BEST IN TRAVEL 2026. Тоҷикистон ба феҳристи «25 таҷрибаи беҳтарини сайёҳӣ дар соли 2026» ворид гардид
ДУШАНБЕ, 09.01.2026 /АМИТ «Ховар»/. Нашрияи бонуфузи байналмилалии сайёҳӣ Lonely Planet Ҷумҳурии Тоҷикистонро ба феҳристи «25 таҷрибаи беҳтарини сайёҳӣ дар соли 2026» (Best in Travel 2026) ворид намуд. Дар ин хусус АМИТ «Ховар» бо истинод ба Сафорати Ҷумҳурии Тоҷикистон дар Ҷумҳурии Беларус хабар медиҳад.
Дар бахши «Hike and wild camping in Tajikistan» ба сайёҳон тавсия дода шудааст, ки аз манзараҳои дилрабои кӯҳӣ, табиати нотакрор ва меҳмоннавозии самимии сокинони маҳаллӣ баҳра бурда, таҷрибаи сафар ба Тоҷикистонро ба саёҳати хотирмон ва илҳомбахш табдил диҳанд.
Нашрияи «Lonely Planet» тақрибан 6 миллион нусхаро фаро гирифта, нишонаи нуфузи васеи он дар соҳаи рӯзноманигории сайёҳӣ арзёбӣ мегардад. Бознашри мақола марбут ба Тоҷикистон тавассути расонаҳои байналмилалӣ, дар мисоли CNN таваҷҷуҳи ҷомеаи ҷаҳониро ба иқтидори сайёҳии кишвар ҷалб намудааст.
Эътирофи байналмилалии Тоҷикистон дар самти сайёҳӣ башоратдиҳандаи табиати ғанию нотакрор, таъриху фарҳанги куҳан, меҳмоннавозии мардуми тоҷик ва нишондиҳандаи самараи сиёсати хирадмандонаи роҳбарияти мамлакат дар самти рушди устувори соҳаи сайёҳӣ, ҳифзи мероси фарҳангӣ ва муаррифии шоистаи Тоҷикистон дар арсаи байналмилалӣ мебошад. Тафсилоти бештар дар сомонаи: htpp://www.lonelyplanet.com/best-in-travel#the-25-best-experiences-in-2026-hike-and-wildcamp-in-tajikistan.
АКС: Сафорати Ҷумҳурии Тоҷикистон дар Ҷумҳурии Беларус
Дар Минск ҷаласаи навбатии Шурои намояндагони ваколатдории доимии ИДМ баргузор гардид
Ҳамкории судманди Тоҷикистон ва Миср баррасӣ гардид
Дар Москва ба хотири гиромидошти Шоири халқии Тоҷикистон Лоиқ Шералӣ маҳфили адабӣ доир шуд
Вазоратҳои корҳои хориҷии Тоҷикистону Алҷазоир ҳамкориро дар самти бозомӯзии дипломатҳо тақвият мебахшанд
«БАРНОМАИ РУШДИ МИНТАҚАИ САЙЁҲИИ РОҒУН». Дар доираи амали он роҳҳо мумфарш, хатсайрҳои сайёҳӣ зиёд ва инфрасохтори хизматрасонӣ беҳтар карда шуд
Ҳайати Тоҷикистон дар Конфронси байналмилалии шаҳрҳои дӯстии Чин – 2026 иштирок намуд
Дар Берлин ҳамкории тиҷоратию иқтисодии Тоҷикистон ва Олмон баррасӣ карда шуд
Имкониятҳои сайёҳии Тоҷикистон ба гардишгарони ҳавзаи Шурои ҳамкории кишварҳои арабии Халиҷ муаррифӣ гардиданд
Дурнамои рушди ҳамкории Тоҷикистону сохторҳои Созмони Милали Муттаҳид баррасӣ гардид
Масъалаи иштироки ҳайати Тоҷикистон дар Конфронс оид ба тағйирёбии иқлим дар Анталия баррасӣ гардид
Маттео Патроне: «Бонки аврупоии таҷдид ва рушд дар Тоҷикистон лоиҳаҳои гуногунро дар соҳаи энергетика ва бахши хусусӣ амалӣ менамояд»
Сафири Тоҷикистон бо роҳбари иҷроияи ширкати олмонии «Knauf» Мурат Акилдиз мулоқот намуд
