НИШАСТИ МАТБУОТӢ. Соли 2026 дар Хатлон беш аз 80 корхонаю коргоҳи нави саноатӣ сохта мешавад
ДУШАНБЕ, 12.02.2026 /АМИТ «Ховар»/. Дар назар аст, ки соли 2026 зиёда аз 1500 иншооти нав, аз ҷумла муассисаҳои соҳаи маориф, ба мисли муассисаҳои мактабӣ ва томактабӣ, тандурустӣ ва беш аз 80 корхонаю коргоҳи нави саноатӣ (аз ҷумла, бо саҳми соҳибкорон) сохта, мавриди истифода қарор дода шаванд. Дар ин хусус Раиси вилояти Хатлон Давлаталӣ Саид 11 феврал зимни нишасти матбуотӣ иттилоъ дод.
Давлаталӣ Саид иброз намуд, ки дар доираи омодагӣ ба таҷлили ҷашни 35-солагии Истиқлоли давлатии Ҷумҳурии Тоҷикистон нақшаи корҳои ободонию бунёдкорӣ дар вилоят пеш аз муҳлат ва бо нишондиҳандаи 106 фоиз иҷро гардида, ба ҷойи 6260 иншооти пешбинишуда 6640 иншоот сохта, мавриди истифода қарор гирифт, ки нисбат ба нақша 380 адад зиёд мебошад.
Иттилоъ дода шуд, ки соли 2025 дар шаҳру ноҳияҳои вилоят 2572 иншооти гуногун сохта, ба истифода дода шуд, ки нисбат ба нақшаи солона 2,3 баробар зиёд аст.
Дар ҷараёни нишасти матбуотӣ таъкид гардид, ки соли 2025 дар вилояти Хатлон 146 муассисаи соҳаи маориф мавриди истифода қарор дода шуд. Соли 2025 аз ҳисоби соҳибкорон ва сокинони саховатпеша 61 муассисаи таълимӣ барои 9450 ҷойи нишаст дар як баст ва 13 муассисаи томактабӣ барои 2440 ҷой бунёд гардид.
АКС: Хадамоти матбуоти Раиси вилояти Хатлон
«ТОП – 35 ШАРИКИ БОЭЪТИМОДИ СОЛ». Ба муносибати 35-солагии Истиқлолияти давлатӣ озмун баргузор мегардад
Дар ноҳияи Деваштич Маркази ҷумҳуриявии инноватсия ва технологияҳо дар соҳаи картошкапарварӣ таъсис дода мешавад
Бахшида ба Рӯзи байналмилалии ҳимояи ҳуқуқи истеъмолкунандагон корҳои фаҳмондадиҳӣ доир гардид
ИМРӮЗ-РӮЗИ БАЙНАЛМИЛАЛИИ ҲИМОЯИ ҲУҚУҚИ ИСТЕЪМОЛКУНАНДАГОН. Зиёда аз 86 тонна маҳсулоти бесифати бозорҳои истеъмолӣ нобуд карда шуд
Байни ширкати ҳавопаймоии хусусии «Shohin Airlines» ва Бунёди сармоягузории аврупоӣ Созишномаи сармоягузорӣ ба имзо расид
Ҷаласаи Гурӯҳи кории байниидоравӣ оид ба мониторинг ва арзёбии ҳуҷҷатҳои банақшагирии стратегӣ доир гардид
Дар Вашингтон дурнамои ҳамкории Тоҷикистон бо Бонки ҷаҳонӣ дар самти рушди инфрасохтори роҳу нақлиёт баррасӣ шуд
Тоҷикистон ҳамкориро бо Барномаи ҷаҳонии озуқаворӣ дар самти устувории иқлимӣ тақвият медиҳад
То соли 2030 ҳаҷми савдо байни Тоҷикистон ва Қазоқистон ба 2 миллиард доллар расонида мешавад
Тоҷикистон ба таҷрибаи бузургтарин оператори бозори неруи барқи Аврупо — Nord Pool мароқ зоҳир намуд
Дар Бохтар таҳти роҳбарии муовини Сарвазири Тоҷикистон Усмоналӣ Усмонзода ҷаласаи гурӯҳи корӣ доир шуд
Хизматрасонии техникии зеристгоҳҳои конвертории тарҳи «CASA-1000» дар Тоҷикистон ва Покистон соли 2028 ба анҷом мерасад
