандаи маъруфи ҷаҳонӣ Лев Толстой таҳти унвони «Сулҳофарӣ-мароми сиёсати башардӯстонаи Пешвои миллат муҳтарам Эмомалӣ Раҳмон» ҳамоиш доир шуд.
Иброз гардид, ки таҷрибаи сулҳсозӣ ва сулҳофарии Президенти Ҷумҳурии Тоҷикистон муҳтарам Эмомалӣ Раҳмон на танҳо саҳифаи муҳими таърихи давлатдорӣ, балки дарси умумибашарӣ доир ба иродаи сиёсӣ, ҷасорат ва масъулияти роҳбарӣ дар шароити мураккаби ҷаҳони муосир ба ҳисоб меравад.
Иштирокчиён изҳор доштанд, ки дар таърихи муносибатҳои байналмилалӣ кам иттифоқ меафтад, ки масъалаҳои ҳассосу тӯлонӣ, аз ҷумла баҳсҳои сарҳадӣ бо роҳи муколамаи сиёсӣ, иродаи нек ва масъулияти таърихӣ ҳал шаванд. Эъломияи Хуҷанд оид ба дӯстии абадӣ ва ба мувофиқа расидани Ҷумҳурии Тоҷикистон ва Ҷумҳурии Қирғизистон дар масъалаи сарҳад намунаи равшани чунин таҷрибаи нодири асри XXI буда, саҳми Сарвари давлати тоҷикон дар он басе арзишманд аст.
Тазаккур дода шуд, ки баҳои баланди ҷомеаи байналмилалӣ нишони он аст, ки таҷрибаи Тоҷикистону Қирғизистон метавонад ҳамчун намунаи ибрат барои дигар минтақаҳои ҷаҳон хизмат намояд. Ин таҷриба собит месозад, ки сулҳ танҳо натиҷаи музокира нест, балки маҳсули фарҳанги сиёсӣ, сабр ва масъулияти таърихӣ мебошад.
Ин дастовард на танҳо пирӯзии дипломатӣ, балки саҳми арзандаи Ҷумҳурии Тоҷикистон дар таҳкими сулҳ ва суботи байналмилалӣ маҳсуб мешавад.
АКС: Маркази тадқиқоти стратегии назди Президенти Ҷумҳурии Тоҷикистон
Татбиқи лоиҳаи «Барқарорсозии зерсистемаи системаи ВМК-и канали Қумсангир» ба 95 фоиз расид
ЗИМИСТОНГУЗАРОНӢ. Дар Сангвор ситоди ноҳиявӣ оид ба омодагии пурра ба фаслҳои тирамоҳу зимистон таъсис ёфтааст
Дар Москва конгресси 5-уми миллӣ дар соҳаи тиб доир гардид
Дар Ҳисор бахшида ба 32-солагии қабули Конститутсияи Ҷумҳурии Тоҷикистон конференсия доир шуд
Оид ба Конститутсия ва ҷойгоҳи он дар танзими муносибатҳои идоракунии давлатӣ ҳамоиши ҷумҳуриявӣ доир шуд
«КОНСТИТУТСИЯ-КАФИЛИ АДОЛАТИ СУДӢ». Дар Суди Олии иқтисодии Тоҷикистон ҳамоиш доир гардид
Муассисаи «Шабакаи гармидиҳии шаҳри Душанбе»: «Муштариён метавонанд барои ҳалли мушкилот ба рақами кӯтоҳи 14-44 занг зананд»
Доир ба саҳми академик Муҳаммадҷони Шакурӣ дар рушди илму адаб конференсияи илмӣ баргузор шуд
«КОНСТИТУТСИЯ–ПОЙДОРИИ ДАВЛАТИ ҲУҚУҚБУНЁД». Таҳти чунин унвон конференсияи ҷумҳуриявӣ доир гардид
Роҳҳои баланд бардоштани ҳосилнокии зироатро дар шаҳри Кӯлоб баррасӣ намуданд
Дар мавзуи «Конститутсия ва таъмини ҳуқуқ ба озодии эътиқод» конференсияи ҷумҳуриявӣ доир шуд
Дар ҷаласаи Шурои ҷамъиятии Ҷумҳурии Тоҷикистон механизмҳои нави ҳимояи ҳуқуқи муҳоҷирони меҳнатӣ баррасӣ гардид
