Рушди ҳамкории Донишгоҳи байналмилалии сайёҳӣ ва соҳибкории Тоҷикистон ва Ассотсиатсияи донишгоҳҳои Британияи Кабир баррасӣ гардид
ДУШАНБЕ, 03.02.2026 /АМИТ «Ховар»/. Масоили мубрами ҳамкорӣ, аз ҷумла рушди табодули академии донишҷӯёну омӯзгорон, ташкили таҷрибаомӯзӣ, такмили ихтисоси ҳайати профессорию омӯзгорӣ, ҷалби мутахассисон барои баргузории машғулият ва семинарҳои омӯзишӣ ва татбиқи лоиҳаҳои муштарак бо муассисаю ташкилоти Британияи Кабир дар мулоқоти Ректори Донишгоҳи байналмилалии сайёҳӣ ва соҳибкории Тоҷикистон Убайдулло Асрорзода бо Сафири Фавқулода ва Мухтори Подшоҳии Муттаҳидаи Британияи Кабир дар Ҷумҳурии Тоҷикистон хонум Кэтрин Смиттон баррасӣ гардид. Дар ин хусус АМИТ «Ховар» бо истинод ба Донишгоҳи байналмилалии сайёҳӣ ва соҳибкории Тоҷикистон иттилоъ медиҳад.
Дар мулоқот муҳиммияти имзои Созишномаи ҳамкорӣ бо Ассотсиатсияи донишгоҳҳои Британияи Кабир — NCUK таъкид гардида, иттилоъ дода шуд, ки донишгоҳ барои гузаштан аз аккредитатсияи байналмилалии барномавӣ ва ниҳодӣ ба QAA дархост пешниҳод намудааст, ки баргузории он соли 2026 дар назар аст.
Сафир бо самтҳои асосии «Стратегияи рушди донишгоҳ барои давраи то соли 2040» шинос гардида, ҷонибҳо барои густариши минбаъдаи ҳамкорӣ ва татбиқи марҳилавии ташаббусҳои муштарак дар доираи санадҳои меъёрии ҳуқуқии амалкунанда изҳори омодагӣ намуданд.
Убайдулло Асрорзода бо истифода аз фурсат хонум Кэтрин Смиттонро даъват намуд, ки барои даъвати ректорони муассисаҳои таҳсилоти олии касбии Британияи Кабир, роҳбарону намояндагони созмонҳо ва сармоягузорон бобати иштирок дар Форуми байналмилалии «Ҳамкорӣ ба хотири рушди устувор: Сабз. Рақамӣ. Ҳушманд”, ки бо дастгирии Ҳукумати Ҷумҳурии Тоҷикистон соли 2026 дар Душанбе баргузор мегардад, мусоидат намояд.
Сафири Британияи Кабир ҳамчунин бо фаъолияти воҳидҳои сохтории донишгоҳ, студияи таълимӣ, маркази «Дипломатияи сабз», марказҳои забономӯзӣ, маркази идораи лоиҳаҳо, инфрасохтори рақамӣ ва пойгоҳи муосири омодасозии кадрҳои баландихтисос шинос гардид.
АКС: Донишгоҳи байналмилалии сайёҳӣ ва соҳибкории Тоҷикистон
Президенти Тоҷикистон: «Вилояти Мухтори Кӯҳистони Бадахшон бо мардуми меҳмоннавоз ва имконоти васеи сайёҳӣ маҳбубияти зиёд дорад»
МАНЗАРАҲОИ ҶОЛИБИ ТОҶИКИСТОН — САРВАТИ БУЗУРГИ САЙЁҲӢ. Эҳдо ба Рӯзи ҷаҳонии сайёҳӣ
27 СЕНТЯБР — РӮЗИ ҶАҲОНИИ САЙЁҲӢ. Дар Тоҷикистон барои рушди сайёҳии дохилию байналмилалӣ тадбирҳои муассир андешида мешаванд
РУШДИ СОҲАИ САЙЁҲӢ. Хостел ва мотел аз ҳамдигар чӣ фарқ доранд?
Дар Намоишгоҳи байналмилалии сайёҳии Душанбе – 2026 зиёда аз 115 ширкату ташкилот иштирок доранд
Намоишгоҳи байналмилалии сайёҳии Душанбе-2026 оғоз гардид
ҲАМГИРОИИ ШАҲРҲО ДАР ТАТБИҚИ ИМКОНОТИ САЙЁҲИИ УСТУВОР. Дар Душанбе форуми байналмилалӣ доир гардид
Ҷаласаи Шуро оид ба сайёҳии давлатҳои аъзои ИДМ баргузор шуд
Дар Душанбе форум ва намоишгоҳи байналмилалии сайёҳӣ доир мегардад
Кумитаи рушди сайёҳӣ барои рушди соҳа ва тарғиби имконоти сайёҳии Тоҷикистон озмун эълон намуд
САЙЁҲИИ РАҚАМӢ. Дар Душанбе лоиҳаи замимаи мобилии «Ватан» муаррифӣ гардид
Имконоти сайёҳӣ ва ҳунарҳои миллии Тоҷикистон дар шаҳри Тула муаррифӣ гардид
