НИШАСТИ МАТБУОТӢ. Соли 2025 аз ҷониби судҳои иқтисодии Тоҷикистон 3 ҳазору 932 парванда баррасӣ карда шуд
ДУШАНБЕ, 10.02.2026 /АМИТ «Ховар»/. Суди Олии иқтисодии Ҷумҳурии Тоҷикистон иттилоъ медиҳад, ки соли 2025 аз ҷониби марҳилаҳои якум, кассатсионӣ ва назоратии судҳои иқтисодӣ дар маҷмуъ 3 ҳазору 932 парванда мавриди баррасӣ қарор гирифта, доир ба 2 ҳазору 182 парванда ҳалномаи судӣ қабул гардид ва 122 парванда қатъ карда шуд.
Тавре Раиси Суди Олии иқтисодии Ҷумурии Тоҷикистон Зебонисо Абдуллозода дар нишасти матбуотӣ ба хабарнигорон иттилоъ дод, соли 2025 доир ба 244 парванда аризаҳо бе баррасӣ мононда шуда, қабули 15 ариза рад ва 5 парвандаю 6 ариза аз рӯи тобеияти судӣ ба баррасӣ ирсол гардид.
Гуфта шуд, ки дар ин давра аз рӯи талаботи санадҳои ҳуқуқии байналмилалии эътирофшудаи Ҷумҳурии Тоҷикистон, аз ҷумла Конвенсияи Кишинёв «Дар бораи расонидани ёрии ҳуқуқӣ ва муносибатҳои ҳуқуқӣ доир ба парвандаҳои маданӣ, оилавӣ ва ҷиноятӣ» аз 7 октябри соли 2002 ба судҳои иқтисодӣ 14 супориши судӣ ворид ва иҷрои 8 супориши судӣ таъмин гардид, 7 супориши судӣ бе иҷро баргардонида шуд ва як супориш барои иҷро дар соли 2026 боқӣ монд. Ғайр аз ин 10 дархост дар бораи эътироф кардан ва ба иҷро расонидани ҳалномаҳои судҳои хориҷӣ ва арбитражи хориҷӣ –арбитражҳои байналмилалии тиҷоратӣ ва судҳои ҳакамӣ ворид ва баррасӣ карда шуд.
Зебонисо Абуллозода таъкид намуд, ки дар раванди бунёди ҷомеаи демократию ҳуқуқбунёд, ки ҷавҳари онро ҳуқуқ ва озодиҳои инсон ва шаҳрванд ташкил медиҳанд, таъмини адолати судиву иҷтимоӣ ва волоияти қонун вазифаи асосии судҳои иқтисодӣ маҳсуб мешавад. Барои иҷрои ин рисолати касбӣ ва вазифаҳои хизматӣ судҳои иқтисодӣ соли 2025 корҳои муайянеро иҷро намуданд, ки ба таҳкими волоияти қонун дар ҷомеа нигаронида шудаанд.
Марзия САИДЗОДА,
АМИТ «Ховар»
АКС: АМИТ «Ховар»
БА ТАВАҶҶУҲИ РОНАНДАГОН! Набудани бимаи суғурта ва корти ташхиси техникӣ минбаъд тавассути дурбинҳо сабт карда мешавад
Ҳамкории Тоҷикистон ва Олмон дар самти рушди инноватсия ва технологияҳои рақамӣ баррасӣ гардид
Масато Канда: «БОР 1,1 миллиард доллари ИМА-ро ба татбиқи Стратегияи нави шарикӣ бо Тоҷикистон барои солҳои 2026–2030 ҷалб менамояд»
Иқтидори сайёҳии Тоҷикистон дар Намоишгоҳи байналмилалии сайёҳии «ITB Berlin 2026» муаррифӣ мегардад
Ҷаласаи чордаҳуми Комиссияи муштараки байниҳукуматии Тоҷикистон ва Туркманистон баргузор гардид
Татбиқи «Стратегияи Бонки Осиёии Рушд барои Тоҷикистон дар давраи солҳои 2026–2030» оғоз мегардад
Дар шаҳри Кӯлоб таҳти раёсати Сарвазири Ҷумҳурии Тоҷикистон ҷаласаи корӣ баргузор шуд
Шумораи умумии субъектҳои хоҷагидор дар Тоҷикистон ба 381 ҳазор адад расид
Ҳайати Туркманистон барои иштирок дар ҷаласаи Комиссияи муштараки байниҳукуматии Тоҷикистон ва Туркманистон ба Душанбе омад
Сарвазири Тоҷикистон дар ноҳияи Мир Сайид Алии Ҳамадонӣ бо корҳои созандагию ободонӣ шинос гардид
Байни шаҳрҳои Душанбе ва Тошканд хатсайри нави нақлиётии байналмилалӣ фаъол карда шуд
Таҳкими ҳамкории дуҷониба ва рушди бахши молиявӣ байни Тоҷикистон ва Бонки ҷаҳонӣ баррасӣ гардид
