НИШАСТИ МАТБУОТӢ. Соли 2025 дар Тоҷикистон беш аз 70 ҳазор ҷойи кори доимӣ таъсис дода шуд
ДУШАНБЕ, 03.02.2026 /АМИТ «Ховар»/. Соли 2025 аз ҷониби шахсони ҳуқуқӣ ва воқеӣ 280 ҳазор ҷойи нави корӣ, иловагӣ ва барқароршуда таъсис дода шуд. Аз ин шумора 74 ҳазор ҷойи кор доимӣ, 49 005 ҷойи кор муваққатӣ ва 152,2 ҳазор ҷойи кор мавсимӣ мебошанд. Дар ин хусус 3 феврал зимни нишасти матбуотӣ Вазири меҳнат, муҳоҷират ва шуғли аҳолии Ҷумҳурии Тоҷикистон Солеҳа Холмуҳаммадзода ба хабарнигорон иттилоъ дод.
Солеҳа Холмуҳаммадзода иброз дошт, ки масъалаи бо ҷойи кор таъмин намудани шаҳрвандони Тоҷикистон, бахусус муҳоҷирони баргашта дар корхонаю ташкилоте, ки ба ҷалби қувваи корӣ дар мамлакат машғуланд, муҳим мебошад.
Иттилоъ дода шуд, ки соли 2025 55 ҳазору 88 нафар дар ширкатҳое, ки ба ҷалби қувваи корӣ машғуланд, бо кор таъмин гардиданд. Теъдоди кормандони хориҷӣ 5433 нафар ва шумораи кормандони маҳаллӣ 49 ҳазору 655 нафарро ташкил дод.
«Аз ин шумора 16 ҳазору 200 нафар муҳоҷири ихроҷ ва бозпасомада буда, 2565 нафарашон дар ширкатҳои Ҷамъияти саҳомии кушодаи Неругоҳи барқи обии «Роғун» бо кор таъмин шуданд», – иттилоъ дод Вазири меҳнат, муҳоҷират ва шуғли аҳолӣ.
Гуфта шуд, ки яке аз самтҳои асосии фаъолияти вазорат- ин ҳарчи бештар ба намудҳои гуногуни шуғл фаро гирифтани аҳолии қобили меҳнат, омода намудани кадрҳои коргарӣ вобаста ба талаботи бозори меҳнат ва дастгирии табақаҳои осебпазири аҳолӣ мебошад. Соли 2025 ба мақомоти меҳнат ва шуғли аҳолӣ 154 ҳазору 822 нафар муроҷиат намудаанд. Аз ин шумора 120 ҳазору 391 нафар ҳамчун корҷӯ ба қайд гирифта шуда, ба 67 853 нафар мақоми бекорӣ дода шуд.
Моҳинави НАВРӮЗ,
АМИТ «Ховар»
АКС: АМИТ «Ховар»
Татбиқи лоиҳаи «Барқарорсозии зерсистемаи системаи ВМК-и канали Қумсангир» ба 95 фоиз расид
ЗИМИСТОНГУЗАРОНӢ. Дар Сангвор ситоди ноҳиявӣ оид ба омодагии пурра ба фаслҳои тирамоҳу зимистон таъсис ёфтааст
Дар Москва конгресси 5-уми миллӣ дар соҳаи тиб доир гардид
Дар Ҳисор бахшида ба 32-солагии қабули Конститутсияи Ҷумҳурии Тоҷикистон конференсия доир шуд
Оид ба Конститутсия ва ҷойгоҳи он дар танзими муносибатҳои идоракунии давлатӣ ҳамоиши ҷумҳуриявӣ доир шуд
«КОНСТИТУТСИЯ-КАФИЛИ АДОЛАТИ СУДӢ». Дар Суди Олии иқтисодии Тоҷикистон ҳамоиш доир гардид
Муассисаи «Шабакаи гармидиҳии шаҳри Душанбе»: «Муштариён метавонанд барои ҳалли мушкилот ба рақами кӯтоҳи 14-44 занг зананд»
Доир ба саҳми академик Муҳаммадҷони Шакурӣ дар рушди илму адаб конференсияи илмӣ баргузор шуд
«КОНСТИТУТСИЯ–ПОЙДОРИИ ДАВЛАТИ ҲУҚУҚБУНЁД». Таҳти чунин унвон конференсияи ҷумҳуриявӣ доир гардид
Роҳҳои баланд бардоштани ҳосилнокии зироатро дар шаҳри Кӯлоб баррасӣ намуданд
Дар мавзуи «Конститутсия ва таъмини ҳуқуқ ба озодии эътиқод» конференсияи ҷумҳуриявӣ доир шуд
Дар ҷаласаи Шурои ҷамъиятии Ҷумҳурии Тоҷикистон механизмҳои нави ҳимояи ҳуқуқи муҳоҷирони меҳнатӣ баррасӣ гардид
