Агентии «Тоҷикстандарт» аз фурӯшандагон талаб менамояд, ки ба кӯдакону наврасон нӯшокиҳои руҳафзо нафурӯшанд
ДУШАНБЕ, 11.02.2026 /АМИТ «Ховар»/. Агентии «Тоҷикстандарт» аз фурӯшандагон ва соҳибкорон қатъиян талаб менамояд, ки ба кӯдакону наврасон нӯшокиҳои руҳафзо (энергетикҳо) нафурӯшанд. Тибқи талабот, фурӯши ин гуна маҳсулот танҳо ба шахсони аз 18-сола боло иҷозат дода шудааст. Дар ин хусус АМИТ «Ховар» бо истинод ба Агентии «Тоҷикстандарт» хабар медиҳад.
Ба иттилои Агентӣ, солҳои охир истифодаи нӯшокиҳои руҳафзо (энергетикҳо) дар байни ҷавонон ва наврасон хеле маъмул гаштааст. Бисёриҳо онҳоро барои бартараф кардани хастагӣ, зиёд кардани қувва ва болидаруҳӣ истифода мебаранд. Аммо на ҳама медонанд, ки истеъмоли ин гуна нӯшокиҳо метавонад ба саломатии инсон зарари ҷиддӣ расонад.
«Яке аз истеҳсолкунандагони нӯшокиҳои руҳафзо (энергетикӣ) дар Ҷумҳурии Тоҷикистон Ҷамъияти дорои масъулияти маҳдуди «Арк саноат» ба ҳисоб меравад, ки бо тамғаи «PANTERA» ин гуна нӯшокиҳоро истеҳсол ва ба фурӯш мебарорад. Дар асоси аудити инспексионии ғайринақшавии кормандони Агентии «Тоҷикстандарт» оид ба иҷрои талаботи СТ ҶТ 1098-2012 «Талабот оид ба истеҳсол, тайёр кардан, коркард, нигоҳдорӣ ва фурӯши маҳсулоти ҳалол» дар Ҷамъияти дорои масъулияти маҳдуди «Арк саноат» муайян карда шуд, ки дар раванди истеҳсолоти корхона одитарин қоидаҳои санитарӣ ва талаботи ҳуҷҷатҳои меъёрии техникӣ риоя карда намешавад», -иттилоъ доданд аз Агентӣ.
Ҳамчунин ҳам истеҳсоли маҳсулоти ҳалол ва ҳам истеҳсоли нӯшокиҳои алкоголӣ дар як раванди технологӣ ба роҳ монда шудааст. Аз ин рӯ, тамғаи «Ҳалол», ки ба маҳсулоти ин ширкат, яъне нӯшокиҳои руҳафзои «PANTERA» дода шуда буд, бекор гардид. Кормандони Агентии «Тоҷикстандарт» ҳамчунин нисбат ба ҳолати мазкур корбарӣ доранд.
Ба иттилои манбаъ, риоя накардани талаботи ҳуҷҷатҳои меъёрии техникӣ ҳангоми истеҳсоли маҳсулот аз бесифат истеҳсол шудани номгӯи маҳсулот шаҳодат медиҳад. Гарчанде истеъмоли нӯшокиҳои руҳафзо маҳдуд бошад ҳам, вале аз тарафи ширкати истеҳсолкунанда раванди мазкур дар тамғакоғаз дарҷ нагардидааст.
«Тамғаи ҳалол доштани маҳсулот маънии онро надорад, ки кӯдакону наврасон аз он васеъ истифода кунанд. Нӯшокиҳои руҳафзо барои одамони калонсол дар як рӯз як адад муайян карда шудааст, вале тавре мушоҳида мешавад, кӯдакону наврасон низ аз он истифода менамоянд», — таъкид намуданд дар Агентӣ.
АКС: Агентии «Тоҷикстандарт»
Дар ноҳияи Ашт неругоҳи офтобӣ ба истифода дода мешавад
НИШАСТИ МАТБУОТӢ. Дар Сангвор 854 субъекти соҳибкории инфиродӣ фаъолият менамояд
Дар Вазорати рушди иқтисод ва савдои Тоҷикистон рақамикунонии бизнес-равандҳо оғоз гардид
ЭНЕРГИЯИ «САБЗ». Дар корхонаҳои саноатӣ ва дигар иншооти вилояти Хатлон панелҳои офтобӣ насб карда мешаванд
НИШАСТИ МАТБУОТӢ. Дар Бадахшон дар шаш моҳ 25 корхонаю коргоҳи истеҳсолӣ ба истифода дода шуд
«НАҚЛИЁТИ «ҲУШМАНД»». Дар Душанбе ҷаласаи гурӯҳи кории татбиқи лоиҳаи рушди ин намуди нақлиёт баргузор гардид
Сохтмони зеристгоҳи барқии 110/10 кВ-и Варзишгоҳи миллӣ босуръат идома дорад
Дар нахустин Форуми маъданҳои муҳими Тоҷикистону Корея дар Сеул иқтидори маъдании Тоҷикистон муаррифӣ гардид
«КАРТОТЕКА». Вазорати нақлиёти Тоҷикистон ба низоми нави рақамии баҳисобгирии маблағу воситаҳо мегузарад
Дар шаш моҳ беш аз 930 ҳазор сайёҳи дохилию хориҷӣ мавзеъҳои сайёҳии Хатлонро тамошо намуданд
НИШАСТИ МАТБУОТӢ. Дар ноҳияи Лахш дар 8061 гектар зироати кишоварзӣ кишт карда шуд
Дар Душанбе нахустин Форум ва намоишгоҳи байналмилалии саноати хӯрокворӣ—«Тоҷикистон-2026» доир мегардад
