Дар Муассисаи давлатии таҳсилот ва омӯзиши амалии Давлати Кувайт гӯшаи фарҳангии Тоҷикистон ташкил карда шуд
ДУШАНБЕ, 12.02.2026 /АМИТ «Ховар»/. 11 феврал дар Муассисаи давлатии таҳсилот ва омӯзиши амалии Давлати Кувайт бахшида ба Рӯзи миллии Давлати Кувайт чорабинии бошукуҳи фарҳангӣ баргузор гардид. Ин ҳамоиш бо иштироки намояндагони миллатҳои гуногун доир шуда, ба таҳкими робитаҳои фарҳангӣ байни кишварҳо мусоидат намуд.
Тавре ба АМИТ «Ховар» аз Сафорати Ҷумҳурии Тоҷикистон дар Давлати Кувайт хабар доданд, дар чорабинӣ донишҷӯёни тоҷик низ иштироки фаъолона намуда, бо дастгирии Сафорат гӯшаи фарҳангии Ҷумҳурии Тоҷикистон ташкил карданд. Дар ин гӯша намунаҳои ҳунарҳои мардумӣ, аз қабили чакандӯзӣ, сӯзанидӯзӣ ва дигар армуғонҳои миллӣ ба намоиш гузошта шуданд. Ҳамзамон китобчаҳои роҳнамои сайёҳӣ, ки имконияти сайёҳии мамлакатро муаррифӣ менамоянд, пешниҳоди меҳмонон гардонида шуданд.
Зимнан анвои гуногуни шириниҳо ва таомҳои миллии тоҷикӣ, ки таҷассумгари фарҳанги ғанӣ ва меҳмоннавозии мардуми тоҷик мебошанд, ба ҳозирин пешкаш гардиданд. Тавассути ин барнома донишҷӯён тавонистанд фарҳанг, анъана ва суннатҳои миллиро ба намояндагони кишварҳои дигар муаррифӣ намуда, симои воқеии Тоҷикистони соҳибистиқлолро ҳамчун мамлакати дорои таърихи бостонӣ ва фарҳанги пурғановат нишон диҳанд.
АКС: Сафорати Ҷумҳурии Тоҷикистон дар Давлати Кувайт
Ҳамкории Тоҷикистон ва Олмон дар қолаби ҳамкории бисёрҷониба баррасӣ гардид
Маҷмаи Умумии Созмони Милали Муттаҳид оид ба ҷузъиёти баргузории Конфронси оби СММ-2028 дар Душанбе қатънома қабул намуд
Барномаи кишварии ЮНИСЕФ барои Тоҷикистон барои солҳои 2027-2030 қабул шуд
Дар Олмон зарфияти иқтисодию сайёҳӣ ва мероси фарҳангии Тоҷикистон муаррифӣ гардид
Дар Теҳрон ба муносибати 35-солагии Истиқлоли давлатии Тоҷикистон нишасти матбуотӣ доир шуд
АЗ ИСТИҚЛОЛИ ДАВЛАТӢ ТО ТАШАККУЛИ РӮЗНОМАИ ҶАҲОНИИ ЗЕҲНИ СУНЪӢ. Андешаҳои академик Фарҳод Раҳимӣ дар ин маврид
Намояндаи доимии Тоҷикистон дар нишасти ғайринавбатии Шурои вазирони корҳои хориҷии кишварҳои аъзои СҲИ иштирок намуд
Бо ташаббуси Тоҷикистон СММ 31 августро Рӯзи байналмилалии зеҳни сунъии бехатар, ҳифзшуда ва боэътимод эълон намуд
Антониу Гутерриш: «Тоҷикистон дар пешбурди рӯзномаи байналмилалӣ оид ба масъалаҳои об ва пиряхҳо нақши пешсаф дорад»
Дар Миср ду китоб оид ба Тоҷикистон ба забони арабӣ ба нашр расид
Дар Душанбе машваратҳои сиёсӣ байни вазорати корҳои хориҷии Тоҷикистон ва Умон баргузор гардид
Сафири Тоҷикистон бо ҳамватанони бурунмарзии муқими Русия вохӯрӣ намуд
