«Барномаи рушд ва рақамикунонӣ дар мақомоти иҷрои Ҷумҳурии Тоҷикистон барои солҳои 2026-2030» қабул гардид
ДУШАНБЕ, 12.02.2026 /АМИТ «Ховар»/. «Барномаи рушд ва рақамикунонӣ дар мақомоти иҷрои Ҷумҳурии Тоҷикистон барои солҳои 2026-2030» қабул гардид. Дар ин хусус 10 феврал сардори Хадамоти иҷрои назди Ҳукумати Ҷумҳурии Тоҷикистон Аҳтам Абдуллозода дар нишасти матбуотӣ иттилоъ дод.
Барнома ба таҳкими заминаҳои техникию технологӣ, баланд бардоштани сатҳи шаффофият, содагардонии раванди пешниҳод намудани хизматрасониҳо ва гузариш ба низоми рақамии фаъолияти мақомоти иҷро равона карда шудааст. Татбиқи босамари он имконият медиҳад, ки фаъолияти мақомоти иҷро ба талаботи замони муосир ҷавобгӯ гардида, сатҳи хизматрасониҳои давлатӣ боло равад.
Ҳамзамон Хадамоти иҷро оид ба масъалаи гузариш ба низоми рақамикунонии соҳа ва татбиқи ҳукумати электронӣ ба таври ҷиддӣ корбарӣ намуда, дар ин самт ҳамкории судмандро бо Агентии инноватсия ва технологияҳои рақамии назди Президенти Ҷумҳурии Тоҷикистон низ ба роҳ мондааст.
Низоми электронии ҳуҷҷатҳо байни мақомоти давлатӣ тавассути низоми ягонаи гардиши ҳуҷҷатҳои электронӣ /edo.innovation.tj/ дар дастгоҳи марказии Хадамоти иҷро пурра ба роҳ монда шуда, барои пайвастшавии сохторҳои ҳудудӣ корбарӣ идома дорад.
Бо мақсади таъмини иҷрои муқаррароти санадҳои меъёрии ҳуқуқӣ Хадамоти иҷро якҷо бо Агентии инноватсия ва технологияҳои рақамӣ лоиҳаи «Тартиби амалисозии лоиҳаи озмоишӣ вобаста ба ҷорӣ намудани низоми ситониши қарз тавассути системаи иттилоотии автоматикунонидашудаи Хадамоти иҷрои назди Ҳукумати Ҷумҳурии Тоҷикистон»-ро таҳия намуд.
Лоиҳа бо мақсади пешбинӣ кардани чаҳорчӯбаи танзимотӣ барои амалӣ намудани лоиҳаи озмоишӣ дар самти рақамикунонии истеҳсолоти иҷро ва баланд бардоштани самаранокии ситониши қарзҳо таҳия карда шудааст. Он хусусияти амалисозии фаъолияти низоми дахлдорро оид ба рақамикунонии истеҳсолоти иҷро дар фаъолияти иҷрочиёни Хадамоти иҷро, ситониши саривақтии қарз, ҳуқуқу уҳдадориҳои иштирокдорон ва дигар самтҳои фаъолиятро дар доираи реҷаи махсуси танзимӣ муқаррар ва танзим менамояд.
Раъно НУСРАТУЛЛО,
АМИТ «Ховар»
АКС: АМИТ «Ховар»
Дар басти якуми истироҳатгоҳи «Ширкент» зиёда аз 320 нафар кӯдакону наврасон ба истироҳати бофароғат ҷалб гардиданд
Доир ба хатари сиёсисозии дини ислом ба амнияту суботи давлат ва ҷомеа конференсияи илмӣ-амалӣ баргузор гардид
Вазирони тандурустии давлатҳои аъзои ТУТ масъалаи муқовимат ба ҳолатҳои фавқулодаро баррасӣ намуданд
Дар Фаронса дастовардҳои Тоҷикистон дар самти ислоҳоти судӣ — ҳуқуқӣ муаррифӣ гардид
ИМРӮЗ–РӮЗИ ТАЪСИСИ БОЗРАСИИ ДАВЛАТИИ АВТОМОБИЛӢ. Амнияти ҳаракат дар роҳ самти асосии фаъолияти ин мақомот мебошад
Дар моҳи июл Тоҷикистонро чӣ гуна ҳаво интизор аст?
Дар Душанбе нахустин маротиба Рӯзи кормандони соҳаи суғуртаи иҷтимоӣ ва нафақа таҷлил гардид
ҒИЗОИ СОЛИМ. Омили афзоиши бемории диабети қанд истеъмоли ғизои аз ҳад зиёд ва номутаносиб мебошад
1 ИЮЛ — РӮЗИ КОРМАНДОНИ СОҲАИ СУҒУРТАИ ИҶТИМОӢ ВА НАФАҚА. Дар солҳои соҳибистиқлолӣ андозаи нафақаҳо зиёда аз 20 маротиба зиёд карда шуд
Дар Душанбе дар мавзуи «Сиёсисозии ислом ва хатари он ба амнияти сиёсӣ ва суботи ҷомеа» ҳамоиши илмӣ доир мегардад
Маросими видоъ бо раиси марҳуми Вилояти Мухтори Кӯҳистони Бадахшон Алишер Мирзонабот баргузор гардид
ОГОҲӢ! Аз 1 то 3 июл дар баъзе минтақаҳои Тоҷикистон омадани селҳои хусусияти маҳаллидошта пешгӯӣ мешавад
