НИШАСТИ МАТБУОТӢ. Дар Тоҷикистон 82 лоиҳаи сармоягузории давлатии амалкунанда ба маблағи 43,2 миллиард сомонӣ татбиқ мешавад
ДУШАНБЕ, 11.02.2026 /АМИТ «Ховар»/. Ба ҳолати 1-уми январи соли 2026 маҷмуи лоиҳаҳои сармоягузории давлатии амалкунанда дар Тоҷикистон 82 адад буда, маблағи умумии онҳо 43,2 миллиард сомонӣ (4 680,7 миллион доллари амрикоӣ)-ро ташкил медиҳад.
Тавре Раиси Кумитаи давлатии сармоягузорӣ ва идораи амволи давлатии Ҷумҳурии Тоҷикистон Султон Раҳимзода имрӯз дар нишасти матбуотӣ ба хабарнигорон иттилоъ дод, аз 82 лоиҳаи сармоягузории давлатии амалкунанда дар Ҷумҳурии Тоҷикистон 55 лоиҳа грантӣ, 5 лоиҳа қарзӣ ва 22 лоиҳа дар ҳаммаблағгузории қарз ва грант мебошанд.
Гуфта шуд, ки дар таркиби маҷмуи лоиҳаҳои амалкунанда маблағҳои грантӣ 28,8 миллиард сомонӣ (3 120,6 миллион доллар) ё 66,7 фоиз, маблағҳои қарзӣ 12,9 миллиард сомонӣ (1 403,05 миллион доллар) ё 30,0 фоиз, саҳми Ҳукумати Ҷумҳурии Тоҷикистон 1,4 миллиард сомонӣ (151,2 миллион доллар) ё 3,2 фоиз ва дигар сарчашмаҳо, аз ҷумла саҳми корхонаҳои давлатии ҷумҳурӣ, мақомоти иҷроияи маҳаллии ҳокимияти давлатӣ, ҷамоатҳо (бенефитсиарҳо) ва ғайра 53,7 миллион сомонӣ (5,8 миллион доллар) ё 0,1 фоизро ташкил медиҳад.
Султон Раҳимзода афзуд, ки дар доираи лоиҳаҳои сармоягузории давлатии амалкунанда азхудкунии маблағҳо барои хариди мол, иҷрои кор ва хизматрасонӣ аз санаи оғози татбиқ 28,16 миллиард сомонӣ (3,04 миллиард доллар) ё 65 фоиз ва тибқи нақшаи молиявии моҳҳои январ-декабри соли 2025 6,4 миллиард сомонӣ (697,2 миллион доллар) ё 101 фоизро ташкил медиҳад.
Марзия САИДЗОДА,
АМИТ «Ховар»
АКС: АМИТ «Ховар»
Ҳаҷми умумии даромади буҷети давлатии Тоҷикистон 114,3 фоиз иҷро гардидааст
Ҳайати Тоҷикистон дар Форуми ҳамкорӣ ва рушди тиҷорати электронии Роҳи абрешим иштирок намуд
Тоҷикистон ҳамкориро дар соҳаи саноат бо шаҳри Чонгчини Чин густариш медиҳад
Дар Хадамоти зиддиинҳисорӣ оид ба танзими нархи молу маҳсулоти аз ҷиҳати иҷтимоӣ зарурӣ ҷаласаи Ситоди доимӣ доир шуд
Дар Неругоҳи барқи обии «Роғун» ҳамоиши техникӣ баргузор гардид
Роҳбарияти Бонки миллии Тоҷикистон ва намояндагони GGGI рушди маблағгузории устуворро баррасӣ намуданд
Дар Шанхай масъалаи таъсиси кластери саноатии металлҳои ранга дар вилояти Суғд баррасӣ шуд
Ҳолатҳои ҳуқуқвайронкунии гумрукӣ дар Тоҷикистон коҳиш ёфтаанд
Байни Кумитаи бехатарии озуқавории Тоҷикистон ва Вазорати озуқаворӣ, кишоварзӣ ва саноати сабуки Муғулистон Ёддошти тафоҳум ба имзо расид
Ҳамкории тиҷоратию иқтисодии вилоятҳои Суғд ва Ботканд густариш меёбад
Тоҷикистон ва Муғулистон ҳамкориро дар соҳаи ҳифзи муҳити зист тақвият медиҳанд
НИШАСТИ МАТБУОТӢ. Аз ҳисоби андозҳо ва дигар пардохтҳои ҳатмӣ беш аз 17 миллиард сомонӣ ба буҷети давлатӣ ворид гардид
