Дар Ёвон оид ба нақши волидайн ва омузгор дар таҳкими фарҳанги тарбия ва худшиносии фарзандон ҳамоиш доир шуд
ДУШАНБЕ, 07.02.2026 /АМИТ «Ховар»/. Бо ташаббуси Кумитаи иҷроияи Ҳаракати ваҳдати миллӣ ва эҳёи Тоҷикистон дар доираи нақшаи фаъолияти ҳаракат барои соли 2026 бо иштироки хонандагону омӯзгорони Литсейи давлатии №1 ба номи Муҳаммад Олим ва сокинони ҷамоатҳои деҳоти Даҳана, Обшорон, Чоргул, Ситораи Сурх, Ҳасан Ҳусейнов ва Гулсара Юсуфоваи ноҳияи Ёвон дар мавзуи «Нақши волидайн ва омӯзгор дар таҳкими фарҳанги тарбия, худогоҳию худшиносии миллии фарзандон» ҳамоиш баргузор гардид. Дар ин хусус АМИТ «Ховар» бо истинод ба Кумитаи иҷроияи Ҳаракати ваҳдати миллӣ ва эҳёи Тоҷикистон хабар медиҳад.
Дар ҳамоиш Вазири корҳои дохилии ҷумҳурӣ Рамазон Раҳимзода, Раиси Кумитаи иҷроияи Ҳаракати ваҳдати миллӣ ва эҳёи Тоҷикистон Рудобаи Мукаррам, муовини Раиси вилояти Хатлон Абдулло Раҳмонзода ва дигарон сухан гуфтанд.
Иброз гардид, ки чунин ҳамоишҳо барои баланд бардоштани ҳисси миллӣ, ваҳдат, сулҳу дӯстӣ ва таҳкими ҳамгироии мардум муҳим мебошанд. Таъкид гардид, ки маҳз бо шарофати сиёсати Пешвои миллат муҳтарам Эмомалӣ Раҳмон, баракати сулҳу суботи сиёсӣ ва ваҳдати миллӣ мардуми Тоҷикистон имрӯз дар фазои суботу оромӣ зиндагӣ намуда, дар раванди бунёдкорӣ қадамҳои устувор мегузоранд.
Иштирокдорони ҳамоиш доир ба хатарҳои замони муосир, равандҳои ҷаҳонишавӣ, вазъи минтақавӣ ва байналмилалӣ, риояи қонунҳои миллӣ, пешгирии ҳамроҳшавии ҷавонон ба ҳизбу ҳаракатҳои ифротӣ, мубориза бо хурофот ва ҷаҳолат, тарбияи насли наврас дар руҳияи ватандӯстӣ ва меҳанпарастӣ ибрози назар намуданд. Таъкид гардид, ки ҳамкории пайвастаи оила, мактаб ва волидайн омили асосии ташаккули оилаи солим ва ҷомеаи солим мебошад.
Ҳамзамон гуфта шуд, ки ҷаҳони муосир ба тафаккури кушод, фарҳанги ҳамдигарфаҳмӣ ва масъулияти иҷтимоӣ ниёз дорад. Омузгорон бояд муҳите фароҳам оранд, ки дар он хонандагон арзишҳои миллӣ, эҳтироми мутақобил ва иродаи созандаро дар ниҳоди худ ташаккул диҳанд.
Дар анҷом ба зиёда аз 600 нафар хонандагону омузгорони Литсейи давлатии №1 туҳфаҳои Раиси Ҳаракати ваҳдати миллӣ ва эҳёи Тоҷикистон муҳтарам Эмомалӣ Раҳмон тақдим гардиданд.
АКС: Кумитаи иҷроияи Ҳаракати ваҳдати миллӣ ва эҳёи Тоҷикистон
Дар Душанбе маъракаи хунсупории шаҳрвандон доир гардид
Байни Кумита оид ба таҳсилоти ибтидоӣ ва миёнаи касбии Тоҷикистон ва Ташкилоти ғайридавлатии «Good Neighbors» Ёддошти тафоҳуми ҳамкорӣ ба имзо расид
Дар Чин дастовардҳои Тоҷикистон дар самти ҳуқуқи инсон муаррифӣ гардиданд
Дар Тоҷикистон беморони диабети қанд метавонанд инсулини ройгон дастрас намоянд
Иштирокдорони Форуми байналмилалии ҳизбҳои сиёсӣ дараи Алмосӣ ва Қалъаи Ҳисорро тамошо карданд
Форуми байналмилалии ҳизбҳои сиёсӣ зери унвони «Ҳизбҳои сиёсӣ ва уфуқҳои нави ҳамкорӣ» доир гардид
АБУАЛӢ ИБНИ СИНО — МУТАФАККИРИ БУЗУРГИ ШАРҚ, ФАРЗАНДИ ФАРЗОНАИ ХАЛҚИ ТОҶИК. Андешаҳои академик Фарҳод Раҳимӣ дар ин мавзуъ
Оқибатҳои офатҳои табиӣ дар мавзеъҳои хатарноки роҳҳои минтақаи Рашт бартараф карда шуданд
Табибони тоҷик дар Туркия малакаи касбиии худро такмил медиҳанд
Байни Ҳизби Халқии Демократии Тоҷикистон ва Ҳизби «Белая Рус» Меморандум оид ба ҳамкорӣ ба имзо расид
БОЗТОБИ ТАЪСИСИ ҶОИЗАИ АБУАЛӢ ИБНИ СИНО. Расонаҳои мисрӣ дар ин хусус гузоришу мақолаҳо ба нашр расониданд
Соли 2030 дар ҳудуди Тоҷикистон баруйхатгирии аҳолӣ ва фонди манзил гузаронида мешавад
