Агентии «Тоҷикстандарт»: «Ҳангоми хариди моеи зиддисардӣ — антифриз аз фурӯшанда сертификати мутобиқат талаб намоед!»
ДУШАНБЕ, 23.01.2026 /АМИТ «Ховар»/. Агентии «Тоҷикстандарт» ба ронандагони воситаҳои нақлиёт ҳушдор медиҳад, ки ҳангоми хариди моеи зиддисардӣ- антифриз аз фурӯшанда сертификати мутобиқати маҳсулотро талаб намоянд, то ҳангоми истифодаи он дар ҳолати ногувор намонанд. Дар ин хусус АМИТ «Ховар» бо истинод ба ин агентӣ хабар медиҳад.
Ба иттилои агентӣ, бо фаро расидани фасли зимистон ронандагон ва соҳибони воситаҳои нақлиёт кӯшиш мекунанд, ки нақлиётро бо моеи зиддисардӣ — антифриз таъмин кунанд. Табиист, ки дар ин давра талабот ба моеи мазкур зиёд мегардад.
Аз ин рӯ, аз фурсат истифода карда, дар бозори дохилӣ баъзе фурӯшандагон навъҳои пастсифату ғайристандартии антифризро ба харидорон пешниҳод мекунанд.
«Гарчанде кормандони Агентии «Тоҷикстандарт» теъдоди зиёди моеи зиддисардии антифризи ғайристандартиро аз нуқтаҳои фурӯш ва бозорҳо борҳо гирифта бошанд ҳам, баъзе фурӯшандагон барои ба даст овардани даромади муфт бештар ба чунин корҳо даст мезананд. Дар баробари ин, фурӯшандагоне низ ҳастанд, ки ҳангоми қабули молу маҳсулот ба сифату намуди мол беаҳамиятӣ зоҳир карда, дар натиҷа ба харидор зарари моддӣ мерасонанд», -омадааст дар муроҷиатномаи агентӣ.
Истифодаи антифризи ғайристандартӣ дар рӯзҳои сардӣ ба ҳолати воситаҳои нақлиёт зарари ҷиддӣ мерасонад. Аз ин рӯ, харидоронро зарур аст, ки ба тавсияҳои мутахассисон аҳамият дода, ҳуқуқҳои истеъмолиашонро ҳимоя кунанд.
Ронандагон бояд ҳангоми харидории антифриз ба сифати он диққат дода, аз харидани маҳсулоти шубҳанок худдорӣ намоянд. Инчунин дар ҳолати поймол гардидани ҳуқуқҳои истеъмолиашон ба Агентии «Тоҷикстандарт» бо суроғаи шаҳри Душанбе, кӯчаи Неъмат Қарабоев 42/2 ва ё ба тариқи телефони 2-33-68-69, 2-33-44-99 муроҷиат намоянд.
АКС аз манбаъҳои боз
Раиси Кумитаи рушди сайёҳии Ҷумҳурии Тоҷикистон дар ҷаласаи СҲШ иштирок намуд
Президенти Тоҷикистон таъмини амнияти озуқавориро масъалаи стратегӣ ва ҳаётан муҳим номиданд
Сарвари давлат Эмомалӣ Раҳмон дар маҷлиси Ҳукумат ба масъулон барои коҳиши фоизи қарзҳо ва рушди пардохтҳои ғайринақдӣ дастур доданд
Тоҷикистон ба ҷомеаи рақамии пешрафта бо иқтисоди инноватсионии рақобатпазир табдил меёбад
Дар Барселона имконоти сармоягузории Тоҷикистон муаррифӣ гардид
Фармони Президенти Ҷумҳурии Тоҷикистон «Дар бораи танзими музди меҳнат ва пардохти иловапулӣ ба музди меҳнати кормандони соҳаи технологияҳои иттилоотию коммуникатсионӣ» ба имзо расид
Муқовимат ба коррупсия омили муҳими рушди устувори Тоҷикистон аст
Дар Тоҷикистон 556,5 гектар боғҳои нав бунёд карда шуданд
ЗЕҲНИ СУНЪӢ ЧИСТ? Ва ё мошинҳои ҳисоббарор метавонанд ба монанди инсон фикр карда, қарор қабул намоянд?
Муҳлати лоиҳаи содагардонии расмиёти савдо дар Осиёи Марказӣ то соли 2029 тамдид карда шуд
Тоҷикистон ва Қирғизистон ҳамкориро дар соҳаи инноватсия ва технологияҳои рақамӣ тақвият медиҳанд
Намояндагони Тоҷикистон дар Форуми байналмилалӣ оид ба таҳкими ҳамкорӣ дар самти мубориза бо маводи мухаддир ва ҷинояткорӣ иштирок намуданд
