Дар Коллеҷи омӯзгорӣ ва рақамикунонии шаҳри Бохтар Озмуни ҷумҳуриявии «Илм — фурӯғи маърифат» баргузор шуд
ДУШАНБЕ, 21.02.2026 /АМИТ «Ховар»/. Дар Коллеҷи омӯзгорӣ ва рақамикунонии шаҳри Бохтар Озмуни ҷумҳуриявии «Илм — фурӯғи маърифат» баргузор шуд, хабар медиҳад АМИТ «Ховар» бо истинод ба ин коллеҷ.
Озмун 19 ва 20 феврал байни донишҷӯёни ихтисосҳои гуногуни муассиса гузаронида шуд.
Ба довталабони озмун саволҳо дар шакли хаттӣ ба тариқи тестӣ пешниҳод гардиданд. Довталабон тибқи шартҳои озмун донишу малака ва маҳораташонро бобати азхуд кардани фанни физика, математика, технология, география, биология ва химия ба ҳайати ҳакамон нишон доданд.
Дар фарҷом маҳорату истеъдоди довталабон аз тарафи ҳакамон муайян ва натиҷагирӣ карда шуд. Рӯйхати донишҷӯёни лаёқатманде, ки дар даври аввали Озмуни ҷумҳуриявии «Илм — фурӯғи маърифат» аз рӯйи 7 номинатсия иштирок намуданд, ба раёсати таълим пешниҳод карда мешаванд.
Мақсади баргузории озмун рушди тафаккури техникӣ, тарғиби ҷаҳонбинии илмӣ, дастрасӣ пайдо кардан ба техникаву технология, тавсеаи ихтироъкорӣ ва навоварӣ, пайвасти илм бо истеҳсолот, ҷалби бештари донишҷӯён ба омӯзиши фанҳои дақиқ, ҳамчунин дарёфт ва муаррифии истеъдодҳои нав дар ин самт байни донишҷӯён мебошад.
АКС: Коллеҷи омӯзгорӣ ва рақамикунонии шаҳри Бохтар
Аз 23 то 25 сентябр дар баъзе минтақаҳои Тоҷикистон омадани сел пешгӯӣ мешавад
Тоҷикистон пас аз рӯзи сеюми Бозиҳои Осиёӣ-2026 дар ҷадвали медалҳо дар зинаи ҳафтум қарор дорад
Имрӯз дар Тоҷикистон эҳтимол раъду барқ ба амал ояд
Дар Тоҷикистон беш аз 800 ҳазор тонна зироати ғалладонагӣ ҷамъоварӣ шудааст
Ҷаласаи Комиссияи Озмуни ҷумҳуриявии «Донандаи беҳтарини асарҳои Пешвои миллат» доир шуд
Мегафон Тоҷикистон: акнун сӣ «Устоди алоқа»!
«ЧОДАРИ ХАЁЛ». Дар Душанбе Ҷашнвораи ҳаштуми байналмилалии театрҳои лӯхтак баргузор мегардад
