Байни Тоҷикистон ва Гурӯҳи Бонки ҷаҳонӣ барои бунёди хати интиқоли барқ дар Тоҷикистон Созишномаи молиявии грантӣ ба имзо расид
ДУШАНБЕ, 17.02.2026 /АМИТ «Ховар»/. Байни Ҷумҳурии Тоҷикистон ва Гурӯҳи Бонки ҷаҳонӣ Созишномаи молиявии грантии лоиҳаи «Рушди бозори неруи барқ ва ҳамоҳангсозии системаҳои энергетикии Осиёи Марказӣ дар доираи марҳилаи 1-уми равиши бисёрмарҳилаи барномавӣ» ба имзо расонида шуд. Дар ин хусус ба АМИТ «Ховар» аз Вазорати молияи Ҷумҳурии Тоҷикистон хабар доданд.
Созишномаи грантӣ 16 феврал аз ҷониби Вазири молияи ҷумҳурӣ Файзиддин Қаҳҳорзода ва намояндаи доимии Бонки ҷаҳонӣ дар Тоҷикистон Гаэл Раббаланд ба имзо расонида шуд.
Лоиҳа аз ҷониби Гурӯҳи Бонки ҷаҳонӣ ба кишварҳои минтақаи Осиёи Марказӣ нигаронида шуда, барои Тоҷикистон маблағҳои грантӣ дар ҳаҷми 60 миллион доллари амрикоӣ пешбинӣ шудаанд.
Лоиҳа аз қисматҳои инфрасохторӣ ва ташаккули бозори фосилавии неруи барқ иборат буда, дар доираи он дар Тоҷикистон бунёди хати интиқоли барқи 500 кВ аз зеристгоҳи барқии «Душанбе-500» то зеристгоҳи барқии «Регар-500» ва васеъсозии ин зеристгоҳҳои барқӣ, инчунин омодасозии асосноккунии техникӣ-иқтисодӣ ва тарҳи мукаммали лоиҳаи «Бунёди хати интиқоли барқи 500 кВ Роғун-Сайҳун» (Ҷануб-Шимол марҳилаи 2) пешбинӣ шудааст.
АКС: Вазорати молияи Ҷумҳурии Тоҷикистон
Дар Барселона имконоти сармоягузории Тоҷикистон муаррифӣ гардид
СОҲИБКОРӢ ҲАМ МАСЪУЛИЯТ МЕХОҲАД! Аз ҷониби кормандони Кумитаи бехатарии озуқаворӣ маҳсулоти гӯштии бесифат мусодира карда шуд
Фармони Президенти Ҷумҳурии Тоҷикистон «Дар бораи танзими музди меҳнат ва пардохти иловапулӣ ба музди меҳнати кормандони соҳаи технологияҳои иттилоотию коммуникатсионӣ» ба имзо расид
Муқовимат ба коррупсия омили муҳими рушди устувори Тоҷикистон аст
Дар Тоҷикистон 556,5 гектар боғҳои нав бунёд карда шуданд
ЗЕҲНИ СУНЪӢ ЧИСТ? Ва ё мошинҳои ҳисоббарор метавонанд ба монанди инсон фикр карда, қарор қабул намоянд?
Муҳлати лоиҳаи содагардонии расмиёти савдо дар Осиёи Марказӣ то соли 2029 тамдид карда шуд
Тоҷикистон ва Қирғизистон ҳамкориро дар соҳаи инноватсия ва технологияҳои рақамӣ тақвият медиҳанд
Намояндагони Тоҷикистон дар Форуми байналмилалӣ оид ба таҳкими ҳамкорӣ дар самти мубориза бо маводи мухаддир ва ҷинояткорӣ иштирок намуданд
Дар Душанбе Форуми 10-уми Осиёи Марказӣ оид ба идоракунии интернет – CAIGF 2026 баргузор шуд
Дар Душанбе нахустин конфронси байналмилалӣ оид ба мониторинг ва арзёбӣ баргузор шуд
Табодули мол байни Тоҷикистон ва давлатҳои иштирокчии Барномаи махсуси СММ барои иқтисодиёти Осиёи Марказӣ ба 2,1 миллиард доллар расид
