Таҷрибаи ислоҳоти ҳуқуқии Тоҷикистон дар Форуми байналмилалӣ муаррифӣ карда шуд
ДУШАНБЕ, 15.12.2025 /АМИТ «Ховар»/. 13 декабр дар шаҳри Пекин таҳти унвони «Истифодаи бартариҳои хоси Ҳонконг ва Макао дар мусоидат ба ҳамкорӣ дар доираи ташаббуси «Як камарбанд – як роҳ»» форуми байналмилалии илмӣ баргузор гардид. Дар ин хусус АМИТ «Ховар» бо истинод ба Вазорати адлияи Ҷумҳурии Тоҷикистон иттилоъ медиҳад.
Дар форум намояндагони мақомоти давлатӣ, муассисаҳои илмӣ-таҳқиқотӣ, донишгоҳҳо ва коршиносони маъруфи байналмилалӣ иштирок намуданд. Дар форум намояндагони Вазорати адлияи Ҷумҳурии Тоҷикистон низ иштирок намуда, таҷрибаи Тоҷикистонро дар самти ислоҳоти ҳуқуқӣ, ҳамкории байналмилалӣ ва рушди низоми адлия дар шароити ҳамгироии минтақавӣ баён намуданд.
Дар ҷараёни форум масъалаҳои ҳамкории ҳуқуқӣ, хизматрасониҳои адлия, омодасозии кадрҳои ҳуқуқшинос, инчунин истифодаи таҷрибаи Ҳонконг дар соҳаҳои ҳуқуқи байналмилалӣ ва ҳифзи ҳуқуқи сармоягузорон мавриди таҳлил қарор дода шуданд.
Иттилоъ дода шуд, ки Ҷумҳурии Тоҷикистон ҳамчун давлати фаъоли минтақа ба рушди ҳамкории ҳуқуқӣ дар доираи ташаббуси «Як камарбанд – як роҳ» таваҷҷуҳи хос зоҳир мекунад. Истифодаи таҷрибаи пешқадами Ҳонконг ва Макао метавонад ба таҳкими низоми ҳуқуқӣ ва рушди ҳамкории байналмилалӣ мусоидат намояд.
АКС: Вазорати адлияи Ҷумҳурии Тоҷикистон
ОГОҲӢ. То 13 ноябр дар Тоҷикистон ҳавои номусоид пешгӯӣ мешавад
Татбиқи лоиҳаи «Барқарорсозии зерсистемаи системаи ВМК-и канали Қумсангир» ба 95 фоиз расид
ЗИМИСТОНГУЗАРОНӢ. Дар Сангвор ситоди ноҳиявӣ оид ба омодагии пурра ба фаслҳои тирамоҳу зимистон таъсис ёфтааст
Дар Москва конгресси 5-уми миллӣ дар соҳаи тиб доир гардид
Дар Ҳисор бахшида ба 32-солагии қабули Конститутсияи Ҷумҳурии Тоҷикистон конференсия доир шуд
Оид ба Конститутсия ва ҷойгоҳи он дар танзими муносибатҳои идоракунии давлатӣ ҳамоиши ҷумҳуриявӣ доир шуд
«КОНСТИТУТСИЯ-КАФИЛИ АДОЛАТИ СУДӢ». Дар Суди Олии иқтисодии Тоҷикистон ҳамоиш доир гардид
Муассисаи «Шабакаи гармидиҳии шаҳри Душанбе»: «Муштариён метавонанд барои ҳалли мушкилот ба рақами кӯтоҳи 14-44 занг зананд»
Доир ба саҳми академик Муҳаммадҷони Шакурӣ дар рушди илму адаб конференсияи илмӣ баргузор шуд
«КОНСТИТУТСИЯ–ПОЙДОРИИ ДАВЛАТИ ҲУҚУҚБУНЁД». Таҳти чунин унвон конференсияи ҷумҳуриявӣ доир гардид
Роҳҳои баланд бардоштани ҳосилнокии зироатро дар шаҳри Кӯлоб баррасӣ намуданд
Дар мавзуи «Конститутсия ва таъмини ҳуқуқ ба озодии эътиқод» конференсияи ҷумҳуриявӣ доир шуд
