Дар Донишгоҳи давлатии Кӯлоб бахшида ба Рӯзи ҷаҳонии занон ва духтарон дар соҳаи илм конфронси байналмилалӣ доир гардид
КӮЛОБ, 11.02.2026 /АМИТ «Ховар»/. Дар Донишгоҳи давлатии Кӯлоб ба номи Абуабдуллоҳи Рӯдакӣ бахшида ба Рӯзи ҷаҳонии занон ва духтарон дар соҳаи илм (11 феврал) конфронси байналмилалӣ баргузор гардид. Дар ин хусус ба АМИТ «Ховар» аз ин донишгоҳ иттилоъ доданд.
Муовини ректор оид ба тарбия, дотсент Одинамо Шарифзода иброз дошт, ки «занон бо дониш, заковат, заҳмати созанда ва масъулияти баланд дар ғанӣ гардонидани илми ҷаҳонӣ, таҳкими робитаҳои илмӣ ва рушди ҳамкории байналмилалӣ нақши калидӣ доранд. Дар партави татбиқи сиёсати маорифпарварона ва ҳидоятгаронаи Президенти Ҷумҳурии Тоҷикистон муҳтарам Эмомалӣ Раҳмон дар мамлакат ба мавқеъ ва манзалати занон дар ҷомеа, фаъолгардонии нақши онҳо, таъйин намудани занону духтарони фаъолу кордон ба вазифаҳои роҳбарикунанда сол то сол таваҷҷуҳ зоҳир гардида, дар ин раванд дар арсаи илму маориф, риштаҳои гуногуни иқтисоди миллӣ, фарҳангу варзиш ва дигар соҳаҳои хоҷагии халқ занону духтарон ба дастовардҳои беназир мушарраф мегарданд».
Дар конфронси байналмилалӣ беш аз 50 маърузаи профессорон ва омӯзгорон оид ба бахшҳои гуногун мавриди баррасӣ ва хулосабарорӣ қарор дода шуд.
АКС: Донишгоҳи давлатии Кӯлоб ба номи Абуабдуллоҳи Рӯдакӣ
Дар шаҳри Гулистон беш аз 50 корхонаи саноатӣ фаъолият менамояд
Садои тоза ва интернети босуръат: муштариён VoLTE-ро интихоб мекунанд
Дар шаҳри Душанбе муколамаи G10 Insight Forum 2026 оғоз гардид
Дар доираи Форуми соҳибкории «Тоҷикистон ба пеш!» 23 Созишномаи ҳамкорӣ ба имзо расид
Имрӯз дар Тоҷикистон ҳавои бебориш дар назар аст
Дар қаламрави Тоҷикистон заминларза ба амал омад
Муколамаи чоруми минтақавӣ оид ба иқтисоди даврӣ дар Осиёи Марказӣ баргузор гардид
Дар шаҳри Душанбе ҷашни Меҳргон таҷлил мегардад
