Дар Донишгоҳи давлатии Кӯлоб оид ба таҳкими ватандӯстӣ ва худшиносии миллӣ ҳамоиш доир шуд
ДУШАНБЕ, 03.02.2026 /АМИТ «Ховар»/. Дар ҳошияи Соли вусъат додани корҳои ободониву созандагӣ ва тақвияту таҳкими худшиносиву худогоҳии миллӣ дар Донишгоҳи давлатии Кӯлоб ба номи Абуабдуллоҳи Рӯдакӣ таҳти унвони «Таҳкими руҳияи ватандӯстӣ ва худшиносии миллӣ — омили бақо ва устувории пояҳои давлатдорӣ» ҳамоиши илмӣ-назариявӣ баргузор гардид. Дар ин хусус ба АМИТ «Ховар» аз ин донишгоҳ хабар доданд.
Ректори Донишгоҳи давлатии Кӯлоб Мунир Сафарзода дар ҳамоиш иброз дошт, ки Соли вусъат додани корҳои ободониву созандагӣ ва тақвияту таҳкими худшиносиву худогоҳии миллӣ эълон гардидани соли 2026 идомаи мантиқии сиёсати хирадмандонаи Пешвои миллат муҳтарам Эмомалӣ Раҳмон буда, ба таҳкими ҳувияти миллӣ, ваҳдату субот, созандагиву бунёдкорӣ ва тарбияи насли ояндасоз равона гардидааст.
Дар шароити ҷаҳонишавӣ ҳифзи асолати миллӣ, забон, фарҳанг ва таърихи пурифтихори миллат аҳамияти ҳаётан муҳим касб намуда, худшиносии миллӣ ҳамчун пояи устувори давлатдории миллӣ хизмат мекунад. Миллате, ки гузашта ва арзишҳои худро амиқ мешиносад, метавонад ояндаи худро бо иродаи қавӣ ва эътимоди устувор бунёд намояд. Аз ин рӯ, тарғиби худогоҳии миллӣ дар муҳити донишгоҳ на танҳо вазифаи касбӣ, балки рисолати ахлоқӣ ва шаҳрвандии ҳар омӯзгор арзёбӣ мегардад.
Дар ҳамоиш оид ба нақш ва ҷойгоҳи Президенти Тоҷикистон муҳтарам Эмомалӣ Раҳмон дар бунёди давлатдории миллӣ, муаррифии мамлакат дар арсаи байналмилалӣ, ташаббусҳои сатҳи ҷаҳонӣ ва иқдоми созанда маърузаҳо шунида шуданд.
Иштирокдорон арзишҳои соҳибихтиёрию соҳибдавлатӣ, арҷгузорӣ ба фарҳанг ва тамаддуни миллӣ ва ҳифзу гиромидошти он, таҳкими ҳисси ватандӯстӣ ва худшиносии миллиро баррасӣ намуданд.
Масъалаи бунёди Маркази тамаддуни ориёӣ дар шаҳри Душанбе, ҳамчунин Маркази байналмилалии Наврӯз мавриди муҳокима ва омӯзиш қарор дода шуд.
Гуфта шуд, ки арҷгузорӣ ба тамаддуни ориёӣ, гиромидошти Наврӯз ҳамчун мероси умумибашарӣ ва бунёди марказҳои илмӣ-фарҳангӣ дар пойтахт ҳамчун рамзҳои худогоҳии миллӣ барои муаррифии Тоҷикистон дар арсаи байналмилалӣ заминаи мустаҳкам фароҳам меоранд.
АКС: Донишгоҳи давлатии Кӯлоб ба номи Абуабдуллоҳи Рӯдакӣ
Дар ноҳияи Деваштич иншооти гуногуни иҷтимоӣ ба истифода дода шуданд
Сарвари давлат Эмомалӣ Раҳмон ба таври фосилавӣ як қатор иншооти таъиноти гуногунро дар вилояти Суғд мавриди истифода қарор доданд
Президенти Ҷумҳурии Тоҷикистон Эмомалӣ Раҳмон дар шаҳри Хуҷанд тарабхонаи «Форел Платинум»-ро мавриди истифода қарор доданд
Пешвои миллат Эмомалӣ Раҳмон дар минтақаи озоди иқтисодии Суғд корхонаи нӯшокиҳои ташнагишикани ҶДММ «Райан»-ро ба истифода доданд
Президенти Ҷумҳурии Тоҷикистон Эмомалӣ Раҳмон дар ноҳияи Деваштич муассисаи таҳсилоти миёнаи умумии №70-ро мавриди баҳрабардорӣ қарор доданд
Сарвари давлат Эмомалӣ Раҳмон дар ноҳияи Деваштич корхонаи коркарди меваю сабзавот ва истеҳсоли афшураи ҶДММ «Витаминҳои Тоҷикистон»-ро мавриди баҳрабардорӣ қарор доданд
Президенти Ҷумҳурии Тоҷикистон Эмомалӣ Раҳмон ба таври фосилавӣ дар шаҳри Истаравшан 12 иншоотро мавриди истифода қарор доданд
Пешвои миллат Эмомалӣ Раҳмон дар шаҳри Истаравшан бинои маҷмааи миллии соҳибкории «Роҳи Абрешим»-ро мавриди истифода қарор доданд
Сарвари давлат Эмомалӣ Раҳмон дар ноҳияи Шаҳристон дар Иди картошка иштирок намуданд
Сарвари давлат Эмомалӣ Раҳмон дар ноҳияи Шаҳристон барои бунёди 2 корхона санги асос гузоштанд
Президенти Ҷумҳурии Тоҷикистон Эмомалӣ Раҳмон дар ноҳияи Шаҳристон муассисаи таълимии хусусии литсейи «Идрок»-ро ифтитоҳ намуданд
Пешвои миллат Эмомалӣ Раҳмон ба таври фосилавӣ дар ноҳияҳои Шаҳристон ва Айнӣ 9 иншоотро мавриди истифода қарор доданд
