Соли 2025 дар ноҳияи Фирдавсӣ 25 ташкилоти Ҳизби Халқии Демократии Тоҷикистон таъсис дода шуд
ДУШАНБЕ, 21.01.2026 /АМИТ «Ховар»/. Давоми соли 2025 дар ноҳияи Фирдавсии шаҳри Душанбе 25 ташкилоти ҳизбӣ таъсис дода шуда, 5000 шаҳрванд ба сафи ҳизб қабул гардид. Ин нишондод нисбат ба ҳамин давраи соли 2024 3987 нафар аъзои ҳизб ва 10 ташкилоти ҳизбӣ зиёд мебошад. Чунин иттилоъ дода шуд зимни баргузории маҷлиси Кумитаи иҷроияи Ҳизби Халқии Демократии Тоҷикистон дар ноҳияи Фирдавсӣ. Дар ин хусус ба АМИТ «Ховар» аз ин кумита хабар доданд.
Иттилоъ дода шуд, ки дар ин давра бахшида ба идҳои миллию санаҳои таърихӣ зиёда аз 1350 чорабинии сиёсию фарҳангӣ ва маҷлисҳои тантанавӣ баргузор гардид.
Давоми як соли охир бо иштироки ҷавонону занон фестивалу форум, ҳамоишу конференсия ва озмуну чорабиниҳои сатҳи баланд баргузор шуданд. Дар самти кор бо занону ҷавонон чорабиниҳои фарҳангӣ — сиёсӣ ва маҳфилҳои адабӣ-маърифатӣ низ доир карда шуданд.
Ҳамзамон вакилони шаҳрию ноҳиявӣ ва ташкилоти ҳизбӣ дар доираи иқдоми ҳизбиён «Бо ҳам ба сӯйи созандагиву бунёдкорӣ» ва «400-рӯзи ташаббускорӣ – иқдоми ҳизбиёни пойтахт» 32 километр роҳҳои дохили шаҳраку маҳалларо сангфаршу мумфарш намуданд. Инчунин ҳашарҳои хуррамгардонию сабзкорӣ баргузор шуданд, ки зимни онҳо беш аз 3673 дарахту ниҳоли ороишию сояафкан шинонида шуданд.
Таъкид карда шуд, ки ба корҳои иттилоотию фаҳмондадиҳӣ, таблиғу ташвиқи ҳадафҳои созандаи ҳизб ва дастовардҳои даврони соҳибистиқлолии мамлакат, тақвияти корҳои дохилиҳизбӣ, ҷалби аъзои нав ба сафи ҳизб, ба роҳ мондани иқдоми созандагию бунёдкорӣ тавассути ҷалби сокинон аз маҳаллаҳои навворидшуда ва дигар масоили дохилиҳизбӣ вусъати тоза дода шавад.
АКС: Кумитаи иҷроияи Ҳизби Халқии Демократии Тоҷикистон дар ноҳияи Фирдавсӣ
Имрӯз дар ноҳияҳои кӯҳии Тоҷикистон барф меборад
«МАКТАБИ МОДАРОН». Дар Ёвон духтарон таҷриба омӯхта, ба ҳаёти мустақилона омода мешаванд
22 январ дар Тоҷикистон ҳарорати ҳаво паст шуда, бориши барф пешгӯӣ мешавад
ИСТИҚЛОЛИ ДАВЛАТӢ, СУБОТИ СИЁСӢ ВА АМНИЯТИ МИЛЛИИ ТОҶИКИСТОНРО ҲИФЗ БОЯД КАРД. Дар ҳошияи Паёми Президенти Тоҷикистон ба Маҷлиси Олӣ
Имрӯз дар Тоҷикистон ҳавои тағйирёбандаи бебориш пешгӯӣ мешавад
16 бинои муассисаи таҳсилоти ибтидоии касбӣ ва 4 муассисаи таҳсилоти миёнаи касбӣ таъмир гардид
Интернети бештар ва рақами қиматбаҳо: фоидаи тарофаҳои пешпардохтӣ дар чист?
Оид ба таъмини рушди устувори соҳаи кишоварзӣ дар шароити тағйирёбии иқлим машғулияти омӯзишӣ доир шуд
Имрӯз дар баъзе ноҳияҳои Тоҷикистон туман мефарояд
РУШДИ ҲУНАРҲОИ МАРДУМӢ. Дар Бадахшон беш аз 300 нафар ҳунарманд фаъолият мекунад
Дар Искандаркӯл ба бунёди меҳмонхона ва иншооти муосири сайёҳӣ санги асос гузошта шуд
