Дар Вазорати корҳои дохилӣ ба муносибати Рӯзи таъсиси Қувваҳои Мусаллаҳи Тоҷикистон ҳамоиш доир шуд
ДУШАНБЕ, 23.02.2026 /АМИТ «Ховар»/. 23 феврал дар Вазорати корҳои дохилии Ҷумҳурии Тоҷикистон бахшида ба Рӯзи таъсиси Қувваҳои Мусаллаҳи Ҷумҳурии Тоҷикистон бо шукуҳу шаҳомати хосса ҳамоиши тантанавӣ баргузор гардид. Дар ин хусус ба АМИТ «Ховар» аз ин вазорат хабар доданд.
Зимни ҳамоиш Вазири корҳои дохилӣ Рамазон Раҳимзода аз каҳрамонию шуҷоати ҷавонмардонаи сарбозону афсарони Артиши миллӣ ёдовар шуд. Иброз гардид, ки Кувваҳои Мусаллаҳи мамлакат аз рӯзҳои аввали таъсис, бо вуҷуди мавҷудияти мушкилоти иқтисодӣ-иҷтимоӣ, норасоии техникӣ, набудани шароити моддӣ-маишӣ ва иншооти хизматрасонӣ тавонистанд масъулияти ба зиммадоштаашонро сарбаландона иҷро намоянд.
Баён гардид, ки сол аз сол шароити хизмат дар қисмҳои ҳарбӣ бехтар мегардад. Аз ҷумла, дар қӯшунҳои дохилии Вазорати корҳои дохилии Ҷумҳурии Тоҷикистон шароиту имконияти хизмат барои сарбозон куллан тағйир ёфтааст.
Иттилоъ дода шуд, ки давоми чанд соли охир бино ва иншооти маъмурию хизматрасонии қисму воҳидҳои қӯшунҳои дохилӣ бунёд ва навсозӣ гардид. Барои беҳдошти фаъолияти хизматӣ, истироҳату фароғат ва вазъи моддӣ-маишӣ шароити мусоид фароҳам оварда шуд.
Таъкид гардид, ки сарбозони далери қӯшунҳои дохилии Вазорати корҳои дохилӣ ба савганди ҳарбӣ ҳамеша содиқ буда, рисолати фарзандии худро дар назди Ватан – Модар ва халқу давлати хеш бо сарбаландӣ адо менамоянд. Онҳо донишу таҷриба, малакаву маҳорати худро ба ҳифзи дастовардҳои Истиқлолияти давлатии Тоҷикистони равона месозанд.
Дар охир як зумра сарбозону афсарон бо Сипоснома, Ифтихорнома, нишонҳои сарисинагӣ, медал ва рутбаҳои навбатӣ сарфароз гардонида шуданд.
АКС: Вазорати корҳои дохилии Ҷумҳурии Тоҷикистон
Даъвати тирамоҳии шаҳрвандони солҳои таваллуди 1999-2008 ба хизмати ҳарбӣ аз моҳи октябр оғоз мегардад
БА ИСТИҚБОЛИ 35-СОЛАГИИ ИСТИҚЛОЛИ ДАВЛАТИИ ҶУМҲУРИИ ТОҶИКИСТОН. Миллати тоҷбарсар ва Сарвари тамаддунофар
ПЕШВОИ МИЛЛАТ — ПУШТИБОНУ ҒАМХОРИ ЯТИМОН. Мулоҳизаҳо дар ин маврид
«Нозирони навраси ҳаракат»-и Тоҷикистон дар озмуни байналмилалӣ соҳиби ҷойи якум гардиданд
Бахшида ба ҷашни Истиқлоли давлатӣ бо иштироки кормандзанони мақомоти корҳои дохилӣ ҳамоиши идона доир гардид
Амнияти киберӣ яке аз муҳимтарин унсурҳои амнияти миллии Тоҷикистон мебошад
Ҳайати Тоҷикистон дар вохӯрии сеюми «Шабакаи занон GLO.ACT» иштирок менамояд
Дар ноҳияи Рӯдакӣ оид ба нақши шаҳрвандон дар таҳкими Истиқлоли давлатӣ ва ваҳдати миллӣ мулоқот доир гардид
«SOS». Барномаи мобилие, ки дар ҳолатҳои фавқулода ба шаҳрвандон кумак мерасонад
Тоҷикистон ва шарикони минтақавию байналмилалӣ ҳамкориро дар самти идоракунии хавфҳои иқлимӣ тақвият медиҳанд
Ҷаласаи Кумитаи роҳбарикунандаи Барномаи муштараки «Тағйир додани низоми озуқаворӣ барои беҳтар намудани ғизо дар Тоҷикистон» доир шуд
ОГОҲӢ! Аз 5 то 7 август дар баъзе минтақаҳои Тоҷикистон сар задани сел пешгӯӣ мешавад
