Иқтидору имконияти сармоягузории Тоҷикистон дар Форуми B5+1 дар Бишкек муаррифӣ гардид
ДУШАНБЕ, 06.02.2026 /АМИТ «Ховар»/. Дар Бишкек Форуми B5+1 баргузор гардид, ки зимни ифтитоҳи он Раиси Кумитаи давлатии сармоягузорӣ ва идораи амволи давлатии Ҷумҳурии Тоҷикистон Султон Раҳимзода сухан намуд. Раиси кумита ҳавасмандии давлатҳои Осиёи Марказӣ ва Иёлоти Муттаҳидаи Амрикоро барои ҳамкории зич ва самараноктар таъкид намуда, инчунин самаранокии қолаби C5+1-ро ҳамчун платформаи ҳамкории амалӣ арзёбӣ кард.
АМИТ «Ховар» бо истинод ба Кумитаи давлатии сармоягузорӣ ва идораи амволи давлатии Ҷумҳурии Тоҷикистон иттилоъ медиҳад, ки дар форум намояндагони мақомоти давлатӣ, доираҳои соҳибкорӣ ва ташкилоти байналмилалии кишварҳои Осиёи Марказӣ ва Амрико иштирок намуданд.
Форуми B5+1 ба масъалаҳои беҳтар намудани муҳити соҳибкорӣ дар кишварҳои Осиёи Марказӣ ва густариши ҳамкорӣ байни соҳибкорони Иёлоти Муттаҳидаи Амрико ва давлатҳои минтақа бахшида шуд.
Таъкид гардид, ки Саммити «Осиёи Марказӣ – Амрико» ва конфронси соҳибкорие, ки дар доираи он моҳи ноябри соли 2025 дар шаҳри Вашингтон баргузор шуд, ба рушди ҳамкории тиҷоратӣ-иқтисодӣ ва сармоягузорӣ такони нав бахшиданд.
Султон Раҳимзода инчунин ба иқтидори сармоягузории Ҷумҳурии Тоҷикистон, тадбирҳои амалишаванда барои беҳтар намудани муҳити соҳибкорӣ, рушди иқтисоди «сабз», энергетика ва технологияҳои рақамӣ, ҳавасмандии мамлакат ба густариши ҳамкорӣ бо ширкатҳои амрикоӣ ишора намуд.
Кори форуми B5+1 дар шакли ҷаласаҳои панелӣ ва муҳокимаҳои мавзуӣ идома ёфт.
АКС: Кумитаи давлатии сармоягузорӣ ва идораи амволи давлатии Ҷумҳурии Тоҷикистон
Дар Вазорати рушди иқтисод ва савдои Тоҷикистон рақамикунонии бизнес-равандҳо оғоз гардид
ЭНЕРГИЯИ «САБЗ». Дар корхонаҳои саноатӣ ва дигар иншооти вилояти Хатлон панелҳои офтобӣ насб карда мешаванд
НИШАСТИ МАТБУОТӢ. Дар Бадахшон дар шаш моҳ 25 корхонаю коргоҳи истеҳсолӣ ба истифода дода шуд
«НАҚЛИЁТИ «ҲУШМАНД»». Дар Душанбе ҷаласаи гурӯҳи кории татбиқи лоиҳаи рушди ин намуди нақлиёт баргузор гардид
Сохтмони зеристгоҳи барқии 110/10 кВ-и Варзишгоҳи миллӣ босуръат идома дорад
Дар нахустин Форуми маъданҳои муҳими Тоҷикистону Корея дар Сеул иқтидори маъдании Тоҷикистон муаррифӣ гардид
«КАРТОТЕКА». Вазорати нақлиёти Тоҷикистон ба низоми нави рақамии баҳисобгирии маблағу воситаҳо мегузарад
Дар шаш моҳ беш аз 930 ҳазор сайёҳи дохилию хориҷӣ мавзеъҳои сайёҳии Хатлонро тамошо намуданд
НИШАСТИ МАТБУОТӢ. Дар ноҳияи Лахш дар 8061 гектар зироати кишоварзӣ кишт карда шуд
Дар Душанбе нахустин Форум ва намоишгоҳи байналмилалии саноати хӯрокворӣ—«Тоҷикистон-2026» доир мегардад
Дар доираи Форуми маъданҳои муҳими Тоҷикистону Корея дар Сеул ҳайатҳои ду давлат вохӯрӣ анҷом доданд
Дар Хатлон ҳаҷми маҳсулоти кишоварзӣ ба беш аз 17,1 миллиард сомонӣ расонида шуд
