Ба занону духтарони ноҳияи Рашт татбиқи стратегияҳои миллӣ фаҳмонида мешавад
РАШТ, 20.01.2026 /АМИТ «Ховар»/. Бо мақсади татбиқи «Стратегияи миллии фаъолгардонии нақши занон дар Ҷумҳурии Тоҷикистон барои солҳои 2021–2030» дар ҷамоатҳои шаҳраку деҳоти ноҳияи Рашт оид ба баланд бардоштани маърифати ҳуқуқии занон, пешгирии зӯроварӣ дар оила, таҳкими муносибатҳои оилавӣ ва риояи ҳуқуқу манфиатҳои занону духтарон корҳои фаҳмондадиҳӣ пеш бурда мешаванд. Дар ин хусус ба хабарнигори минтақавии АМИТ «Ховар» Субҳониддини Маҳмуд аз Мақомоти иҷроияи ҳокимияти давлатии ноҳияи Рашт иттилоъ доданд.
Бояд гуфт, ки ин стратегия ба баланд бардоштани мавқеи занон дар ҷомеа, фароҳам овардани шароити мусоид барои иштироки занон дар ҳаёти иҷтимоӣ, иқтисодӣ ва сиёсӣ, таҳкими оила ва таъмини баробарҳуқуқии гендерӣ равона шудааст.
Зимни вохӯриҳо аъзои гурӯҳҳои кории тарғиботӣ ба занону духтарони ноҳия масъалаҳои мусоидат ба шуғли занон ва рушди соҳибкории онҳо, ҷалби занон ба даврҳои омӯзишии касбӣ, иштироки занон дар машғулияту машваратҳои омӯзишӣ, бохабар гардидани онҳо аз имтиёзҳои давлатӣ ва дигар имконоти мавҷударо мефаҳмонанд.
Мудири бахши кор бо занон ва оилаи ноҳияи Рашт Тутинисо Наимова иброз дошт, ки дар замони соҳибистиқлолӣ зиёда аз 20 зани ноҳия ба хотири рушд додани соҳибкории хурду миёна ва оғоз намудани фаъолият дар соҳаҳои занбӯрпарварӣ, ҳунармандӣ, чорводорӣ, картошкапарварӣ ва дигар касбҳо соҳиби грантҳои президентӣ гардиданд. Ҳамчунин соли 2025 дар ноҳияи Рашт 1227 нафар ба касбомӯзӣ ҷалб гардид, ки 450 нафараш занон мебошанд.
АКС: Мақомоти иҷроияи ҳокимияти давлатии ноҳияи Рашт
Дар Чин дастовардҳои Тоҷикистон дар самти ҳуқуқи инсон муаррифӣ гардиданд
Дар Тоҷикистон беморони диабети қанд метавонанд инсулини ройгон дастрас намоянд
Иштирокдорони Форуми байналмилалии ҳизбҳои сиёсӣ дараи Алмосӣ ва Қалъаи Ҳисорро тамошо карданд
Форуми байналмилалии ҳизбҳои сиёсӣ зери унвони «Ҳизбҳои сиёсӣ ва уфуқҳои нави ҳамкорӣ» доир гардид
АБУАЛӢ ИБНИ СИНО — МУТАФАККИРИ БУЗУРГИ ШАРҚ, ФАРЗАНДИ ФАРЗОНАИ ХАЛҚИ ТОҶИК. Андешаҳои академик Фарҳод Раҳимӣ дар ин мавзуъ
Оқибатҳои офатҳои табиӣ дар мавзеъҳои хатарноки роҳҳои минтақаи Рашт бартараф карда шуданд
Табибони тоҷик дар Туркия малакаи касбиии худро такмил медиҳанд
Байни Ҳизби Халқии Демократии Тоҷикистон ва Ҳизби «Белая Рус» Меморандум оид ба ҳамкорӣ ба имзо расид
БОЗТОБИ ТАЪСИСИ ҶОИЗАИ АБУАЛӢ ИБНИ СИНО. Расонаҳои мисрӣ дар ин хусус гузоришу мақолаҳо ба нашр расониданд
Соли 2030 дар ҳудуди Тоҷикистон баруйхатгирии аҳолӣ ва фонди манзил гузаронида мешавад
БОЙГОНӢ — ГАНҶИНАИ БЕБАҲОИ МИЛЛАТ. Ба Рӯзи байналмилалии бойгонӣ бахшида мешавад
Дар Душанбе татбиқи технологияҳои рақамӣ дар соҳаи таҳсилоти касбӣ бо ширкати Чин баррасӣ шуд
