Варзишгари тоҷик Акмал Убайдов соҳиби медали биринҷии Чемпионати ҷаҳон оид ба бокс–2025 шуд
ДУШАНБЕ, 12.12.2025 /АМИТ «Ховар»/. Варзишгари маъруфи тоҷик Акмал Убайдов дар Чемпионати ҷаҳон оид ба бокс, ки дар айни замон дар шаҳри Дубай ҷараён дорад, соҳиби медали биринҷӣ гардид.
Акмал Убайдов дар вазни то 60 кг марҳилаи аввалро бо қарори доварон озод гузашта, дар даври дуюм намояндаи Англия Моҳаммад Меҳдӣ Саҳакро дар раунди сеюм ба тариқи нокаут мағлуб намуда, ба даври ҳаштякниҳоӣ роҳ ёфт.
Дар даври ҳаштякниҳоӣ варзишгари тоҷик бар Ален Рустамовский аз Македония бо ҳисоби 5:0 пирӯз шуда, ба марҳилаи чаҳорякниҳоӣ баромад. Ӯ дар даври чаҳорякниҳоӣ бо намояндаи Қазоқистон Серик Темиржанов рақобат намуда, боз ҳам бо қарори доварон (5:0) ғолиб омад ва ба даври нимниҳоӣ роҳ ёфт.
Акмал Убайдов дар марҳилаи нимниҳоӣ аз намояндаи Русия Всеволод Шумков мағлуб гардида, соҳиби медали биринҷӣ ва ҷоизапулӣ ба маблағи 75 ҳазор доллари ИМА шуд.
Ҳамзамон муштзани ҷавони тоҷик Хусравхон Раҳимов (57 кг) дар марҳилаи нимниҳоӣ бо қарори якдилонаи доварон (5:0) бар Хуҷаназар Нортоҷиев аз Узбекистон пирӯз шуда, ба даври ниҳоӣ роҳ ёфт. Хусравхон Раҳимов аввалин муштзани тоҷик ба ҳисоб меравад, ки ба финали Чемпионати ҷаҳон оид ба бокс байни калонсолон роҳ меёбад.
АКС: ТВ «Варзиш»
ФУТБОЛ. 31 август марҳилаи интихобии Ҷоми Осиё-2027 байни мунтахабҳои ҷавонони то 20-сола оғоз мешавад
Сармураббии нави дастаи мунтахаби наврасони Тоҷикистон (U-17) оид ба футбол таъйин гардид
Дастаи мунтахаби ҷавонони Тоҷикистон (U-20) оид ба футбол бозии дуюми санҷиширо бо дастаи Лубнон мусовӣ анҷом дод
Дастаи мунтахаби ҷавонони Тоҷикистон (U-20) дар бозии якуми санҷишӣ бар дастаи Лубнон пирӯз шуд
Ҳайати васеи дастаи мунтахаби Тоҷикистон оид ба футбол барои бозиҳои дӯстонаи моҳҳои сентябр ва октябр эълон гардид
Ҳайати дастаи мунтахаби ҷавонони Тоҷикистон (U-20) оид ба футбол барои марҳилаи интихобии Ҷоми Осиё-2027 муайян шуд
Дастаи мунтахаби ҷавонони Тоҷикистон (U-20) оид ба футбол бо дастаи Лубнон бозии санҷишӣ баргузор мекунад
Самбочиёни Клуби марказии варзиши артиши Вазорати мудофиаи Тоҷикистон дар Москва соҳиби ду медали биринҷӣ шуданд
«ФУТБОЛ ВА РУШДИ ОН ДАР ҶУМҲУРИИ ТОҶИКИСТОН». Таҳти чунин унвон китоби иттилоотӣ-омӯзишӣ нашр гардид
Мунтахаби Тоҷикистон дар Чемпионати ҷаҳон оид ба гӯштини миллӣ (гӯштингирӣ) 12 медал ба даст овард
«Регар-ТадАЗ» ба марҳилаи гурӯҳии Лигаи даъвати КФО-2026/27 роҳ ёфт
ҶОМИ ТОҶИКИСТОН-2026. Дастаҳои «Равшан» – «Хуҷанд» ва «Эсхата» – «Сардор» ба даври нимниҳоии мусобиқа роҳ ёфтанд
