Портали маълумоти системаи идоракунии таҳсилоти касбӣ фаъол карда шуд
ДУШАНБЕ, 04.02.2026 /АМИТ «Ховар»/. Соли 2025 системаи иттилоотии идоракунии муассисаҳои таҳсилоти ибтидоӣ ва миёнаи касбии кумита — emistahsilot.tj таҳия ва фаъол карда шуд. Ҳадафи ин система автоматикунонии ҳамаҷонибаи идоракунии раванди таълим дар муассисаҳои таҳсилоти ибтидоӣ ва миёнаи касбӣ, таъмини дастрасии ягонаи мутамарказ ба иттилооти замонавӣ, боэътимод ва пайгиронаи ҳама иштирокчиёни раванди таълим мебошад. Дар ин хусус 3 феврал раиси Кумита оид ба таҳсилоти ибтидоӣ ва миёнаи касбии назди Ҳукумати Ҷумҳурии Тоҷикистон Фарҳод Раҳимӣ зимни нишасти мабуотӣ иттилоъ дод.
«Тавассути портали emistahsilot.tj барои донишҷӯён, омӯзгорон ва маъмурияти муассисаҳо дастрасии мутамарказ ба маълумоти боэътимод фароҳам гардонида мешавад. Ин низом маълумоти марбут ба таҳсил, кадрҳо, ҷараёни таълим ва нишондиҳандаҳои асосии фаъолияти муассисаҳоро дар шакли электронӣ инъикос менамояд.
Ҷорӣ гардидани система ҳамзамон омилҳои инсонӣ дар коргузорӣ ва баҳисобгириро коҳиш дода, барои қабули қарорҳои асоснок дар сатҳи идоракунии соҳа шароити мусоид муҳайё месозад. Ин низом ба равандҳои ислоҳоти соҳа мутобиқ буда, талаботи замони муосирро ба инобат мегирад», — гуфт раиси кумита.
Таъкид шуд, ки кумита дар марҳилаҳои минбаъда такмили техникии система, густариши имконияти он ва пайваст намудани ҳама муассисаҳои таҳсилоти ибтидоӣ ва миёнаи касбиро ба платформаи emistahsilot.tj ва Интернети бесим ба нақша гирифтааст.
АКС: АМИТ «Ховар»
Доир ба саҳми барандагони Ҷоизаи Исмоили Сомонӣ дар рушди Тоҷикистони муосир конференсия баргузор шуд
Пешвои миллат: «Вилояти Хатлон дар таърихи давлатдории тоҷикон ҷойгоҳи махсус дорад»
ИСТИҚЛОЛИЯТИ ДАВЛАТИИ ТОҶИКИСТОН ТО АБАД УСТУВОРУ ПОЯНДА БОШАД! Тавсифҳои истиқлолият аз суханҳои пурарзиши Президенти Тоҷикистон
«РУШДИ ҲУҚУҚИ ИНСОН ДАР 35 СОЛИ СОҲИБИСТИҚЛОЛИИ ТОҶИКИСТОН». Таҳти ин унвон конференсияи байналмилалӣ доир шуд
Дар солҳои соҳибистиқлолии Тоҷикистон андозаи нафақаҳо беш аз 20 маротиба индексатсия карда шуд
35 СОЛИ ИСТИҚЛОЛ: АЗ ОЗМОИШҲОИ ТАЪРИХ ТО БУНЁДИ ПОЯҲОИ ОЯНДАИ ДУРАХШОН. Андешаҳо дар ин маврид
Аз 1 сентябр маоши вазифавии кормандони соҳаҳои маориф, илм, фарҳанг, варзиш, тандурустӣ ва муассисаҳои соҳаи ҳифзи иҷтимоӣ зиёд карда мешавад
35-СОЛАГИИ ИСТИҚЛОЛИ ДАВЛАТӢ. Дар деҳаи Руҳафзои ноҳияи Темурмалик 9 иншооти таъйиноти гуногун ифтитоҳ гардид
Дар Тоҷикистон ҳавои моҳи якуми фасли тирамоҳ то 1 дараҷа гарм пешгӯӣ мешавад
Бо иштироки Сарвазири Тоҷикистон маросими супоридани мукофот ва ҷоизаҳои давлатӣ ба намояндагони касбу кори гуногун баргузор шуд
ПУРСИДЕД, ҶАВОБ МЕДИҲЕМ. Аз соли 2027 шаҳрвандони хориҷӣ дар Федератсияи Русия кадом талаботи навро бояд риоя намоянд?
Оид ба нақши Пешвои миллат дар таҳкими истиқлолият ва рушди Тоҷикистони соҳибистиқлол ҳамоиш доир шуд
