НИШАСТИ МАТБУОТӢ. Соли 2025 қариб 180 миллион сомонӣ ба манфиати модару кӯдак ситонида шуд
ДУШАНБЕ, 10.02.2026 /АМИТ «Ховар»/. Соли 2025 бо фармоиши дахлдор оид ба ҳалли мушкилоти ситониши маблағ ба манфиати давлат, пардохти маблағи алимент, татбиқи маҳдудияти қонунӣ нисбат ба қарздорон ва рӯёниши пардохти иҷро ва ҳалли ин масъалаҳо Ситоди махсуси назди сардори Хадамоти иҷро таъсис дода шуд. Дар он ҳар даҳ рӯз ин самтҳои фаъолият бо иштироки иҷрочиён мавриди муҳокима қарор дода шуданд. Дар ин хусус имрӯз зимни нишасти матбуотӣ сардори Хадамоти иҷрои назди Ҳукумати Ҷумҳурии Тоҷикистон Аҳтам Абдуллозода иттилоъ дод.
Дар доираи ситод 108 ҳазору 580 истеҳсолоти иҷрои самти алимент мавриди таҳлил қарор гирифта, аз ин 18 ҳазору 770 истеҳсолоти иҷро бинобар ба синни балоғат расидани фарзандони ноболиғ, фавтидани қарздорон ё барқарор гардидани хоҷагии умумии тарафҳо қатъ карда шуд. Дар маҷмуъ 89 ҳазору 810 истеҳсолоти иҷро оид ба ситонидани маблағи алимент давра ба давра таъмин гардида, аз ҷониби иҷрочиён ба манфиати модару кӯдак 179 миллиону 904 ҳазору 447 сомонӣ ситонида шудааст. Ин назар ба ҳамин давраи соли 2024 беш аз 147 миллион сомонӣ зиёд мебошад.
Гуфта шуд, ки бинобар саркашӣ намудани қарздорон аз пардохти маблағи алимент нисбат ба 270 нафар қарздор тибқи талаботи моддаи 177 Кодекси ҷиноятии Ҷумҳурии Тоҷикистон бо пешниҳоди иҷрочиён аз ҷониби мақомоти прокуратура парвандаҳои ҷиноятӣ оғоз гардидаанд. Нисбат ба 753 нафар қарздорон барои сари вақт напардохтани маблағи алимент ва пинҳон кардани суроғаи ҷойи зист аз ҷониби иҷрочиёни мақомоти иҷро бо қабули қарорҳои дахлдор кофтуков эълон карда шудааст.
Раъно НУСРАТУЛЛО,
АМИТ «Ховар»
АКС: АМИТ «Ховар»
Татбиқи лоиҳаи «Барқарорсозии зерсистемаи системаи ВМК-и канали Қумсангир» ба 95 фоиз расид
ЗИМИСТОНГУЗАРОНӢ. Дар Сангвор ситоди ноҳиявӣ оид ба омодагии пурра ба фаслҳои тирамоҳу зимистон таъсис ёфтааст
Дар Москва конгресси 5-уми миллӣ дар соҳаи тиб доир гардид
Дар Ҳисор бахшида ба 32-солагии қабули Конститутсияи Ҷумҳурии Тоҷикистон конференсия доир шуд
Оид ба Конститутсия ва ҷойгоҳи он дар танзими муносибатҳои идоракунии давлатӣ ҳамоиши ҷумҳуриявӣ доир шуд
«КОНСТИТУТСИЯ-КАФИЛИ АДОЛАТИ СУДӢ». Дар Суди Олии иқтисодии Тоҷикистон ҳамоиш доир гардид
Муассисаи «Шабакаи гармидиҳии шаҳри Душанбе»: «Муштариён метавонанд барои ҳалли мушкилот ба рақами кӯтоҳи 14-44 занг зананд»
Доир ба саҳми академик Муҳаммадҷони Шакурӣ дар рушди илму адаб конференсияи илмӣ баргузор шуд
«КОНСТИТУТСИЯ–ПОЙДОРИИ ДАВЛАТИ ҲУҚУҚБУНЁД». Таҳти чунин унвон конференсияи ҷумҳуриявӣ доир гардид
Роҳҳои баланд бардоштани ҳосилнокии зироатро дар шаҳри Кӯлоб баррасӣ намуданд
Дар мавзуи «Конститутсия ва таъмини ҳуқуқ ба озодии эътиқод» конференсияи ҷумҳуриявӣ доир шуд
Дар ҷаласаи Шурои ҷамъиятии Ҷумҳурии Тоҷикистон механизмҳои нави ҳимояи ҳуқуқи муҳоҷирони меҳнатӣ баррасӣ гардид
