НИШАСТИ МАТБУОТӢ. Филиали Донишгоҳи энергетикии Москва дар шаҳри Душанбе соҳиби ду таҷҳизоти лабораторӣ аз фанни физика гардид
ДУШАНБЕ, 10.02.2026 /АМИТ «Ховар»/. Соли 2025 аз ҷониби омӯзгорони Филиали Донишгоҳи миллии тадқиқотии «Донишкадаи энергетикии Москва» дар шаҳри Душанбе 1 монография, 4 китоби дарсӣ, 9 дастури методӣ, 9 мақола дар маҷаллаҳои таҷризшаванда (Scopus ва ВАК) ва 19 маводи конференсия ба чоп расида, омӯзгорони кафедраи электро-энергетика соҳиби 1 патент ва 2 шаҳодатномаи сабти барномаи компютерӣ гардиданд. Дар ин хусус имрӯз зимни нишасти матбуотӣ муовини якуми директори филиал Сафаралӣ Гадоев ибрози назар намуд.
Сафаралӣ Гадоев иттилоъ дод, ки ҳоло дар филиал 341 донишҷӯ, аз ин 237 нафар дар шуъбаи рӯзона ва 104 нафар дар шуъбаи ғоибона таҳсил менамоянд. 69 донишҷӯ рисолаи хатмро муваффақона ҳимоя карда, аз ин 4 нафар соҳиби дипломи аъло гардиданд.
Иброз гардид, ки энергетика соҳаи муҳими иқтисодиёт ва заминаи рушди устувор буда, Тоҷикистон дорои имконияти бузурги гидроэнергетикӣ мебошад. Дар омодасозии мутахассисони соҳаи энергетикаи ҷумҳурӣ филиали Донишгоҳи миллии тадқиқотии «Донишкадаи энергетикии Москва» саҳми арзанда дорад.
«Дар доираи Стратегияи миллӣ оид ба рушди маорифи Ҷумҳурии Тоҷикистон то соли 2030, ки ҳадафи асосиаш қавӣ намудани пойгоҳи илмӣ-таҳқиқотии донишгоҳҳо ва муҷаҳҳаз кардани лабораторияҳо бо таҷҳизоти муосир мебошад, соли 2025 ду таҷҳизоти нави лабораторӣ барои фанни физика: ФЛ-ВМ «Таҳлили фотоэффекти беруна» ва ФЛ-0-ПЗ «Поляризатсияи равшанӣ» харид гардид. Хариди ин таҷҳизот имкон дод, ки корҳои лабораторӣ аз қисми «Оптика» барои фанни «Физика» пурра гардида, сифати корҳои озмоишӣ барои донишҷӯён хеле баланд шавад»,-гуфт Сафаралӣ Гадоев.
Таъкид шуд, ки филиал ҳар сол бо ташаббуси кафедраи «Электроэнергетика» таҳти унвони «Энергетикаи Тоҷикистон: истифодаи манбаъҳои барқароршавандаи энергия, масъалаҳои мубрам ва роҳҳои ҳалли онҳо» конференсияи байналмилалии илмӣ-амалӣ баргузор мекунад.
Донишҷӯёни филиал дар олимпиадаҳои байналмилалӣ дастовардҳои назаррас доранд. Дар олимпиадаи «Умеди энергетика» донишҷӯёни филиал дар байни якчанд донишгоҳи бонуфузи хориҷӣ соҳиби ҷойҳои 1,2,3 ва 4 шуда, дастаи филиал дар натиҷаи гурӯҳӣ ҷойи аввалро соҳиб гардид.
АКС: АМИТ «Ховар»
Панҷ нуктаи омӯзанда аз Рӯзи дониш ва Дарси сулҳ бо паёми Президенти Тоҷикистон
Дар Донишгоҳи аграрии Тоҷикистон синфхонаи замонавӣ барои донишҷӯён ба истифода дода шуд
Президенти Фонди ОПЕК оид ба рушди байналмилалӣ бо имконоти Донишгоҳи байналмилалии сайёҳӣ ва соҳибкории Тоҷикистон шинос гардид
Муҳаққиқи ҷавони тоҷик Омина Холиқзода дар Чин соҳиби медалҳои тилло ва нуқра гардид
Пешвои миллат Эмомалӣ Раҳмон дар шаҳри Душанбе Муассисаи таълимии ғайридавлатии таҳсилоти миёнаи умумии «Имкон»-ро ба истифода доданд
35-СОЛАГИИ ИСТИҚЛОЛИ ДАВЛАТӢ. Дар назди 12 муассисаи таълимии шаҳри Ваҳдат биною синфхонаҳои иловагӣ ба истифода дода мешаванд
Имрӯз дар Тоҷикистон беш аз 240 ҳазор кӯдакон ба синфи якум рафтанд
Аз 1 сентябр донишҷӯёни тоҷик дар Русия метавонанд ҷойи зисти худро тавассути барномаи мобилии «Амина» ба қайд гиранд
Президенти Тоҷикистон: «Падару модарон ба тарбияи фарзандон бояд бо масъулияти баланд муносибат намоянд»
Пешвои миллат дастур доданд, ки сифат ва муҳтавои китобҳои насли нав беҳтар карда шавад
Президенти Тоҷикистон: «Зарур аст дар байни ҷавонону наврасон фарҳанги истифодаи шабакаи интернет баланд бардошта шавад»
Кормандони Мақомоти иҷроияи ҳокимияти давлатии ноҳияи Ёвон суханронии Президенти Тоҷикистонро дастҷамъона тамошо намуданд
