Дар Суғд соҳаи моҳипарварӣ рушд намудааст
ДУШАНБЕ, 22.02.2026 /АМИТ «Ховар»/. Дар доираи татбиқи «Барномаи маҷмуавии рушди соҳаҳои чорводорӣ, парандапарварӣ, моҳипарварӣ ва занбӯриасалпарварӣ барои солҳои 2023–2027» дар вилояти Суғд, ки дорои захираҳои фаровони обӣ ва иқлими мусоид мебошад, солҳои охир парвариши моҳӣ дар шаҳру ноҳияҳо рушд меёбад, иттилоъ медиҳад АМИТ «Ховар» бо истинод ба хадамоти матбуоти Раиси вилояти Суғд.
Аз ҷумла, дар хоҷагии моҳипарварии Ҷамъияти дорои масъулияти маҳдуди «Технологияи сохтмон» -и ноҳияи Шаҳристон, воқеъ дар мавзеи Чилҳуҷраи ноҳия дар 2 гектар ҳавзҳои моҳипарварӣ ташкил гардида, дар онҳо парвариши моҳии навъи форел ба роҳ монда мешавад.
Обу иқлими ноҳияи Шаҳристон барои парвариши моҳии форел бисёр мувофиқ буда, ташкили чунин ҳавзҳо барои рушди соҳаи сердаромади моҳипарварӣ заминаи воқеӣ фароҳам меорад.
Роҳбарияти вилояти Суғд зимни боздид дастур дод, ки дар баробари таъсиси ҳавзҳои моҳипарварӣ барои ташкили ошхонаҳои замонавӣ ва коркарди маҳсулоти моҳӣ тадбирҳои иловагӣ андешида шаванд.
Ҳоло дар шаҳру ноҳияҳои Хуҷанд, Бобоҷон Ғафуров, Ашт, Ҷаббор Расулов, Конибодом, Спитамен, Истиқлол, Исфара, Панҷакент ва дигар минтақаҳои вилояти Суғд даҳҳо хоҷагии моҳипарварӣ фаъолият доранд.
Натиҷаҳои татбиқи «Барномаи маҷмуавии рушди соҳаҳои чорводорӣ, парандапарварӣ, моҳипарварӣ ва занбӯриасалпарварӣ барои солҳои 2023–2027» на танҳо ба рушди соҳаи моҳипарварӣ дар вилоят такон бахшиданд, балки ҳаҷми истеҳсоли гӯшти моҳӣ нисбат ба солҳои қаблӣ ба таври назаррас афзоиш ёфта, таъмини аҳолӣ бо маҳсулоти хушсифати ватанӣ беҳтар гардидааст. Рушди соҳа ҳамзамон ба таъсиси ҷойи нави кор мусоидат намуда, сатҳи зиндагии аҳолиро боло мебарад ва вобастагии бозорро аз маҳсулоти воридотӣ коҳиш медиҳад.
Дар ноҳияи Ҷаббор Расулов хоҷагии моҳипарварии «Гулмоҳии Суғд» низ фаъолият дорад, ки яке аз хоҷагиҳои намунавии моҳипарварӣ дар вилоят мебошад. Бояд таъкид кард, ки дар айни замон дар вилоят 68 хоҷагии моҳипарварӣ фаъолият дошта, дар 38 хоҷагӣ дар 406 гектар беш аз даҳ навъи моҳӣ, аз ҷумла суфмоҳӣ, тосмоҳӣ, сазан, зағорамоҳӣ, пешонағафс, амури сафед ва дигар навъҳо парвариш меёбанд.
АКС: Хадамоти матбуоти Раиси вилояти Суғд
ГУЛБАСТ — МАТОЕ БО САНЪАТИ НОДИР. Он воқеан ҳам либоси зебо ва миллӣ аст
«Ҳар як давлат, сарфи назар аз сатҳи рушди иқтисодӣ бояд дар ҳифзи криосфера саҳми фаъол гузорад», — бардошт аз конфронс дар Душанбе
21 МАРТ — РӮЗИ БАЙНАЛМИЛАЛИИ ҲИФЗИ ПИРЯҲО. Пиряхҳои Тоҷикистон манбаи бузурги оби дарёҳои Осиёи Марказӣ ба шумор мераванд
Имрӯз дар Тоҷикистон ҳавои тағйирёбанда пешгӯӣ мешавад
«ҲАМАҶО АНҶУМАНИ НАВРӮЗ АСТ». Аз 21 то 25 март дар шаҳру ноҳияҳои Хатлон барномаҳои идона доир мегарданд
Кордсозӣ чун рамзи маҳорати ҳунармандони тоҷик то имрӯз ҳифз гардидааст
Филмҳо ва шабакаҳои телевизионӣ – бе пардохти иловагӣ ва сарфи трафик
Имрӯз дар Тоҷикистон ҳавои абрнок пешгӯӣ мешавад
Наврӯз рамзи эҳёи табиат, фарҳанги миллӣ ва неруи созанда дар таҳкими сулҳи ҷаҳонӣ аст
Имрӯз дар Тоҷикистон ҳавои тағйирёбандаи бебориш пешгӯӣ мешавад
НАВРӮЗИ ФАЙЗРЕЗ. Ин ҷашн дар таълифоти Абурайҳони Берунӣ ҷойгоҳ ва мақоми хосса дорад
Имрӯз дар ноҳияҳои алоҳидаи кӯҳии Тоҷикистон борони кӯтоҳмуддат меборад
