Дастаи мунтахаби наврасони Тоҷикистон (U-16) оид ба футбол дар «Ҷоми рушд-2026» ҷойи панҷумро соҳиб гардид

ДУШАНБЕ, 24.02.2026 /АМИТ «Ховар»/. Дастаи мунтахаби наврасони то 16-солаи Тоҷикистон оид ба футбол дар мусобиқаи байналмилалии «Ҷоми рушд-2026», ки дар шаҳри Минск баргузор шуд, зинаи панҷумро соҳиб шуд.

Тавре ба АМИТ «Ховар» аз Федератсияи футболи Тоҷикистон хабар доданд, дар марҳилаи гурӯҳии мусобиқа наврасони Тоҷикистон дастаи Минскро (1:0) мағлуб карда, аз тимҳои Беларус (1:6) ва Қазоқистон (1:3) шикаст хӯрд. Дар рақобат барои ҷойи панҷум дастаи мунтахаби наврасони то 16-солаи Тоҷикистон бар дастаи Озарбойҷон (U-17) бо ҳисоби 1:0 ғолиб шуд.

Иштирок дар «Ҷоми рушд-2026» ба дастаи наврасони то 16-солаи Тоҷикистон имкон дод, ки таҷрибаи байналмилалӣ касб карда, малакаашро рушд ва омодагиро ба мусобиқаҳои расмии дарпешистода идома диҳанд.

АКС: Федератсияи футболи Тоҷикистон