ЯХОБМОНӢ-ЗАХИРАИ НАМӢ БАРОИ СОЛИ ОЯНДА. Ин тадбири муҳим дар Тоҷикистон аз охири моҳи ноябр то моҳи феврал гузаронида мешавад
ДУШАНБЕ, 07.12.2025 /АМИТ «Ховар»/. Обмонии захиравӣ ва яхобмонӣ дар моҳҳои ноябр, декабр ва январ ба беҳтар шудани ҳолати хок ва рушди солонаи ниҳолҳо таъсири мусбат мерасонад. Инчунин он дарахтонро дар фасли баҳор бо намӣ таъмин намуда, ба дер гул кардани дарахтон ва фаровон гардидани мева мусоидат мекунад. Чунин изҳор намуд доктори илмҳои кишоварзӣ Ҳикматулло Назиров ба мухбири АМИТ «Ховар».
Ба таъкиди олимон, обе, ки дар зимистон дода мешавад, дар қабатҳои поёнии хок нигоҳ дошта шуда, дар фасли баҳор ҳамчун манбаи асосии намӣ барои ниҳол хизмат мекунад. Инчунин решаи дарахт ва ток дар баҳор фаъол гардида, нашъунамо беҳтар ва ташаккули гулҳо хубтар мешавад.
Яъне яхобмонӣ – ин сармоягузории захираи намӣ барои соли оянда аст. Бо сари вақт гузаронидани яхобмонӣ боғу токзор ба баҳор омода шуда, рушду ҳосилнокии онҳо назаррас мегардад.
Инчунин дар натиҷаи яхобмонӣ шӯрии хок кам шуда, замин хубтар нам мекашад, микроорганизм ва ҳашароти зараррасон нобуд шуда, замин истироҳат мекунад. Яхобмонӣ дар оянда — дар фасли гармо метавонад ба нашъунамои растаниҳо таъсири хуб расонад.
Ҳикматулло Назиров илова кард, ки агар хоҷагидорон обмонии захиравӣ ва яхобмониро сари вақт гузаронанд, дарахтон дар зимистон боз карахттар шуда, дертар ба нашъунамо оғоз менамоянд. Заминҳои лалмиро бояд шудгор ва атрофи дарахтонро нарм намоем. Вақте ки барфу борон меборад, заминҳои лалмиро ҳатман барфпӯш ва онро зер намудан зарур аст.
Манфиати яхобмонӣ дар он ифода меёбад, ки давраи гулкунии дарахтони мевадиҳанда, аз ҷумла бодом ва зардолу ба қафо партофта шуда, имконият медиҳад, ки дарахтон аз сардиҳои ногаҳонии баҳорӣ эмин монанд. Вақте ки давраи хунукии ногаҳонии фасли баҳор гузашт, сипас дар оғози гулкунӣ метавон ҳосили хубу босифат ба даст овард.
Ёдовар мешавем, ки меъёри яхобмонӣ аз таркиби хок ва чуқурии обҳои зеризаминӣ вобаста буда, он шуруъ аз охири моҳи ноябр то моҳи феврал гузаронида мешавад.
АКС аз манбаъҳои боз
Дурнамои рушди соҳаи сохтмони Тоҷикистон дар форуми байналмилалӣ дар Екатеринбург муаррифӣ гардид
Лоиҳаи «Дастрасӣ ба бозорҳо ва мутобиқшавӣ барои чорводорӣ» татбиқ мегардад
Дар Конфронси C5+1 SI дастовардҳои Тоҷикистон дар самти рушди зеҳни сунъӣ муаррифӣ шуданд
Коршиносони БОР соҳаи нақлиёт ва логистикаро яке аз муҳаррикони рушди иқтисодиёт арзёбӣ менамоянд
Байни Тоҷикистон ва палатаҳои савдою саноати кишварҳои ИДМ густариши робитаҳои тиҷоратӣ баррасӣ гардид
Барои фурӯши неруи барқ тавассути истгоҳҳои пуркунии воситаҳои нақлиёти барқӣ талаботи нав амалӣ гардид
ИСТИҚЛОЛИЯТИ ДАВЛАТӢ. То 1 октябр дар шаҳри Кӯлоб 493 иншооти истеҳсолию иҷтимоӣ ба истифода дода шудааст
Дар Минтақаи озоди иқтисодии «Кӯлоб» бинои гузаргоҳи гумрукӣ ва чоҳи амудӣ ба истифода дода шуд
Истифодаи таҷрибаи байналмилалӣ дар самти рушди ҳудудҳои табиии махсус муҳофизатшаванда баррасӣ шуд
Сахидод Раҳматуллозода: «Ташкили дарсҳои маҷозӣ барои омӯхтани забони давлатӣ тавассути шабакаҳои иҷтимоӣ ба манфиати кор мебошад»
Дар ноҳияи Дӯстӣ ҷамъоварии шолӣ оғоз гардид
Раҳим Саидзода: «Омӯзгор бо таълиму тарбияи насли наврас дар ташаккули неруи зеҳнӣ ва маънавии ҷомеа саҳм мегузорад»
