НИШАСТИ МАТБУОТӢ. Дар назди филиали Донишгоҳи давлатии Москва дар шаҳри Душанбе Шурои диссертатсионии байнидавлатӣ таъсис дода шуд
ДУШАНБЕ, 09.02.2026 /АМИТ «Ховар»/. Соли 2025 бо фармоиши Комиссияи олии аттестатсионии назди Президенти Ҷумҳурии Тоҷикистон дар назди филиали Донишгоҳи давлатии Москва ба номи М.В. Ломоносов дар шаҳри Душанбе Шурои диссертатсионии байнидавлатӣ таъсис дода шуд. Дар ин хусус имрӯз директори иҷроияи филиали Донишгоҳи давлатии Москва ба номи М.В. Ломоносов дар шаҳри Душанбе Баҳрулло Файзализода зимни нишасти матбуотӣ иттилоъ дод.
Баҳрулло Файзализода иброз намуд, ки Шурои диссертатсионии байнидавлатӣ оид ба дарёфти дараҷаи илмии доктори фалсафа (PhD)-доктор аз рӯйи ихтисосҳои геология ва ҷустуҷӯи конҳои канданиҳои фоиданок, геологияи умумӣ ва минтақавӣ, геоэкология ва идоракунии истифодаи табиат ва барои дарёфти дараҷаи илмии номзади илмҳои геологияю минералогия аз рӯйи ихтисоси илмҳои заминшиносӣ, геологияи умумӣ ва минтақавӣ ва номзади илмҳои техникӣ аз рӯйи ихтисоси геоэкология дар соҳаи илмҳои техникӣ таъсис дода шуд.
Ҳамчунин таъкид гардид, ки муҳлати фаъолияти шуро 2 сол муқаррар карда шудааст. Ба ҳайати шуро 11 нафар олимони шинохтаи Ҷумҳурии Тоҷикистон ва Федератсияи Русия дохил гардидаанд. Дар ҳолати муваффақона фаъолият намудан кори шуро ба панҷ сол гузаронида мешавад.
Дар ҷараёни нишасти матбуотӣ иттилоъ дода шуд, ки дар айни замон дар филиали Донишгоҳи давлатии Москва ба номи М.В. Ломоносов дар шаҳри Душанбе 10 озмоишгоҳ дар самти физика, химия, методҳои физикӣ-химиявии таҳлил, химияи коллоидӣ, коркарди термикии металл, химия, физика ва электрохимия, физикаи умумӣ, геология, хокшиносӣ, геологияи муҳандисӣ ва гидрогеология фаъолият менамоянд.
Фирӯза ДАВЛАТЗОДА,
АМИТ «Ховар»
АКС: АМИТ «Ховар»
Маркази миллии тестӣ натиҷаҳои озмуни тақсимоти такрории давраи сеюми имтиҳонҳои дохилшавиро эълон намуд
Дар ноҳияи Шаҳристон ба беҳтар намудани сатҳу сифати таълиму тарбия таваҷҷуҳи хосса дода мешавад
Байни Маркази барномаҳои байналмилалӣ ва Муассисаи фарҳангии АКК Созишнома оид ба омӯзиши забони ҷопонӣ ба имзо расид
Дар шаҳри Ҳисор бинои мактаб, варзишгоҳ ва коргоҳи дӯзандагӣ ба истифода дода шуд
Дар даврони соҳибистиқлолӣ дар шаҳри Кӯлоб 53 бинои муассисаи таълимӣ ба истифода дода шуд
Давраи чоруми бақайдгирии довталабон барои иштирок дар ИМД-2026 баргузор мегардад
Дар Душанбе доир ба ташаккули маърифати зиддикоррупсионӣ ҳамоиш баргузор гардид
Донишгоҳи технологии Тоҷикистон соҳиби аккредитатсияи байналмилалии институтсионалӣ гардид
35-СОЛАГИИ ИСТИҚЛОЛИ ДАВЛАТӢ. Дар ин давра дар Бадахшон 300 муассисаи таҳсилоти умумӣ ба истифода дода шуд
Дар шаҳри Кӯлоб муассисаи таълимӣ баъди таъмиру навсозӣ ба истифода дода шуд
Донишҷӯёни Донишгоҳи байналмилалии сайёҳӣ ва соҳибкории Тоҷикистон дар Олимпиадаи байналмилалӣ оид ба бехатарии молиявӣ иштирок намуданд
