Дар Маркази миллии патенту иттилоот оид ба шарҳи Паёми Президенти Тоҷикистон ба Маҷлиси Олӣ ҳамоиш баргузор гардид
ДУШАНБЕ, 07.02.2026 /АМИТ «Ховар»/. 6 феврал дар Муассисаи давлатии «Маркази миллии патенту иттилоот»-и Вазорати рушди иқтисод ва савдои Ҷумҳурии Тоҷикистон доир ба шарҳу тавзеҳи Паёми Президенти Тоҷикистон муҳтарам Эмомалӣ Раҳмон ба Маҷлиси Олӣ ҷамъомад баргузор гардид. Дар ин хусус АМИТ «Ховар» бо истинод ба Маркази миллии патенту иттилоот хабар медиҳад.
Зимни ҷамъомад директори Муассисаи давлатии «Маркази миллии патенту иттилоот» Мирзо Исмоилзода иброз дошт, ки «Паёми Президенти Ҷумҳурии Тоҷикистон ба Маҷлиси Олӣ, ки 16 декабри соли 2025 пешниҳод гардид, ҳамчун санади муҳими сиёсӣ ва иҷтимоӣ самтҳои асосии рушди минбаъдаи давлатро муайян менамояд. Дар ин ҳуҷҷати сиёсӣ масъалаҳои муҳими иқтисодӣ, иҷтимоӣ, фарҳангӣ ва сиёсати хориҷӣ мавриди таҳлилу баррасӣ қарор гирифтанд. Дар Паёми Президенти Ҷумҳурии Тоҷикистон ба Маҷлиси Олӣ ба рушди иқтисоди миллӣ диққати махсус зоҳир гардид. Сарвари давлат таъкид намуданд, ки саноатикунонии босуръат, ҷалби сармояи дохиливу хориҷӣ ва дастгирии соҳибкории хурду миёна омилҳои асосии пешрафти иқтисоди мамлакат ба шумор мераванд. Ин раванд метавонад боиси зиёд гардидани ҷойи нави кор ва баланд бардоштани сатҳи зиндагии аҳолӣ гардад».
Иброз гардид, ки дар ин санади муҳим масъалаҳои иҷтимоӣ низ дар маркази диққат қарор доштанд. Президенти Тоҷикистон ба соҳаҳои маориф ва тандурустӣ ҳамчун пояи асосии рушди ҷомеа ишора намуда, зарурати баланд бардоштани сифати таҳсил, омода кардани мутахассисони рақобатпазир ва беҳтар намудани хизматрасонии тиббиро таъкид намуданд.
Дар бахши сиёсати ҷавонон ва фарҳанг баён карда шуд, ки ҷавонон неруи созанда ва ояндасози миллат мебошанд. Аз ин рӯ, тарбияи ватандӯстӣ, ҳифзи арзишҳои миллӣ ва рушди фарҳанги миллӣ бояд дар меҳвари сиёсати давлатӣ қарор дошта бошад.
АКС: Муассисаи давлатии «Маркази миллии патенту иттилоот»
Пагоҳ дар Душанбе Форуми соҳибкории «Тоҷикистон, ба пеш!» оғоз меёбад
Роҳбарияти Бонки миллии Тоҷикистон дар ҷаласаҳои солонаи ХБА ва Гурӯҳи Бонки ҷаҳонӣ иштирок менамояд
Дурнамои тақвияти ҳамкории Тоҷикистон ва Австрия баррасӣ гардид
Сардори Хадамоти зиддиинҳисории Тоҷикистон дар ҷаласаи Шурои машваратӣ оид ба ҳимояи ҳуқуқи истеъмолкунандагон иштирок намуд
Форуми байналмилалии «Сайёҳии устувор ва мероси фарҳангӣ» иқтидори сайёҳӣ ва фарҳангии Тоҷикистонро муаррифӣ менамояд
Ширкати ҳавопаймоии «Shohin Airlines» ва «Turkish Airlines» Ёддошти тафоҳум ба имзо расониданд
Маҳсулоти кишоварзии Тоҷикистон бо сифати аъло дар бозорҳои хориҷӣ мавқеи муносиб пайдо кардааст
Дар Душанбе Форуми байналмилалии «Сайёҳии устувор ва мероси фарҳангӣ» оғоз гардид
Дар Душанбе истифодаи таҷрибаи пешқадами байналмилалӣ дар соҳаи кишоварзӣ баррасӣ гардид
Дар Душанбе ҷаласаи 10-уми Гурӯҳи кории махсуси СҲШ оид ба мусоидат ба сармоягузорӣ доир гардид
Дар вилояти Суғд зеристгоҳи барқии «Ёва» бо иқтидори 110/35/10 кВ ба истифода дода мешавад
820 иншооти гуногун ба маблағи беш аз 1 миллиард сомонӣ дар шаҳри Ваҳдат ба истифода дода шуд
