Бахшида ба Рӯзи кормандони мақомоти гумрук дар Донишгоҳи давлатии молия ва иқтисоди Тоҷикистон ҳамоиш доир шуд
ДУШАНБЕ, 22.01.2026 /АМИТ «Ховар»/. 21 январ дар Донишгоҳи давлатии молия ва иқтисоди Тоҷикистон бахшида ба Рӯзи кормандони мақомоти гумрук (22 январ) дар мавзуи «Саҳми мақомоти гумрук дар ғанӣ гардонидани буҷаи давлат: мушкилот ва имконияти мавҷуда» ҳамоиш баргузор шуд, хабар медиҳад АМИТ «Ховар» бо истинод ба ин донишгоҳ.
Дар ҷамъомад намояндагони Хадамоти гумруки назди Ҳукумати Ҷумҳурии Тоҷикистон доир ба таърихи рушди мақомоти гумрук дар даврони соҳибистиқлолӣ, такмили ихтисоси кормандони мақомоти гумрук ва мусоидат ба мутобиқсозии санадҳои меъёрии ҳуқуқии соҳаи фаъолияти гумрукӣ ва ҷорӣ гардидани низоми иттилоотии худкори АСИКУДА-и ҷаҳонӣ дар тамоми гумрукҳо ва дидбонгоҳҳои гумрукии ҷумҳурӣ ибрози андеша намуданд.
Таъкид шуд, ки мақомоти гумрук яке аз ниҳодҳои муҳим дар ташаккули даромадҳои давлатӣ буда, тавассути ҷамъоварии боҷҳои гумрукӣ, андозҳо ва дигар пардохтҳои ҳатмӣ дар ғанӣ гардонидани буҷети давлатӣ саҳми назаррас мегузорад.
Ҳамзамон масъалаҳои истифодаи технологияҳои рақамӣ, таъмини шаффофият ва пешгирии қонуншиканиҳо дар соҳа мавриди муҳокима қарор гирифтанд. Иштирокчиён барои баланд бардоштани самаранокии фаъолияти мақомоти гумрук, таҳкими ҳамкории байниидоравӣ ва рушди минбаъдаи низоми гумруки ҷумҳурӣ пешниҳодҳои мушаххас манзур намуданд.
Дар фарҷом аҳамияти баргузории чунин чорабиниҳо барои табодули таҷриба, баланд бардоштани сатҳи касбият ва иҷрои самараноки вазифаҳои мақомоти гумрук таъкид гардида, меҳмонони чорабинӣ бо Сипосномаи раёсати донишгоҳ қадрдонӣ карда шуданд.
АКС: Донишгоҳи давлатии молия ва иқтисоди Тоҷикистон
Дар ноҳияи Бобоҷон Ғафуров оид ба чораҳои бехатарии радиатсионӣ машварат баргузор шуд
Алоқаи боэътимод барои бонки рақамӣ
Имрӯз дар Тоҷикистон барф меборад
ЗАХИРАҲОИ ГИДРОЭНЕРГЕТИКӢ. Дар ҳошияи Паёми Президенти Тоҷикистон ба Маҷлиси Олӣ
Соли 2025 дар ноҳияи Фирдавсӣ 25 ташкилоти Ҳизби Халқии Демократии Тоҷикистон таъсис дода шуд
Имрӯз дар ноҳияҳои кӯҳии Тоҷикистон барф меборад
«МАКТАБИ МОДАРОН». Дар Ёвон духтарон таҷриба омӯхта, ба ҳаёти мустақилона омода мешаванд
22 январ дар Тоҷикистон ҳарорати ҳаво паст шуда, бориши барф пешгӯӣ мешавад
ИСТИҚЛОЛИ ДАВЛАТӢ, СУБОТИ СИЁСӢ ВА АМНИЯТИ МИЛЛИИ ТОҶИКИСТОНРО ҲИФЗ БОЯД КАРД. Дар ҳошияи Паёми Президенти Тоҷикистон ба Маҷлиси Олӣ
Имрӯз дар Тоҷикистон ҳавои тағйирёбандаи бебориш пешгӯӣ мешавад
16 бинои муассисаи таҳсилоти ибтидоии касбӣ ва 4 муассисаи таҳсилоти миёнаи касбӣ таъмир гардид
Интернети бештар ва рақами қиматбаҳо: фоидаи тарофаҳои пешпардохтӣ дар чист?
