НИШАСТИ МАТБУОТӢ. Соли 2025 лоиҳаҳои грантии 200 зани соҳибкору ҳунарманд дастгирӣ ёфт
ДУШАНБЕ, 05.02.2026 /АМИТ «Ховар»/. Соли 2025 аз ҷониби занони ҳунарманду соҳибкори мамлакат 606 лоиҳаи грантӣ ворид гардид, ки аз ин теъдод 200 лоиҳаи мақсаднок ба маблағи 15 миллион сомонӣ дастгирӣ ёфт. Дар ин хусус Раиси Кумита кор бо занон ва оилаи назди Ҳукумати Ҷумҳурии Тоҷикистон Бунафша Файзиддинзода 5 феврал зимни нишасти матбуотӣ ба хабарнигорон иттилоъ дод.
Таъкид гардид, ки бо мақсади дастгирӣ ва рушди соҳибкории занон Қарори Ҳукумати Ҷумҳурии Тоҷикистон «Дар бораи грантҳои Президенти Ҷумҳурии Тоҷикистон ҷиҳати дастгирӣ ва рушди фаъолияти соҳибкории занон барои солҳои 2025-2030» тасдиқ гардид. Дар ин замина маблағи гранти президентӣ аз 5 миллион ба 15 миллион сомонӣ ва теъдоди лоиҳаҳо аз 120 ба 200 адад зиёд карда шуд.
Иброз гардид, ки бо ибтикори занони ҳунарманду соҳибкори гирандаи грантҳои президентӣ дар шаҳру ноҳияҳои мамлакат даҳҳо марказҳои ҳунармандӣ ва коргоҳҳои дӯзандагӣ таъсис ёфта, таҳти роҳбарии занони боистеъдод фаъолият мебаранд.
Пешвои миллат муҳтарам Эмомалӣ Раҳмон зимни суханрониҳояшон иброз менамоянд, ки «дар сиёсати иҷтимоии давлату Ҳукумати Тоҷикистон ба масъалаи баланд бардоштани мақоми занону духтарон дар ҳаёти ҷомеа диққати ҷиддӣ дода мешавад. Дар натиҷаи дастгириҳои мазкур сафи занон дар вазифаҳои роҳбарикунанда рӯз то рӯз меафзояд».
Раиси Кумитаи кор бо занон ва оила иброз дошт, ки соли 2025 дар доираи татбиқи «Барномаи давлатии мусоидат ба шуғли аҳолии Ҷумҳурии Тоҷикистон барои солҳои 2023-2027» аз ҷониби Агентии меҳнат, муҳоҷират ва шуғли аҳолӣ аз шумораи умумии 74 ҳазору 276 нафар занони муроҷиатнамуда 35 ҳазору 629 нафар бо ҷойи кори доимӣ таъмин шуда, 16 ҳазору 240 нафар ба касбомӯзӣ фаро гирифта шуд.
Моҳинави НАВРӮЗ,
АМИТ «Ховар»
АКС: АМИТ «Ховар»
Рафти татбиқи Стратегияи рушди ҳифзи иҷтимоии аҳолии Ҷумҳурии Тоҷикистон барои давраи то соли 2040 натиҷагирӣ карда шуд
Дар Душанбе доир ба саҳми шоистаи Абуалӣ ибни Сино дар илми тиб конференсия баргузор гардид
Муовини Сарвазири Тоҷикистон бо ҷараёни сохтмони иншооти соҳаи маорифу тандурустӣ дар шаҳри Ҳисор шинос шуд
Дар вилояти Суғд бахшида ба Рӯзи кормандони соҳаи тиб ҳамоиш доир гардид
Дар Хуҷанд даври шаҳрии Озмуни ҷумҳуриявии «Беҳтарин хизматчии давлатӣ аз ҳисоби занон» доир шуд
ИСТИҚЛОЛ ВА ФАРДОИ ДУРАХШОНИ ВАТАН. Доир ба он ҳамоиши ҷумҳуриявӣ баргузор шуд
12 АВГУСТ — РӮЗИ БАЙНАЛМИЛАЛИИ ҶАВОНОН. Беш аз 1700 нафар ҷавонони Тоҷикистон дар вазифаҳои роҳбарӣ фаъолият доранд
ПУРСИДЕД, ҶАВОБ МЕДИҲЕМ. Дар кадом ҳолатҳо муҳоҷирон ба рӯйхати шахсони назоратшаванда ворид мешаванд?
Ҳамкории Маркази тадқиқоти стратегии Тоҷикистон бо Раёсати нашр ва паҳнкунии адабиёт бо забонҳои хориҷии Чин густариш меёбад
Таъсиси маркази касбомӯзӣ ва омӯзиши забонҳои арабӣ ва англисӣ барои муҳоҷирони меҳнатӣ баррасӣ шуд
Истифодаи барномаи «Амина» барои шаҳрвандони хориҷие, ки ба Русия бе раводид ворид мешаванд, ҳатмӣ мегардад
ТАВСИЯҲОИ МУФИД. Доир ба тарзи нави захира кардани меваҷоту сабзавот барои фасли зимистон
