НИШАСТИ МАТБУОТӢ. Барои риоя накардани танзими ҷашну маросим 1268 нафар беш аз 10 миллион сомонӣ ҷарима супориданд
ДУШАНБЕ, 12.02.2026 /АМИТ «Ховар»/. Соли 2025 барои риоя накардани Қонуни Ҷумҳурии Тоҷикистон «Дар бораи танзими ҷашну маросим дар Ҷумҳурии Тоҷикистон» нисбат ба 1297 нафар парвандаи ҳуқуқвайронкунии маъмурӣ баррасӣ гардида, аз ин шумора нисбат ба 1268 нафар ба маблағи умумии 10 миллиону 989 ҳазору 681 сомонӣ ҷарима татбиқ гардид. Дар ин хусус 12 феврал Раиси Суди Олии Ҷумҳурии Тоҷикистон Рустам Мирзозода ба хабарнигорон иттилоъ дод.
Зимни нишасти матбуотӣ гуфта шуд, ки бо мақсади пешгирии қонуншикании шаҳрвандон нисбат ба қонунҳои миллӣ аз ҷониби судяҳо пайваста корҳои фаҳмондадиҳӣ гузаронида мешаванд.
Бояд гуфт, ки қабули қонун «Дар бораи танзими анъана ва ҷашну маросим дар Ҷумҳурии Тоҷикистон» дар танзими рӯзгори мардум, аз байн бурдани хурофотпарастӣ, расму ойинҳои сунъӣ ва серхарҷ иқдоми муҳим маҳсуб мешавад. Вале аз омор маълум мегардад, ки ҳанӯз ҳам ҳолатҳои риоя нагардидани тартиби гузаронидани ҷашну маъракаҳо вуҷуд дорад.
Ҳамчунин иттилоъ дода шуд, ки соли 2025 барои риоя накардани Қонуни Ҷумҳурии Тоҷикистон «Дар бораи масъулият барои таълиму тарбияи кӯдак» 10 ҳазору 536 парвандаи ҳуқуқвайронкунии маъмурӣ баррасӣ гардида, аз ин шумора нисбат ба 8561 нафар ба маблағи умумии 6 миллиону 957 ҳазору 634 сомонӣ ҷарима таъйин гардид.
Моҳинави НАВРӮЗ,
АМИТ «Ховар»
АКС: АМИТ «Ховар»
Ҷаласаи навбатии Шурои ҳамоҳангсозӣ оид ба ҳунармандии назди Ҳукумати Ҷумҳурии Тоҷикистон доир шуд
НИШАСТИ МАТБУОТӢ. Дар Тоҷикистон қарздорӣ аз пардохти нафақа вуҷуд надорад
Бартарафсозии оқибатҳои сел дар Рӯшон таҳти назорати Ҳукумати Тоҷикистон қарор дорад
Дар нимсолаи якуми соли 2026 беш аз 40 баҳси шаҳрвандон бо ширкатҳои сохтмонӣ бо роҳи созиш ҳал гардид
Тоҷикистон ва Муғулистон ҳамкориро дар соҳаи таҳсилоти техникӣ ва касбӣ тақвият мебахшанд
НИШАСТИ МАТБУОТӢ. Судҳои Тоҷикистон дар шаш моҳи соли 2026 беш аз 80 ҳазор парвандаро баррасӣ намуданд
НИШАСТИ МАТБУОТӢ. Ба Вазорати адлия беш аз 17 ҳазор мавод оид ба масъалаҳои ҳуқуқӣ ворид гардид
ТАҲҚИҚОТИ СОТСИОЛОГӢ. Дар Тоҷикистон издивоҷи бармаҳал коҳиш ёфтааст
Агентии хизмати давлатӣ талаботи фармони Президенти Тоҷикистон «Дар бораи омӯзиши забонҳои хориҷӣ»-ро мавриди санҷиш қарор дод
Дар Тоҷикистон сомонаи сифати ҳаво фаъол гардид
Дар Тоҷикистон баландшавии ҳарорати ҳаво то 20 июл боқӣ мемонад
Ба 200 нафар занон — ғолибони лоиҳаҳои гранти президентӣ дар соли 2026 Диплом супорида шуд
