Дар ноҳияи Мастчоҳ корхонаи истеҳсоли равғани пахта бунёд мешавад
ДУШАНБЕ, 15.02.2026 /АМИТ «Ховар»/. Дар доираи тадбирҳои созандагию бунёдкорӣ ба истиқболи ҷашни 35-солагии Истиқлоли давлатии Ҷумҳурии Тоҷикистон дар ноҳияи Мастчоҳ корхонаи нави истеҳсоли равғани пахта бунёд мегардад, хабар медиҳад АМИТ «Ховар» бо истинод ба Мақомоти иҷроияи ҳокимияти давлатии ноҳияи Мастчоҳ.
Корхона бо ташаббуси соҳибкори маҳаллӣ Абдусаттор Қурбонов сохта шуда, иқтидори лоиҳавии иншоот дар як шабонарӯз коркарди 50 тонна чигит ва истеҳсоли 6 тонна равғанро ташкил медиҳад. Дар маҷмуъ, тибқи лоиҳа корхона давоми сол беш аз 2 ҳазор тонна равған истеҳсол хоҳад кард.
Корҳои сохтмонии бинои асосии корхона ба анҷом расида, ҳоло дар қисматҳои дигари иншоот корҳои сохтмонӣ тибқи нақша идома доранд.
Таҷҳизоти корхона аз Чин ворид гардида, хати истеҳсоли равған аз коргоҳҳои равғантозакунӣ, омода намудани зарфҳои пластикӣ ва бастубанд иборат мебошад. Маҳсулоти тайёр мутобиқи талаботи стандартӣ дар зарфҳои пластикии ҳаҷмашон 1, 2, 3 ва 5 литр бастубанд карда мешавад.
Бо ба истифода додани корхонаи нав зиёда аз 15 сокини маҳаллӣ бо ҷойи кори доимӣ таъмин мегардад.
Ҳоло дар ноҳия ду корхонаи истеҳсоли равғани растанӣ фаъолият мебарад, ки давоми соли 2025 зиёда аз 129 тонна равған истеҳсол намуданд.
АКС: Мақомоти иҷроияи ҳокимияти давлатии ноҳияи Мастчоҳ
«ОФТОБ ДАР ХУРРАМЗАМИН». Таҳти чунин унвон бахшида ба 35-солагии Истиқлолияти давлатӣ китоби нав ба нашр расид
«ТОҶИКИСТОН — КИШВАРИ ЁДГОРИҲОИ НОДИР». Дар Италия намоиши шоҳкорҳои беназири мероси таърихию фарҳангии Тоҷикистон доир мегардад
35-СОЛАГИИ ИСТИҚЛОЛИ ДАВЛАТӢ. Дар шаҳри Душанбе беш аз 6500 иншоот бунёду навсозӣ гардидааст
Дар Душанбе рӯзҳои фарҳанги шаҳри Роғун, ноҳияҳои Шамсиддин Шоҳин, Тоҷикобод, Нуробод, Муъминобод ва Варзоб баргузор мегарданд
35-СОЛАГИИ ИСТИҚЛОЛИ ДАВЛАТӢ. Дар Панҷакент 40 бинои баландошёна ба истифода дода мешавад
Китоби Пешвои миллат Эмомалӣ Раҳмон таҳти унвони «Ҳизби Халқии Демократии Тоҷикистон ва марҳилаҳои рушди Тоҷикистони соҳибистиқлол» рӯнамоӣ гардид
САНОАТ — МУҲАРРИКИ РУШДИ ИҚТИСОДӢ. Тоҷикистон 35-солагии Истиқлоли давлатиро бо эътимоди комил, суботи сиёсӣ ва сиёсати равшани саноатӣ истиқбол менамояд
35-СОЛАГИИ ИСТИҚЛОЛИ ДАВЛАТӢ. Дар вилояти Суғд сохтмони иншооти иҷтимоӣ вусъат меёбад
ҶДММ «Ганҷи Панҷ» дар як сол имкони қабул ва коркарди то 20 ҳазор тонна пахтаро дорад
35-СОЛАГИИ ИСТИҚЛОЛИ ДАВЛАТӢ. Дар шаҳри Хуҷанд сохтмони бинои шуъбаи Вазорати корҳои дохилӣ оғоз шуд
НИШАСТИ МАТБУОТӢ. Осорхонаи таърихии Донишкадаи давлатии фарҳанг ва санъати Тоҷикистон таъсис дода шуд
Ҳавопаймои нави «Boeing 737-8 MAX»-и «Сомон Эйр» дар Душанбе муаррифӣ гардид
